Timəə dí-pɛn 16:20 - LAWA A BOO SONBORE

²⁰ Ka n doa ka kɔ peperebaa lɛ, màn mɛn bɛ́ toɛ, kaa Lawa, Dɛnaa Lawa bɛ́ gána mɛn lɛ koe ka la, ka yii boo la a goã koo, ka bɛa gána lɛ si ka baa kaa wɔ lɛa.

LAWA A BOO SONBORE 2011

²⁰ Ka n doa ka kɔ peperebaa lɛ, màn mɛn bɛ́ toɛ, kaa Lawa, Dɛnaa Lawa bɛ́ gána mɛn lɛ koe ka la, ka yii boo la a goã koo, ka bɛa gána lɛ si ka baa kaa wɔ lɛa.

Timəə dí-pɛn 16:20 ပူးပေါင်းရင်းမြစ်များ

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Ezekieli 18:5

Boo ke nə n diɛ min pepere wɔ paǹ li, min mɛn bɛ́ koe sii a zii lɛ, á n sii zɛnɛɛ ka peperebaa nɛ.

Ezekieli 18:9

A n tɔ we a n kɔnpii ka maa landa boon kɛn nɛ, a n maa sii yɔrɔ bɔ ǹ boon kɛn tamɛɛ, a n sii zɛnɛɛ a peperebaa li, bɛa dɛnaa lɛ n min sonbore lɛa. Sàabaa ba la wa, a yii á re goɛ̃ koo. Ma din Dɛnaa Lawa a da ǹ boo ne.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Rɔmu minin 10:5

Dí-pɛn bɔlɔ-sii bɛ́ toɛ, Lawa lɛ kɔ min-a lɔn min pepere lɛa, Muizu sɛ́wɔ kiɛ̃ bɛ wɔ gɔn la á pɛ: «Min mɛn bɛ́ dí-pɛn bɔlɔ sii, a tá ǹ sii zɛnɛɛ, bɛa dɛnaa á re yiikoonaabaa yii bɛn taman yii.»

Timəə dí-pɛn 16:21

Ka bɛ́ re *wúlu bɔ ǹ bǎã mɛn doe kaa Lawa, Dɛnaa Lawa wɔ lɛa, ka nyan toa ka dì gɔn kɔn zumu bɛ li wa.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.