Timəə dí-pɛn 16:10 - LAWA A BOO SONBORE

¹⁰ Bɛ̀ bɛ lɛ pã, ka *kaa-piɛ ǹ zɔ́n zɛnaa ka kaa Lawa, Dɛnaa Lawa tɔ bɔ nɛ. Kaa Lawa, Dɛnaa Lawa bɛ́ re barka diɛ ka ganaa a mànan mɛnɛn kɔ ka la, ka da ka bɛ lɛ kɔn nɛ a kɔnpɛ ka ka pàã yii ni, ka dinin dùũ *wúlu màn lɛa.

LAWA A BOO SONBORE 2011

¹⁰ Bɛ̀ bɛ lɛ pã, ka *kaa-piɛ ǹ zɔ́n zɛnaa ka kaa Lawa, Dɛnaa Lawa tɔ bɔ nɛ. Kaa Lawa, Dɛnaa Lawa bɛ́ re barka diɛ ka ganaa a mànan mɛnɛn kɔ ka la, ka da ka bɛ lɛ kɔn nɛ a kɔnpɛ ka ka pàã yii ni, ka dinin dùũ *wúlu màn lɛa.

Timəə dí-pɛn 16:10 ပူးပေါင်းရင်းမြစ်များ

KZS2 31:14

Imunaa a nɛgiĩ Koree ke Levii tɔrɔ lɛa, bɛ n lɛ̀ giala kiɛnlɛ kɛa lɛduə̃li lɛa. Foo sii mànan kɛn ǹ tá ǹ koe Dɛnaa Lawa la, a din ni bɛn mìi la. Ǹ mànan mɛnɛn kɔ Dɛnaa Lawa wɔ lɛa, ka màn sonboren kɛn nɛ, a din nə bɛn gii.

Bɔ bɛ̀rɛbaa nɛ 35:29

Giĩn ni ka lɔn nɛ, Izirayeli minin mɛnɛn foo bɛ́ kɔɔ̃n ka mànan kɛn kɔ nɛ, dí lɛ a nya ǹ mànan lɛa, Dɛnaa nə́ ǹ pɛ Muizu ni, bɛn man nə́ goã die mànan koe Dɛnaa la ka nyɛnyɛɛ nɛ.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Zowɛli 2:14

Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Lawa a wúlu-bɔlen 12:8

Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 23:15

Ka bɛ́ re die gɔn sara yiin lɛn nyɛɛ masɛ Dɛnaa Lawa nɛ ǹ mɛn pinaa, susu ǹ pii a lɛawaa nɛ. A saa bɛa pinaa lɛ ganaa, ka piizii sɔbaa lɛpiɛ̃ nimi.

Lawa a wúlu-bɔlen 25:26

Sɛnɛ, bɛ̀ min mɛn a min banban a mìi gɔ́ɔ̃ ǹ sii n doe a ganaa wa, bɛ̀ màn mɛn yɛ a din gɔn, á n boe la a tá a wuru lɛ mìi boe ne,

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Minin nimi 31:28

Sɔraasin mɛnɛn nə zia lɛ baa, màn mɛn bɛ́ bɛn wɔ gii lɛa, n màn bɔ a nɛ n kɔ Dɛnaa Lawa la. Min biɛsooro (500) bii, n min goon bɔ. Diin wɔ paǹ li, dundunun ni, sèren laanka bòen ne, tɔɔ biɛsooro bii, n tɔɔ goon bɔ.

Minin nimi 31:37

a biɛsɔrɔ ka pɔsɔbaawensooro (675) na á n bɔ Dɛnaa Lawa wɔ lɛa.

Korɛnti1 16:2

Didie tumaa bɛ́ wɔrɔ mɛn yii, a kɔnpɛ ka a din pàã yii ni, dimaasi gogoon tumaa li, á boe la a bɛ koa a din li, bɛ̀ ma baa die. Ka zɛnaa miɛ̃, màn mɛn bɛ́ toɛ, ka nyan nə n yii da maa daa la ka tɔn bobo wa.

Korɛnti2 8:10

Man maa taasiɛ nyɛɛ ka nɛ bɛa sii kɛ lɛ gɔ́ɔ̃ nɛ: Ka dí mɛn giala kɔ diɛ̃, a n siĩn ka kɔ bɛ lɛ. Ka dinin man ká bɛa dí kɛ lɛ bɔ bibinaanɛ, ka goã bɛ li wa, ká a sii zɛnaa dɔ giala kɔ.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:9

Bɛ̀ ǹ nə́ *belee kurii giala kɔ, a saa bɛa waáraa lɛ ganaa, ka piizii sɔbaa nimi.