Timəə dí-pɛn 16:16 - LAWA A BOO SONBORE

¹⁶ Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

LAWA A BOO SONBORE 2011

¹⁶ Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 16:16 ပူးပေါင်းရင်းမြစ်များ

Kiin1 9:25

Salomɔn goã á *wúlu bɔ ǹ bǎã mɛn dɔ á kɔ Dɛnaa Lawa la, a na á goã wúlu boe walan ka *wúlu màn tiɛ̃ laanka zɔɔ da Lawa nɛ ǹ wúlu màn nɛ, gunyin sɔɔ lɛ̀ goon gɔ́ɔ̃ nɛ. Wúlu bɔ ǹ bǎã mɛn dɔ goã Dɛnaa Lawa yɔrɔ-a, á goã da yon gìĩ kɔɔ̃n tiɛ̃ bɛ la. Salomɔn Lawa a kion lɛ a dí yii mìi naa.

KZS2 8:13

Ka Muizu bɛ́ á baraabaraa a wúlu bɔ yɔrɔ nyaa ǹ nɛ lɔn, á wúlu mànan kɔ susu ǹ piin pinaa, mui diin lɛawaa bibinaan pinaa, ka lɛ̀ a zɔ́n dadaraa sɔɔn kɛn nɛ: *yɔ bùbaã buuru zɔ́n, kaa-piɛ ǹ zɔ́n, ka *giã siã giulun zɔ́n.

Ɛsidrasi 3:1

Lɛ̀ a mui sɔbaabaa ǹ wɔ daa á dɔ, Izirayeli nɛnyaanan lɛn nə́ goã ǹ kiwin ni. Zaman lɛ tumaa tɔ́n na a wɔ baa goon, ǹ nə́ n sɔkɔn Zeruzalɛmu.

Nehemii 8:15

Mà ǹ doamaa dɔ nɛ, ǹ na a boo da, ǹ na a lɛ dia ǹ kiwi dadaran tumaa laanka Zeruzalɛmu kiwi ni ǹ pɛ: «Ka soo ka wo kele la, ka da ká wuru *olivie da luu ni, ka don olivie da luu ni, ka miriti da luu ni, ka sèwo da luu ni, dan mɛnɛn luu bɛ́ punpun, ka bɛn wɔ nɛ, ń giɛ ka tá siãn doe ne, ka a bɛ́ kiɛ̃-n lɔn.»

Loen 122:4

Izirayeli tɔrɔn man woe Zeruzalɛmu, Dɛnaa Lawa, Lawa a minin lɛn man woe walan, maǹ woe Dɛnaa Lawa tɔ boe, a kɔnpɛ ka landa mɛn bɛ́ koa-n Izirayeli gána nɛ.

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Loen 84:8

Bɛa minin kɛn lɛn, bɛ̀ ǹ tá woe nyɛɛnɛ ǹ tɔ-wɔ lɛ gɔ́ɔ̃ nɛ, màn nə n miɛ̃ ǹ pàã li, yǎa ǹ woe doe Lawa yɔrɔ-a Zeruzalɛmu.

Loen 96:8

Ka golee li, mà gugurubaa lɛ na a din tɔ wɔ lɛa. Ka da ka kaa Lawa gɔ ǹ mànan nɛ, ka wɔ a kion lɛ a sumu-n.

Bɔ bɛ̀rɛbaa nɛ 34:20

Sɛnɛ, dundun nɛ bibinaa mɛn bɛ́ sà lɛa, ka bɛ lonkɔ ka sère nɛ nɛ. Bɛ̀ ka a lonkɔ wa, ka a mìi yu a dungiala ganaa, a gã. Ka dinin nɛgiĩ bibinaan kɛn sɛn, ka wusoo ka bɛn mìi bɔ. «Kaa min kɔ́n dɔ baran da Kion sonbore kɛ nɛ masɛ yɔrɔ-a ka a gɔn kooro-n wa.

