Timəə dí-pɛn 16:3 - LAWA A BOO SONBORE

³ Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

LAWA A BOO SONBORE 2011

³ Yɔ bù bɛ́ buuru mɛn li, ka nyan bɛ sɔ̃ kun ka bɛa zɔ́n lɛ a màn-bii-n wa. Yɔ bù bɛ́ a ba buuru mɛn li wa, ka bɛ sɔ̃ lɛawaa sɔbaa gɔ́ɔ̃ nɛ. Nɔmaa ǹ buuru ni, a giala, ka n ká soo Ezipti gána-n ka fuu ni. Bɛ̀ ka á bɛa buuru lɛ soɛ̃, ka n yiri kɔ kaa soo Ezipti gána-n lɛ li, kaa yiikoonaabaa lɛawaan tumaa gɔ́ɔ̃ nɛ.

Timəə dí-pɛn 16:3 ပူးပေါင်းရင်းမြစ်များ

Kiin1 22:27

N pɛ ǹ nɛ, mà kii mà ǹ giĩ kɛ da kòso-n. Ǹ kòso nɛn màn-bii laanka ǹ mu kɔ la, yǎa ma boe zia la ma die, ma din yii lɛa.»

Loen 102:9

Baraabaraa, maa zɔ́ɔn man sɔ kiɛ ma la. Ǹ foo yoomaa nɛ ma li, maǹ baraa bíi minin li, ka ma tɔ nɛ, mà nɔmaa nə ǹ yɛ ka masɛ bɛ́ lɔn.

Loen 111:4

A n giɛ li, mà ǹ nə n yiri koa ka asɛ a nya ǹ dí dadaran kɛn nɛ. Dɛnaa Lawa lɛ á bǐɛ̃ zɛnɛɛ, á makara doɛ̃.

Loen 127:2

Kaa yoo lɛlɛ kɛ lɛ, ká n dí nyɛɛ ka a n susui wa, ká n giɛ màn-bii li ká n fuu yii, a là banban. Lawa bɛ́ min mɛn narɛ, a n toɛ nyuù ni, a na a laadoo bǐɛ̃ kɔ.

Bɔ bɛ̀rɛbaa nɛ 12:11

Bɛ̀ ka tá a siĩ lɛ soɛ̃, ka sɔ̃ fufuu, ka binbin goã yii-n ka maabɛlɛ nɛ, kɔsɔn nə́ ka gòã ganaa, bàlà n ka gɔn, ka n pɛ mà ka n woe zii-n sisia. Dɛnaa bɛ́ re kiɛ̃ a ka toa walan, bɛa zɔ́n nɛ.»

Bɔ bɛ̀rɛbaa nɛ 12:17

«Ka *yɔ bùbaã buuru zɔ́n kɛ tamaa, a giala, bɛa pinaa taãn-taãn lɛ nɛ, má soo kaa zaman lɛ nɛ má bɔ Ezipti gána nɛ. Ka bɛa pinaa kɛ tamaa ka baa zɔ́n lɛa lɛ̀ woo lɛ̀. A na á sii baa, sii mɛn bɛ́ a sàabiɛ doo wa.

Bɔ bɛ̀rɛbaa nɛ 12:39

Ǹ soo ka buuru wùsu yia mɛn nɛ Ezipti gána nɛ, ǹ nə́ bɛ da mɔ̀mɔ lɛa, yɔ bù ná a ba li wa, a giala, a yoo wa. Ǹ bɛ́ ǹ bie ǹ nə́ n yɔrɔ bɔ, ǹ nə́ tɔ́n nə ǹ loo Ezipti gána lɛ-n wa, ǹ boo la ǹ nə́ màn-bii saa wa.

Bɔ bɛ̀rɛbaa nɛ 12:8

Tɔɔ lɛ siĩ nə n paparɛ, a n sɔ̃ bɛa tèlò lɛ nɛ, ka buuru ni, yɔ bù ná a ba li wa, ka buu kɔɔsɛn nɛ.

Bɔ bɛ̀rɛbaa nɛ 34:18

«Ka toa ka *yɔ bùbaã buuru zɔ́n kɛ tamaa ka zɛnaa. Lɛawaa sɔbaa gɔ́ɔ̃ nɛ, ka yɔ bùbaã buuru sɔ̃. Ka zɛnaa a kɔnpɛ biikoo kɛ lɛ nɛ, má pɛ ka nɛ. Mui bibinaa nɛ, a giala, ka n ka soo Ezipti gána nɛ, mui bibinaa kɛ lɛ nɛ.

Izayii 52:12

Sɛnɛ ka nyan soo kiwi lɛ nɛ ká baafuubaa nɛ ká maǹ ka lui wa. A giala, Dɛnaa Lawa din nə tɔ we ka nyɛɛnɛ, Izirayeli a Lawa n tɔ we ka kio.

Lawa a wúlu-bɔlen 23:6

A din mui lɛ a lɛawaa fulusoorobaa ǹ wɔ pinaa, *yɔ bùbaã buuru zɔ́n nə n giala koe, masɛ Dɛnaa Lawa tɔ bɔ a lɛa. Lɛawaa sɔbaa gɔ́ɔ̃ nɛ, ka bɛ́ re buuru mɛn soɛ̃, yɔ bù nyan goã li wa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Minin nimi 28:17

A din mui kɛ lɛ a lɛawaa fulusoorobaa ǹ wɔ pinaa, kaa lɛawaa sɔbaa zɔ́n kɛ nə n giala koe. Ka n die yɔbùbaã buuru soɛ̃ bɛa zɔ́n kɛ lɛ a biikoo li.

Minin nimi 9:11

Sɛnɛ, bɛa minin lɛn sɛn man die zɛnɛɛ lɛ̀ a mui paabaa ǹ wɔ a lɛawaa fulusiibaa ǹ wɔ pinaa, wasamiɛ̃n tutu. Ǹ die ǹ wúlu sère nɛ siĩ lɛ sɔ̃ kun ka yɔ bùbaã buuru laanka liɛ kɔɔsɛ nɛ.

Luku 22:19

Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Korɛnti1 5:8

Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

Timəə dí-pɛn 16:2

Ka bɛ́ re wúlu mànan mɛnɛn koe Dɛnaa Lawa la kiɛ̃mala ǹ zɔ́n lɛ wɔ lɛa, tɔɔ bisinin laanka a dadaran nɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka die ka bɛn dɛ walan.

Timəə dí-pɛn 4:9

Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.

Tesaloniki1 1:6

Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

Zozoe 4:7

Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.»