Timəə dí-pɛn 15:9 - LAWA A BOO SONBORE

⁹ Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

LAWA A BOO SONBORE 2011

⁹ Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Timəə dí-pɛn 15:9 ပူးပေါင်းရင်းမြစ်များ

Zɔbu 34:28

Maǹ nə́ zɛnaa miɛ̃, yǎa doobaa nə́ n lɛ dɛ Lawa ganaa. Lawa dɔ bɛ́ nɔmaa-wɔle a lɛ-dɛ miɛ.

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 9:12

Dɛnaa Lawa mɛn bɛ́ giã-n *Siɔn, ka daa wɔ loe lɔ wɔ a tɔ bɔ nɛ. Ka a nya ǹ dí dadaran kɛn laakalaa tɔrɔn bii.

Bɔ bɛ̀rɛbaa nɛ 22:22

Bɛ̀ ka fuu nyaa nɛ, yǎa a n lɛ dɛ masɛ Lawa ganaa, ma á re a lɛ miɛ̃.

Bɔ bɛ̀rɛbaa nɛ 22:23

Ma foo á re busi ka li, ma ka kɔ ǹ la, ǹ ka dɛ ka gɔya san nɛ, kaa lɔn nə giɔɔrɔn baa, kaa nɛnyaanan nə nɛ-toenən baa.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Suusun 14:21

Min mɛn bɛ́ ǹ miãn pɔpɔsɛ, a n sii baraa zɛnɛɛ. Min mɛn bɛ́ din boɛɛn kɔ wolen tá kɔɔ̃n a ganaa, bɛ n min foo kɔɔ̃naa lɛa.

Suusun 21:13

Min mɛn bɛ́ n too tiɛ̃ pàãwɛɛnaa a lɛ dɛ ganaa, a dɔ á re gu diɛ, min ná a ba n nyiĩ la wa.

Suusun 23:6

Min mɛn foo bɛ́ wuu pii ǹ miãn li, n nyan màn-bii kun ni wa. Ń yii nyan bɔ a màn-bii kɔɔ̃n li wa.

Suusun 24:9

Yiriwɛɛnaa a taasiɛ tumaa n doa nɛ sii baraa ganaa. Min mɛn bɛ́ yaa we sii tumaa ganaa, a tìĩ boemaa-n min tumaa nɛ.

Suusun 28:22

Min mɛn bɛ́ baa sii naforo kio, a ba doɛ̃ mà doobaabaa á re yii wa.

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 34:14

Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Matiə 20:15

Bɛ̀ ma tá li ma sii mɛn zɛnaa ka ma din a wɔrɔ nɛ, ma a boe la ma bɛ zɛnaa-n wa? Ma nə n yii baraa boe ma li sii sonbore zɛnaa lɛ taman yii!»

Timəə dí-pɛn 15:1

Lɛ̀ sɔbaa woo lɛ̀ sɔbaa, ka giɔ̀mɔn toa.

Timəə dí-pɛn 24:15

Bɛ̀ á dí nya ǹ mɛn pinaa, ka a saraa kɔ la a din pinaa. Ka nyan toa wasa mɛ a saraa lɛ ganaa ka gɔn wa. A giala, doobaa nɛ, a laadoo n bɛa saraa lɛ ganaa taãn-taãnɛ. Ka nyan toa a Dɛnaa Lawa bii ka li wa. Bɛ̀ á n baa miɛ̃, sii baraa n ka mìi ni.

Timəə dí-pɛn 31:10

Muizu tɔn nə n gɔn waa Izirayeli minin lɛn man kɛnɛn: «Lɛ̀ sɔbaa woo lɛ̀ sɔbaa, giɔ̀mɔ toa ǹ lɛ̀ kɛa giala kɔ waáraa, bɛ̀ *giã siã giulun zɔ́n kɛ́ dɔ,

Zaaki 4:17

Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Zaaki 5:9

Ma dɔɔ̃nɔn lɛn, ka nyan kiri da kɔn la wa, màn mɛn bɛ́ toɛ Lawa baran kiri wɔ ka ganaa wa. Min mɛn bɛ́ kiri kuri, bɛa daa dɔ á nya.

Piɛrɛ1 4:9

Ka kɔn a tiibaa kũ bɛ̀ ka n ka a zùũzùũ sii wa.