Bɔ bɛ̀rɛbaa nɛ 34:24

Sonbore, bɛ̀ masɛ tɔrɔ kɔsɔn loo ma ǹ bɔ ka nyɛɛnɛ, maa kaa gána gole kɔ, min kɔ́n ba re a lɛn zoɛ̃, mà a n die kaa gána lɛ kuĩ bɛa biikoo sɔɔ kɛ lɛ gɔ́ɔ̃-n wa, ka bɛ́ re woe kaa Dɛnaa Lawa yɔrɔ-a biikoon mɛnɛn li ke lɛn.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 33:20

Siɔn, ga wɔa zɔ́n zɛnaa ǹ kiwi kɛ ganaa! N tá re Zeruzalɛmu yii, a n die goɛ̃ foo doa ǹ bǎã lɛa n wɔ lɛa, ka zìã á ke lɔn, bǎã goon ne. Ǹ ba re a dere ǹ kiɛn kɛn woɛ̃ doo wa, ǹ ba re a biɛn fore wa.

Ezekieli 36:38

Ǹ kiwin mɛnɛn yu, bɛn man die piɛ̃ ka zaman nɛ, gigiã ka wúlu bɔ ǹ tɔɔn kɛn bɛ́ lɔn, ka tɔɔn bɛ́ lɔn Zeruzalɛmu zɔ́n biikoo li. Minin tá re doɛ̃ bɛa biikoo li, mà ma din nə Dɛnaa Lawa lɛa.»

Lawa a wúlu-bɔlen 23:34

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa fulusoorobaa ǹ wɔ n ke, bɛ n *giã siã giulun zɔ́n giala kɔ pinaa lɛa. A nə n zɛnɛɛ yǎa lɛawaa sɔbaa, ka masɛ Dɛnaa Lawa guguru kɔ nɛ.

Azee 1:9

Ka yiri na á goã màn gigiã ganaa, sɛnɛ ka n ka màn boɛɛn yɛ. Ka màn mɛn yɛ ka kaa dɔǹ nɛ, má piɛ̃ pɛ a ganaa a yii papaã. Wàa na á baa má bɛ zɛnaa miɛ̃? Dɛnaa Lawa Pàãyiidɛnaa n nɔ̀n diɛ. A giala ka ǹ giɛ ka dinin kionən walan, maa kion lɛ n kɛbɔlɔbaa nɛ.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Marki 12:3

A bɛ́ á woo, ǹ nə́ kũ ǹ nə́ duduwəə, ǹ nə́ loo ǹ nə́ dia ka a gɔn kooro ne.

Zaã a sɛ́wɔ 7:2

Zuifun *giã siã giulun zɔ́n diri.

Timəə dí-pɛn 16:15

Kaa Lawa, Dɛnaa Lawa din bɛ́ re bǎã mɛn lɛ boe, ka die ka bɛa zɔ́n lɛ zɛnaa walan, ka Lawa tɔ bɔ nɛ yǎa lɛawaa sɔbaa. Kaa wɔ n die goɛ̃ ka nyɛnyɛɛ dinsɔɔ̃ nɛ, a giala, a din nə die toɛ kaa tán-kɔsiɛ bǐɛ̃ kɔ, a din dɔ n die barka diɛ kaa nya ǹ dí tumaa ganaa.

Timəə dí-pɛn 16:17

Kaa Lawa, Dɛnaa Lawa bɛ́ re barka diɛ ka ganaa a màn mɛn kɔ ka la, didie die a Lawa gɔ ǹ wɔ bɔ a wɔ nɛ, a kɔnpɛ ka a pàã yii ni.

Timəə dí-pɛn 31:11

Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Samayeli1 1:3

Lɛ̀ woo lɛ̀, Ɛlkaanaa nə n toɛ a kiwi bɛ̀ a wo Dɛnaa Lawa Pàãyiidɛnaa guguru kɔ Siiloo, bɛ̀ a *wúlu màn dɔ kɔ la. Elii a nɛgiĩ n min paa, Ɔfunii laanka Fineyasi ni, bɛn man nə́ goã Dɛnaa Lawa a wúlu-bɔlen lɛa walan.

Samayeli1 6:3

Ǹ nə́ tɔ́n pɛ: «Bɛ̀ ka tá Izirayeli a Lawa a goo lɛ diɛ, ka baran a gɔ́ɔ̃ kooro dia wa, sɛnɛ, ka n yiri kɔ, ka sii baraa sawaa ǹ *wúlu màn dia la. Bɛ n die n biɛ kaa kakabaa yɛ lɛa. Màn mɛn dɔ toa Lawa goã n niɛ kaa dɔlɔ bɔma-a wa, ka á re bɛ doɛ̃.»