Timəə dí-pɛn 17:11 - LAWA A BOO SONBORE

¹¹ Ǹ bɛ́ re ka darɛɛ dí-pɛ mɛn ganaa, ǹ bɛ́ re sii yɔrɔ bɔ ǹ gɔn mɛn nyɛɛ ka nɛ, ka zɛnaa a kɔnpɛ ka bɛ nɛ. Ǹ bɛ́ re boo mɛn pii ka nɛ, ka kɔ bɛ lɛ, ka nyan kanaa ka wo gusin hinlaa gɔsɛ wa.

LAWA A BOO SONBORE 2011

¹¹ Ǹ bɛ́ re ka darɛɛ dí-pɛ mɛn ganaa, ǹ bɛ́ re sii yɔrɔ bɔ ǹ gɔn mɛn nyɛɛ ka nɛ, ka zɛnaa a kɔnpɛ ka bɛ nɛ. Ǹ bɛ́ re boo mɛn pii ka nɛ, ka kɔ bɛ lɛ, ka nyan kanaa ka wo gusin hinlaa gɔsɛ wa.

Timəə dí-pɛn 17:11 ပူးပေါင်းရင်းမြစ်များ

Samayeli2 14:19

Kii tɔ́n pɛ nɛ: «Zoabu din bie n diɛ sii kɛ lɛ tumaa a zɛnaa ganaa wa le?» Lɔ lɛ ná a lɛ si: «Maa dɛnaagiĩ kii, ma laanka Lawa nɛ, boo kɔn din ba n wɔ la kuri wa. Sonbore ne. N din a dí-nyali Zoabu na á masɛ dia. Ma doamaa bɛ́ nɛ ma boo mɛn da, a din na a bɛ tumaa pɛ masɛ nɛ.

Suusun 4:27

N nyan wo n gusin hinlaa n gɔsɛ wa. N wɔlɔ lui sii baraa ganaa.

Lawa a wúlu-bɔlen 10:11

Dɛnaa Lawa landa boon mɛnɛn tumaa pɛ Muizu ni, mà a ǹ pɛ ka nɛ, ka doamaa nɛ, ka boo la dɔn, ka Izirayeli minin daraa bɛn lɛn tumaa ganaa.

Timəə dí-pɛn 17:10

Ǹ bɛ́ re boo mɛn pii ka nɛ a yɔrɔ bɔ ǹ gɔn lɛa, Dɛnaa Lawa a bǎã kɛ nɛ á bɔ, ka zɛnaa a kɔnpɛ ka bɛ lɛ nɛ. Ǹ bɛ́ re ka darɛɛ sii mɛn tumaa ganaa, ka n yiri koa li ka kɔ bɛ lɛ.

Timəə dí-pɛn 17:20

Bɛ n die toɛ, a ba re n din gole koe a tɔrɔ minin lɛn ganaa wa, a re gɔn waa ǹ boon kɛn dɔn lɛ tii, a kanaa a wo gusin hinlaa gɔsɛ wa. Bɛ̀ á zɛnaa miɛ̃, a din laanka a tɔrɔn tá re boe la ǹ giã Izirayeli minin lɛn mìi la, ǹ belebɔ nɛ.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Timəə dí-pɛn 28:14

Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Tiitii 3:1

Lawa-nyankɔlen tumaa yiri da a nɛ, mà ǹ doamaa nɛ, ǹ nə n doroo nyɛɛnaan-bɔlen laanka pàãdɛnan manɛ. Mà ǹ doamaa nɛ ǹ nə ǹ lɛ si, ǹ goã dí sonbore tumaa nya a lɛa.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:8

Ka bɛ din tumaa nɛ, bɛa min baraan kɛn lɛn man sii zɛnɛɛ ka bɛa yɔrɔ kɛ lɛ nɛ. Maǹ soɛ boon taasɛ, ǹ nə́ *gɔ̀ diɛ ǹ dinin ganaa, ǹ nə́ Lawa pàã gole kɛ puusə koe, ǹ nə́ sɔ koe lon màn pàãdɛnan kɛn ganaa.