Timəə dí-pɛn 17:16 - LAWA A BOO SONBORE

¹⁶ Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.

LAWA A BOO SONBORE 2011

¹⁶ Sɛnɛ, kii lɛ a sùin doamaa bie ǹ goã gigiã wa. A doamaa dɔ bie a zaman lɛ lɛ goa a dia Ezipti, mà ǹ wo sùin pii ǹ da ǹ nɛ, màn mɛn bɛ́ toɛ, asɛ a sùin nə mɔnaa wa. A giala, Dɛnaa Lawa pɛ ka nɛ mà ka nyan toa ka n bɔyaa ka kɔ zii kɛ lɛ doo wa.

Timəə dí-pɛn 17:16 ပူးပေါင်းရင်းမြစ်များ

Samayeli2 8:4

Davida na á sùi-dabaalin lɛn duu goon ka biɛsɔbaa (1 700) kũ. A zia-baalin mɛnɛn dɔn bɛ́ tɔ we ka ǹ gòã nɛ, á bɛa duu fuə kũ (20 000). Á ziabaa ǹ sùin lɛn paabiɛ bɔ á koa, á gialakun kɛ tumaa pere biɛn kukuru.

Kiin1 1:5

Bɛa waáraa, Agiti a nɛgiĩ Adoniya na á goã n yiri koɛ kiibaa ganaa bɛ̀ á n pii: «Masɛ din lɛ n die kii biɛ!» Á ga ziabaa ǹ wotoro goon li, ka sùidɛnan laanka min posooro ne, bɛn nə́ goã a nyɛɛnɛ baa sii.

Kiin1 5:6

Ziabaa ǹ wotoro gũ ǹ sùin kaa ǹ bǎã goã Salomɔn lon, sùi duu pusi (40 000) ń boe la a wɔ a nɛ. Min mɛnɛn nə goã dii Salomɔn a sùin la, bɛn man min duu fulupaa (12 000).

KZS2 1:16

Sùin mɛnɛn nə goã Salomɔn lon maǹ nə́ goã boe ǹ ne Ezipti ka Kue gána nɛ. A pii-kɔlen man nə́ goã ǹ pii walan.

KZS2 9:25

Salomɔn a kionən tan sùi duu sii (4 000) ka ziabaa ǹ wotoro duu sii n boe la a wɔ a nɛ. Sùi da baa-a wole duu fulupaa (12 000) na a lon. Ǹ tɛnɛn man a din li Zeruzalɛmu, a ná a gialakunun kɛn dia kiwin ni, ǹ mɛnɛn yɔrɔ bɛ boe-n ziabaa ǹ wotoron lɛn koa taman yii.

Loen 20:7

Ma á doɛ̃ dinin gɔrɔ, máa Dɛnaa Lawa din kii mɛn bɔ á koa, á re gɔ̀lɔ̀baa koe bɛ la. A nə n toɛ a din a bǎã sonbore kɛ-n lon a tá a lɛ sii, a ná a lɛ sii ka a din a boo sii la pàã nɛ.

Bɔ bɛ̀rɛbaa nɛ 13:17

Faarahɔn bɛ́ á toa zaman lɛ soo, Lawa nə́ ǹ nyɛɛnaa ǹ bɔ. A Filisiti minin gána a zii kɛ kũ ǹ ni wa, a laan bɛa zii lɛ goã kunu. Lawa yɛ mà bɛ̀ zaman lɛ dɔ̃ mà a doamaa nɛ a zia da, mà a yiri á re n bɔyɛɛ, mà á re wusii a wo Ezipti gána nɛ.

Bɔ bɛ̀rɛbaa nɛ 13:18

Lawa zaman lɛ yɔrɔ bɔyaa á dia Sawɛɛ tà diə gole la. Izirayeli nɛnyaanan lɛn man nə́ soo, ǹ nə́ n bɔ Ezipti gána-n ka màn gigiã nɛ.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Izayii 2:7

Gána lɛ piɛ̃maa-n ka sana nɛ, wɔrɔ nɛ. A naforo la yii ni. A piɛ̃maa-n ka sùin ni, a ziabaa ǹ wotoron nə́ la yii ni.

Zeremii 42:19

«Kasɛn, Zudaa zaman gialakun ke, pelo, ma nə n gɔn wɛɛ ka-n ka ma parsiini. Dɛnaa Lawa n pii mà ka nyan wo Ezipti gána-n wa. Ka doamaa-n ka bɛ dɔ̃.

Ezekieli 17:15

Sɛnɛ, á n gòãn doa kɔn ka Baabiloniin kii lɛ nɛ, á minin dia Ezipti gána nɛ, mà bɛn nə n dɔ asɛ lɛ, ka sùin laanka sɔraasi gigiã nɛ. Min mɛn bɛa siin kɛn lɛn tɔrɔ zɛnaa, á re bǐɛ̃ koe a gɔn? Á re n boe a nɛ? A bɛ́ á lɛ kɔ kɔn la lɛ ziziɛ̃, á re n boe a-n sonbore?

Ozee 11:5

Izirayeli tɔrɔn lɛn ba re wusii ǹ da Ezipti doo wa, sɛnɛ Asiirii gána kɛ n die goɛ̃ ǹ mìi la, a giala ǹ nə́ n piã mà ǹ ba wusii ǹ da masɛ li wa.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Misee 5:10

Ma á die kaa gána lɛ a kiwin yui, kungɔnɔn mɛnɛn bɛ́ ǹ lɛnpɛnɛ, ma á die bɛn tumaa wurii.

Timəə dí-pɛn 28:68

A laanɛ má pɛ ka nɛ máa ka yii á re wusii a mɛ Ezipti gána kɛ ganaa doo duduu wa, Dɛnaa Lawa á re wusii a wo ka nɛ walan ka mu la ǹ goo ne. Walan kəni, kaa giĩn laanka kaa lɔn tá re n dinin siɛ̃ kaa zɔ́ɔn lɛn la bɛ̀rɛn lɛa. Sɛnɛ, min na a re yii a ka pii wa.

Samayeli1 8:11

Á pɛ: «Kii mɛn bɛ́ re goɛ̃ ka mìi la, a n die a pàã zɛnɛɛ yɔrɔ kɛ la: a tá re kaa nɛgiĩn biɛ sɔraasin lɛa, a ǹ kaa ziabaa ǹ wotoron laanka sùin la, ǹ baa si a wotoro nyɛɛnɛ.