Timəə dí-pɛn 16:15 - LAWA A BOO SONBORE

¹⁵ Kaa Lawa, Dɛnaa Lawa din bɛ́ re bǎã mɛn lɛ boe, ka die ka bɛa zɔ́n lɛ zɛnaa walan, ka Lawa tɔ bɔ nɛ yǎa lɛawaa sɔbaa. Kaa wɔ n die goɛ̃ ka nyɛnyɛɛ dinsɔɔ̃ nɛ, a giala, a din nə die toɛ kaa tán-kɔsiɛ bǐɛ̃ kɔ, a din dɔ n die barka diɛ kaa nya ǹ dí tumaa ganaa.

LAWA A BOO SONBORE 2011

¹⁵ Kaa Lawa, Dɛnaa Lawa din bɛ́ re bǎã mɛn lɛ boe, ka die ka bɛa zɔ́n lɛ zɛnaa walan, ka Lawa tɔ bɔ nɛ yǎa lɛawaa sɔbaa. Kaa wɔ n die goɛ̃ ka nyɛnyɛɛ dinsɔɔ̃ nɛ, a giala, a din nə die toɛ kaa tán-kɔsiɛ bǐɛ̃ kɔ, a din dɔ n die barka diɛ kaa nya ǹ dí tumaa ganaa.

Timəə dí-pɛn 16:15 ပူးပေါင်းရင်းမြစ်များ

Nehemii 8:17

Zaman lɛ din tumaa, ǹ mɛnɛn lɛn nə bɔ bɛ̀rɛbaa ǹ bǎã lɛ nɛ ǹ nə́ daa, ǹ nə́ siãn dɔ ǹ nə́ giã ǹ nɛ. A da yaa, a kũ Nunu a nɛgiĩ Zozoe a biikoo ganaa, a da dɔ bɛa pinaa kɛ lɛ ganaa, Izirayeli minin lɛn nə tɔn bɛ miã tɔrɔ zɛnaa wa. Á nyɛnyɛɛ gole baa.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 16:10

Bɛ̀ bɛ lɛ pã, ka *kaa-piɛ ǹ zɔ́n zɛnaa ka kaa Lawa, Dɛnaa Lawa tɔ bɔ nɛ. Kaa Lawa, Dɛnaa Lawa bɛ́ re barka diɛ ka ganaa a mànan mɛnɛn kɔ ka la, ka da ka bɛ lɛ kɔn nɛ a kɔnpɛ ka ka pàã yii ni, ka dinin dùũ *wúlu màn lɛa.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 7:13

Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.