Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timəə dí-pɛn 16:18 - LAWA A BOO SONBORE

18 Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

18 Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

အခန်းကိုကြည့်ပါ။ ကော်ပီ




Timəə dí-pɛn 16:18
22 ပူးပေါင်းရင်းမြစ်များ  

Davida min duu fuəwensii (24 000) bɔ maǹ ga Dɛnaa Lawa a kion lɛ a dí ganaa, duu sɔrɔ (6 000) sɛ́wɔ-kiɛ̃lin lɛa ka kiri-kurulin ni,


Nsɛ Ɛsidrasi, n Lawa a sii-doɛ̃ mɛn lɛ bɛ́ n gɔn, sii yɔrɔ bɔlen laanka kiri-kurulin koa ka bɛ nɛ, ǹ Efrati tà a lɛ̀nyɛɛn gɔn la a zaman tumaa a kiri kuru, ǹ mɛnɛn tumaa bɛ́ n Lawa lɛ a dí-pɛn doɛ̃. Min mɛnɛn bɛ́ ǹ ba bɛa dí-pɛn kɛn lɛn doɛ̃ wa, bɛn daraa ǹ ganaa.


Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.


«Bɛ̀ minin dɔn man nə́ kɔn kũ, ǹ nə́ n tɔ lɔ nɔnoa nɛ, bɛ̀ a nɔ̀ lɛ ziziɛ̃, baraa ná a n zɛnaa a din ni wa, minin lɛn doamaa nɛ, ǹ màn saraa a kɔnpɛ ka lɔ lɛ zuũ a màn pɛ nɛ. Ǹ saraa sii yɔrɔ-bɔlen yii ni.


a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.


Ǹ zuũ n kiã lɛa, a yii n guguru. A n woe kiwi lɛa min golen lɛsɔkɔn bǎã nɛ.


Táa ka ma mà á n pɛ ka digolon manɛ kɛnɛn: «Ka baran gɛ̀ dɛ wa. Bɛ̀ min mɛn nə́ gɛ̀ dɛ, ka doamaa nɛ ka dɔlɔ bɔ bɛa dɛnaa ganaa.»


Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.


Kaa Lawa, Dɛnaa Lawa bɛ́ re barka diɛ ka ganaa a màn mɛn kɔ ka la, didie die a Lawa gɔ ǹ wɔ bɔ a wɔ nɛ, a kɔnpɛ ka a pàã yii ni.


Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.


Sɛnɛ, giĩ mɛn bɛ́ re din gole kɔ ǹ sii zɛnɛɛ, a ná a ba n too koe wúlu-bɔle lɛ a boo li wa, ǹ mɛn lɛ bɛ́ golee ne Lawa a bǎã sonbore kɛ nɛ, dí nyɛɛ kaa Lawa, Dɛnaa Lawa nɛ, a ná a ba n too koe sii yɔrɔ-bɔle kɛ dɔ a boo li wa, ka bɛa giĩ lɛ dɛ a gã. Bɛ á re toɛ ka sii baraa bɔ ka bɔ Izirayeli minin bii.


Ka wo dɔ Levii tɔrɔ, Lawa a wúlu-bɔlen kɛn li, ka min mɛn dɔ bɛ́ sii yɔrɔ-bɔle lɛa bɛa waáraa lɛ nɛ. Ka nɔ̀n da ǹ la, ǹ tá re sii lɛ a yɔrɔ bɔ ǹ gɔn pii ka nɛ.


Bɛ gɔ́ɔ̃ nɛ, kaa kiwi a min golen laanka kaa sii yɔrɔ bɔlen nə soo. Gere lɛ bɛ́ tán bǎã mɛn nɛ, a saa bɛ ganaa a wo kaa kiwin kɛn lɛ, bɛa bǎã lɛ lɛnpɛnɛ, ǹ bɛa bii lɛ zɔɔ̃,


Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.


Samayeli bɛ́ á zizi kɔ ǹ mɛn waáraa, a ná a nɛgiĩn baa sii yɔrɔ-bolen lɛa Izirayeli gána nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