Timəə dí-pɛn 16:17 - LAWA A BOO SONBORE

¹⁷ Kaa Lawa, Dɛnaa Lawa bɛ́ re barka diɛ ka ganaa a màn mɛn kɔ ka la, didie die a Lawa gɔ ǹ wɔ bɔ a wɔ nɛ, a kɔnpɛ ka a pàã yii ni.

LAWA A BOO SONBORE 2011

¹⁷ Kaa Lawa, Dɛnaa Lawa bɛ́ re barka diɛ ka ganaa a màn mɛn kɔ ka la, didie die a Lawa gɔ ǹ wɔ bɔ a wɔ nɛ, a kɔnpɛ ka a pàã yii ni.

Timəə dí-pɛn 16:17 ပူးပေါင်းရင်းမြစ်များ

Ɛsidrasi 2:63

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Ezekieli 46:7

Goledɛnaa lɛ die a belee kilo pɔsɔɔ ti dii gɔ̀lɔ̀ gogoonmaa laanka sère gɔ̀lɔ̀ gogoonmaa ganaa, Lawa gɔ ǹ wɔ lɛa. Sère nɛn kɛn wɔ paǹ li, bɛ̀ a gɔn kaa belee mɛn lɛ, a bɛ ti ǹ ganaa. A die a nyɔɔ litiri sɔrɔ kaa belee kilo pɔpɔsɔɔ li.

Lawa a wúlu-bɔlen 27:8

Wɔrɔ lɛ mɛn nə n pɛ, bɛ̀ min doobaa baa á la yii ni, a ná a boe la á bɛ sarɛɛ wa, a n lɛ kɔ Lawa la ka min mɛn lɛ nɛ, a wo ka bɛ lɛ nɛ Lawa a wúlu-bɔle yɔrɔ-a, a ga a ganaa, a bɛ́ lɛ mɛn boe. Wúlu-bɔle lɛ na a mìi si ǹ giɔ̀mɔ pɛ, a kɔnpɛ ka a kɔle lɛ pàã lɛ yii ni.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Timəə dí-pɛn 16:10

Bɛ̀ bɛ lɛ pã, ka *kaa-piɛ ǹ zɔ́n zɛnaa ka kaa Lawa, Dɛnaa Lawa tɔ bɔ nɛ. Kaa Lawa, Dɛnaa Lawa bɛ́ re barka diɛ ka ganaa a mànan mɛnɛn kɔ ka la, ka da ka bɛ lɛ kɔn nɛ a kɔnpɛ ka ka pàã yii ni, ka dinin dùũ *wúlu màn lɛa.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.