Timəə dí-pɛn 15:19 - LAWA A BOO SONBORE

¹⁹ Kaa diin ni, kaa sèren ne ka kaa bòen ne, bɛn bɛ́ re nɛ bibinaan mɛnɛn yii gɔ̀lɔ̀ lɛa, ka die ka bɛn kɔ kaa Lawa, Dɛnaa Lawa la. Dii gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan dí nya ka bɛ-n wa. Sère gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan bɛ ka kuru wa.

LAWA A BOO SONBORE 2011

¹⁹ Kaa diin ni, kaa sèren ne ka kaa bòen ne, bɛn bɛ́ re nɛ bibinaan mɛnɛn yii gɔ̀lɔ̀ lɛa, ka die ka bɛn kɔ kaa Lawa, Dɛnaa Lawa la. Dii gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan dí nya ka bɛ-n wa. Sère gɔ̀lɔ̀ mɛn bɛ́ ǹ dan gɔ́ɔ̃ binaa lɛa, ka nyan bɛ ka kuru wa.

Timəə dí-pɛn 15:19 ပူးပေါင်းရင်းမြစ်များ

Bɔ bɛ̀rɛbaa nɛ 13:12

ka daa ka kaa nɛgiĩ binaan tumaa kɔ Dɛnaa la, ka kaa tɔɔn dɔn wɔn nɛ.

Bɔ bɛ̀rɛbaa nɛ 13:2

– Izirayeli nɛnyaanan nɛgiĩ bibinaan bɔ, n nə ǹ koa masɛ wɔn lɛa. A giala, Izirayeli nɛnyaanan bii, lɔ gɔn binaa nɛ mɛn bɛ́ giĩ lɛa, bɛ n masɛ wɔ lɛa. Tɔɔn dɔn wɔ baa miɛ̃.

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 22:30

«Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.»

Bɔ bɛ̀rɛbaa nɛ 34:19

«Màn tumaa a nɛ bibinaa n masɛ wɔ lɛa. Bɛ lɛ tɔ ganaa, kaa tɔɔn tumaa wɔn man masɛ din wɔn lɛa, sèren laanka bòen ne ka diin ni.

Lawa a wúlu-bɔlen 27:26

Sɛnɛ, min doamaa bie a pɛ mà asɛ n tɔɔ a nɛ bibinaa koe Dɛnaa Lawa la wa. Ta diin nɛ nɛ, ta sère nɛ nɛ, hinlaa ta bòe nɛ nɛ. A giala, bɛ n masɛ Dɛnaa Lawa wɔ lɛa lɛlɛndun.

Minin nimi 18:15

Ǹ bɛ́ re gɔ́ɔ̃ binaa nɛ mɛn tumaa koe masɛ la, ta tɔɔ wɔ-n hinlaa minbuiin nɛ wɔ nɛ, n din wɔ nɛ. Sɛnɛ, n die n nɛgiĩ binaan sɛn nyin si, tɔɔn mɛnɛn bɛ́ gɔgɔrɛ landa wɔ paǹ li, n bɛn dɔn sa binaa, hinlaa gɔ̀lɔ̀n binaa mìi bɔ.

Minin nimi 18:17

Sɛnɛ, diin nɛ gɔ̀lɔ̀n binaa nɛ, sère nɛ gɔ̀lɔ̀n binaa, ka bòe nɛ gɔ̀lɔ̀n binaa nɛ, n baran bɛn kɔn mìi bɔ wa: maǹ masɛ wɔn lɛa a tɔ-a. N die n nə ǹ mà kaa wúlu bɔ ǹ bǎã kɛ la, n nə ǹ nyɔɔ tã. *Wúlu màn tiɛ̃ nɛ, a gìĩ ń kɔɔ̃n masɛ Dɛnaa Lawa ganaa.

Minin nimi 3:13

A giala gɔn binaa nɛ tumaa n masɛ wɔ lɛa. Ma nɛ bibinaan tumaa dɛ Ezipti gána nɛ ǹ mɛn pinaa, man má Izirayeli minin nɛgiĩ bibinaan tumaa baa ma din wɔn lɛa, ka ǹ tɔɔn nɛ bibinaan nɛ. Maǹ masɛ wɔn lɛa. Ma din ni Dɛnaa Lawa lɛa.»

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:17

Mànan fùbaa ǹ wɔ mɛn doamaa bɛ́ nɛ a n kɔ Lawa la, ka doamaa bie ka bɛ bii ka dinin piɛ wa: *Belee ne, duvɛ̃ nɛ, nyɔɔ nɛ, tɔɔ dadaran laanka a bisinin nɛ bibinaan nɛ, ka bɛ́ re n lɛ koe Lawa la ka mànan mɛnɛn nɛ, foo kɔɔ̃nbaa ǹ wúlu mànan laanka Lawa gɔ ǹ wɔn nɛ.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 15:18

Ka n gɔn bɔ bɛ̀rɛ lɛ ganaa, a woo a n bɔ kaa piɛ, a goã a din gɔn wìi a lɛa. Ka nyan toa bɛ sii kaka baa ka yii li wa. A giala, a lɛ̀ sɔrɔ dí mɛn nya ka nɛ, a màn tá n timii dí-nyali a saraa la gunyin paa. Bɛ lɛ nɛ, ka n gɔn bɔ a ganaa a woo. Kaa Lawa, Dɛnaa Lawa á die barka diɛ kaa nya ǹ dí tumaa ganaa.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Ebrəə 12:23

Ka n ká n mɔrɔ zaman kɛ ganaa zɔ́n zɛnɛɛ, bɛn man ka Lawa a nɛgiĩ bibinaan bɛ́ lɔn, ǹ tɔn nə́ kiɛ̃ nɛ lon gɔ́ɔ̃ nɛ. Ká n mɔrɔ Lawa ganaa, a din mɛn bɛ́ min tumaa a kiri-kuruli lɛa. Ká n mɔrɔ min sonboren telenboenən ganaa, min mɛnɛn lɛn lɛ bɛ́ piɛ̃ nɛ.