Timəə dí-pɛn 14:29 - LAWA A BOO SONBORE

²⁹ Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

LAWA A BOO SONBORE 2011

²⁹ Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

Timəə dí-pɛn 14:29 ပူးပေါင်းရင်းမြစ်များ

Loen 41:1

LOE-saalin goledɛnaa loe mɛn lɔ. Davida a loe n ke.

Loen 41:2

Min mɛn bɛ́ n yiri koɛ yii koe-yɛle li, Lawa á re barka diɛ bɛa dɛnaa ganaa. Bɛ̀ koe yɛ ǹ mɛn pinaa, Dɛnaa Lawa na a kirisibiɛ.

Loen 94:6

Maǹ lɔ giɔɔrɔn nyin boe, ka tiin ni. Maǹ nɛ toenən dii, ǹ boe kanaa.

Suusun 11:24

Bɛ̀ min gɔn tá siɛ parsiini, màn nə miɛ a naforo li. Min mɛnɛn gɔn bɛ́ kaka, màn nə miɛ ǹ dɔn doobaabaa li.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Minin nimi 18:20

Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

Luku 11:41

Bɛ̀ ka tá kaa paanan laanka kaa kununun lɛn gɔ́ɔ̃gɔ́ɔ̃ ǹ mànan koe doobaan la, kaa màn din tumaa á die yoreen koe: Kaa paanan nɛ, kaa kununun ni, ka ka dininmaan foon dɔn nɛ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Timəə dí-pɛn 10:9

Bɛ lɛ na á toa, Levii tɔrɔn lɛn nə bǎã yɛ ǹ wɔ lɛa ǹ dɔɔ̃nɔn bii wa. Ǹ wɔ gii na á goã ka Dɛnaa Lawa a dí kɛ nɛ, ka kaa Lawa, Dɛnaa Lawa din bɛ́ á pɛ ǹ nɛ lɔn.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 14:27

Sɛnɛ, *Levii tɔrɔn mɛnɛn bɛ́ kaa kiwin ni, ka nyan toa ka yiri bɔ ka bɛn nɛ wa. A giala, ǹ bǎã yɛ ǹ wɔ gii lɛa ka bii wa.

Timəə dí-pɛn 15:10

Ka bɔ ka foo-a, ka kɔ la bɛ̀ ka foo n kɔɔ̃nɛ. Bɛ lɛ n die toɛ kaa Lawa, Dɛnaa Lawa barka da kaa nya ǹ dí tumaa ganaa, ka bɛ́ re n gɔn diɛ dí woo dí ganaa, a bɛ bǐɛ̃ kɔ.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 23:21

Ka á boe la ka giɔ̀mɔ da tii ganaa ka ga là li. Sɛnɛ, bɛ̀ ka dinin dɔɔ̃n nɛ, ka nyan toa ka bɛ zɛnaa wa, màn mɛn bɛ́ toɛ, ka bɛ́ re we gána mɛn lɛ nɛ, ka si ka baa kaa wɔ lɛa, kaa Lawa, Dɛnaa Lawa boo la, a barka da kaa nya ǹ dí din tumaa ganaa walan.

Timəə dí-pɛn 28:8

Dɛnaa Lawa á re toɛ màn-bii yɛ kaa dɔǹɔn nɛ, ka bɛ́ re n gɔn diɛ dí mɛn tumaa ganaa, á re barka diɛ bɛ ganaa. Kaa Lawa, Dɛnaa Lawa din bɛ́ gána mɛn lɛ koe ka la, á re barka diɛ ka ganaa walan.

Timəə dí-pɛn 6:11

kionən ne, piɛ̃ nɛ ka màn sonbore tɔrɔ tumaa nɛ, kasɛn dɔn bie ká ǹ kaa ǹ nɛ wa, tùn ni foɛ̃-n gɔrɔ, kasɛn dɔn bie ká ǹ fɔ̃ wa, ka *rezɛ̃ dan laanka *olivie dan nɛ, kasɛn dɔn bie ká ǹ zumu wa. Bɛ̀ ká màn bii ká kã kəni,

Ebrəə 13:2

Ka yiri baran bɔ tiin kũ doɛ̃-n wa. Bɛ a zɛnaa barka nɛ, min tɛnɛn nə́ lon a dia dí-a wolen tiibaa kũ, ǹ nə́ ǹ dɔ̃ wa.

Zaaki 1:27

Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.