Timəə dí-pɛn 17:1 - LAWA A BOO SONBORE

¹ Bɛ̀ wɔ̀lɔ̀ tá dii hinlaa sère ganaa, ta wɔ̀lɔ̀ tɔrɔ mɛn nɛ, ka nyan toa ka bɛ kɔ kaa Lawa, Dɛnaa Lawa la *wúlu màn lɛa wa. A giala, bɛ n sii bɔbɔnɛɛ lɛa kaa Lawa, Dɛnaa Lawa yii li.

LAWA A BOO SONBORE 2011

¹ Bɛ̀ wɔ̀lɔ̀ tá dii hinlaa sère ganaa, ta wɔ̀lɔ̀ tɔrɔ mɛn nɛ, ka nyan toa ka bɛ kɔ kaa Lawa, Dɛnaa Lawa la *wúlu màn lɛa wa. A giala, bɛ n sii bɔbɔnɛɛ lɛa kaa Lawa, Dɛnaa Lawa yii li.

Timəə dí-pɛn 17:1 ပူးပေါင်းရင်းမြစ်များ

Siin Giala 41:19

Bɛ kio, ma dii dan sɔbaa kɔsɔ dɔ yɛ, ǹ nə́ soo ǹ kio, pɛrɛɛ nɛ, babaraa yɔrɔ-a, pàã wɛɛ̃ kɔ ǹ ganaa. Ezipti gána din tumaa nɛ, ma bin tɔɔ yɛ naarɛ lɛa kɛnɛn wa.

Bɔ bɛ̀rɛbaa nɛ 12:5

Ka tɔɔ bɔ, wɔ̀lɔ̀ ná a ba a ganaa wa, lɛ̀ goon pia lɛa. Ka bɔ sère nɛn hinlaa bòe nɛn bii.

Suusun 11:1

Kiri kɔkɔrɔ tìĩ n boe-n Dɛnaa Lawa nɛ. Sɛnɛ, a foo sii n ka kiri pepere ne.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 20:10

Koɛɛ̃n wɔ ka màn zɔɔ̃ ǹ mànan nɛ n Dɛnaa Lawa soɛ̃ lɛa.

Suusun 6:16

Sii sɔrɔ na a tan ǹ tìĩ n boe ne Dɛnaa Lawa nɛ, a ná a ba ǹ sii a ganaa duduu wa. Yii tá lon wole ne, soɛ-bɔle ne, yii tì-a dɛ wole ne, tán dù-bosoli ni, min mɛn goã bɛ́ siɛ sii baraa zɛnaa li, siére baraa-pɛli ni. Sɛnɛ, a sɔbaabaa ǹ wɔ tan: Min mɛn bɛ́ dɔɔ̃ngiĩ hinlaa dɔɔ̃lɔn kiɛ kɔn, bɛa dɛnaa tìĩ n boe ne Dɛnaa Lawa nɛ.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Malakii 1:8

Bɛ̀ ka daa tɔɔ yii tere-a nɛ, tɔɔ mɛn bɛ gisiĩ hinlaa tɔɔ bɔlɔka kɔ ma la *wúlu màn lɛa ka n taasɛ mà á siĩni? Bɛ̀ ka bɛa tɔɔ kɛ lɛ miã kɔ kaa gánadɛnaa la, ka á taasɛ mà a foo á re kɔɔ̃n koe a lɛ kɔ a sii zɛnaa kaa lɛa? Man nɔ̀n diɛ ka la masɛ Dɛnaa Lawa Pàãyiidɛnaa.

Minin nimi 29:8

Ka die ka dii gɔ̀lɔ̀ goon baa wúlu màn tiɛ̃ gìĩ kɔɔ̃n lɛa, ka sère gɔ̀lɔ̀ goon laanka lɛ̀ goon sère nɛ sɔbaa nɛ, ka ǹ kɔ Dɛnaa Lawa la. Ka baran toa wɔ̀lɔ̀ goã ǹ kɔn ganaa wa.

Timəə dí-pɛn 15:21

Sɛnɛ, bɛ̀ wɔ̀lɔ̀ tá tɔɔ lɛ mɛn-a, bɛ̀ a n simii hinlaa a yii na á tã, hinlaa ta wɔ̀lɔ̀ tɔrɔ kɔsɔ mɛn nɛ, ka nyan bɛ kɔ kaa Lawa, Dɛnaa Lawa la *wúlu màn lɛa wa.

Timəə dí-pɛn 23:18

Izirayeli minin bii, a nyan toa a yɛ nɛlɔ hinlaa nɛginin lɛa, ǹ mɛn bɛ́ n din koe wo dì la ǹ kɔrɔbaa kɛ la wa.

Timəə dí-pɛn 24:4

ǹ zuũ bibinaa mɛn lɛ loo, bɛa boe la a saa doo, a baa a lɔ lɛa wa. A giala, lɔ lɛ na á *gɔ̀ da a din ganaa. Dɛnaa Lawa yɔrɔ-a, sii bɔbɔnɛɛ nɛ. Kaa Lawa, Dɛnaa Lawa bɛ́ gána mɛn lɛ koe ka la, mà a kaa wɔ baa, ka nyan toa ka a minin kaa sii baraa zɛnaa ganaa wa.

Timəə dí-pɛn 25:16

A giala, min mɛn tumaa bɛ́ bɛ zɛnɛɛ, min mɛn tumaa bɛ́ kɔkɔrɔbaa ǹ sii zɛnɛɛ, bɛa dɛnan tìĩ n boe-n kaa Lawa, Dɛnaa Lawa lɛ nyin ni.

Timəə dí-pɛn 7:25

Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.