Timəə dí-pɛn 14:26 - LAWA A BOO SONBORE

²⁶ Màn mɛn tumaa sii bɛ́ ka ganaa, ka á boe la ka pii ka bɛa wɔrɔ lɛ-n walan: ta dii ni, ta sère ne, ta bòe ne, ta duvɛ̃ nɛ ta yɔ kakaarɛn manɛ. Ka bɛ tumaa bii kaa Lawa, Dɛnaa Lawa lɛ yɔrɔ-a walan, ka n nyɛnyɛɛ kun ka kaa kion minin ni.

LAWA A BOO SONBORE 2011

²⁶ Màn mɛn tumaa sii bɛ́ ka ganaa, ka á boe la ka pii ka bɛa wɔrɔ lɛ-n walan: ta dii ni, ta sère ne, ta bòe ne, ta duvɛ̃ nɛ ta yɔ kakaarɛn manɛ. Ka bɛ tumaa bii kaa Lawa, Dɛnaa Lawa lɛ yɔrɔ-a walan, ka n nyɛnyɛɛ kun ka kaa kion minin ni.

Timəə dí-pɛn 14:26 ပူးပေါင်းရင်းမြစ်များ

Ɛsidrasi 7:22

Ǹ kɔ la a wo dɔ yǎa wɔrɔ tɔnɔ sɔɔ, *belee nàn tɔnɔ pɔsɔɔ, duvɛ̃ litiri duu sii, nyɔɔ litiri duu sii, ka yìsi ni, lɛ ná a ba n diɛ la wa.

Loen 106:14

Don lɛ gɔ́ɔ̃ nɛ, màn mɛn bɛ́ á goã ǹ nyaabiɛ, ǹ yii bɔ bɛ li babaraanɛ. Ǹ nə́ n da Lawa gɔ́ɔ̃ li, bɛa bǎã kɛ lɛ nɛ.

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Matiə 21:12

Bɛ kio, Yezu wɔ Lawa a kion. Min mɛnɛn bɛ́ màn siɛ̃ walan, ǹ mɛnɛn bɛ́ màn pii, á ǹ tumaa loo á ǹ kaa kanaa. Á wɔrɔ lonkɔlen tabalan nyanaa á ǹ lɛ kuməə tán, á zɛrɛkantoan-sãlin dankanan lɛ kuməə tán.

Marki 11:15

Ǹ bɛ́ ǹ nə́ dɔ Zeruzalɛmu, Yezu wɔ Lawa a kion, a ná a giala kɔ á pii-kɔlen laanka màn-piilin loo. Á wɔrɔ-lonkɔlen tabalan nyanaa á n lɛ kuməə tán, á zɛrɛkantoan-sãlin dankanan lɛ kuməə tán.

Korɛnti1 10:6

Bɛa siin kɛn man nə́ n zɛnaa sii a kɔnboen lɛa wɔsɛn nɛ, ń giɛ, sii baraa zɛnaa lɛgɔ́ɔ̃ baran wɔ kũ, ka a bɛ́ á ǹsɛn kũ lɔn wa.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:15

Sɛnɛ, ka bɛ́ giã-n bǎã mɛn nɛ, bɛ̀ kaa Lawa, Dɛnaa Lawa lɛ gɔn màn kɔ ka la, bɛ̀ ka tá li, ka á boe la ka tɔɔ dɛ ka sɔ̃ walan. *Gɔ̀ bɛ́ min mɛn ganaa ka min mɛn bɛ́ *yoreene, ǹ tumaa á boe la ǹ sɔ̃, ka ǹ bɛ́ yuun siĩ soɛ̃ lɔn.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 14:25

Bɛ̀ á miɛ̃, ka bɛa mànan lɛn sã. Kaa Lawa, Dɛnaa Lawa bǎã mɛn bɔ á n din tɔ da la, ka a wɔrɔ gũ ka gɔn, ka wo-n walan.

Timəə dí-pɛn 26:11

Kaa Lawa, Dɛnaa Lawa bǐɛ̃ mɛn tumaa baa ka la, ka dinin laanka kaa kion minin ni, ka bɛa nyɛnyɛɛ wɔ kun ka *Levii tɔrɔn laanka gùlin kɛn nɛ, ǹ mɛnɛn lɛn bɛ́ giã-n ka bii.