Timəə dí-pɛn 14:1 - LAWA A BOO SONBORE

¹ Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

LAWA A BOO SONBORE 2011

¹ Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

Timəə dí-pɛn 14:1 ပူးပေါင်းရင်းမြစ်များ

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Siin Giala 6:4

Bɛa waáraa, haalɛ bɛ dɔ din kio, min sasa gegeren nə́ goã kanaa lɛ nɛ. Lawa a nɛnyaanan nə minbuiinin nɛlɔn mɛnɛn bɔ, ǹ nə́ nɛnyaanan yɛ ǹ la, bɛn lɛn tɔrɔn manɛ. Ǹ dinin lɛn man nə́ goã min gegere pàãdɛnan lɛa lɛlɛ, ǹ tɔ bɔ parsiini.

Kiin1 18:28

Ǹ nə́ màn da ǹ lɛ dɛ li, a kɔnpɛ ka ǹ landa nɛ, ǹ nə́ ǹ dinin tɔtoɛ̃ ka gɔyan laanka sɛmiɛ̃n nɛ, yǎa ǹ gɔ̀nɔn yii nə́ n baa mà lɛa.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 41:5

Minin nə́ bɔ Sisɛmu, Siiloo, ka Samarii kiwi ni ǹ nə́ daa. Maǹ min pɔkiwisi, ǹ lɛtoro ka koɛ̃maa nɛ, ǹ mɔnaan nə́ tɔtoɛ̃ nɛ, ǹ nə́ n gɔ̀nɔn tɔtoɛ̃. Maǹ die Lawa gɔ ǹ màn laanka da yon gìĩ kɔɔ̃n nɛ Lawa a kion wɔ lɛa.

Zeremii 47:5

Gaazaa kiwi, minin mìi n kɔɔ̃ nɛ, maǹ gɛ̀ koɛ. Asikalɔn kiwi, min tumaa nə́ n lɛ tã. Kasɛn kɛn giã-n nyankɔrɔ lɛ kɛ nɛ, ka ǹ die ka gɔ̀nɔn tɔtoɛ̃ yǎa biĩ kəni?

Lawa a wúlu-bɔlen 21:5

Bɛ̀ gɛ̀ gã, Lawa a wúlu-bɔlen doamaa bie ǹ nə n mìi paǹ goon kɔɔ̃ wa, ǹ doamaa bie ǹ nə n lɛtoro ka kuru a wàãn ganaa wa, ǹ doamaa bie ǹ nyaǹ dɔ kiɛ̃ ǹ dinin ganaa wa.

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Rɔmu minin 9:26

A n pɛ ǹ nɛ bǎã mɛn din ni ke lɛn mà "ka ba masɛ tɔrɔ lɛa wa", maǹ die ǹ bíi doo bɛa bǎã kɛ lɛ nɛ, "Lawa, nyin nyabaã kɔle a nɛnyaanan".»

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Rɔmu minin 9:8

Bɛ giala, mà goã mà goon ka Abrahamu-n bie min biɛ Lawa a nɛnyaan lɛa wa. Sɛnɛ, bɛ̀ min mɛn a yɛ nə n giala wɔ Lawa a lɛ kɔ ǹ sii ganaa, bɛa dɛnaa n Lawa a nɛnyaan lɛa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Timəə dí-pɛn 13:18

Lawa ka kurəə mànan mɛnɛn goa ganaa, ka nyan toa ka n gɔn da bɛ kɔn ganaa wa. Bɛ̀ ká zɛnaa miɛ̃, Dɛnaa Lawa foo á re basɛ̃. Á re makara boe ka ganaa, a n dɔ ka lɛ, a toa ka mɔnaa, ka a bɛ́ á n lɛ kɔ ka digolon la lɔn.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.

Tesaloniki1 4:13

Dɔɔ̃nɔn lɛn, min mɛnɛn bɛ́ ǹ nə́ gã, wɔ ba li wɔ ka yii toa tì bɛn sii gɔ́ɔ̃-n wa. A giala, wɔ ba li ka goã yɔrɔ-kɔsiɛ gɔ́ɔ̃ nɛ, ka min gialakunun mɛnɛn bɛ́, foo-doa ǹ bǎã ná a ba ǹ lon wa.

Ebrəə 2:10

Sonbore, Lawa din na á màn tumaa zɛnaa, a din dɔ n màn tumaa tamaɛ. A na á goã giɛ li, mà a nɛnyaan gigiã dɔ a din a kiibaa guguru bǎã kɛ nɛ. Bɛ lɛ nɛ á zɛnaa, Yezu mɛn nə ǹ nyɛɛnaan bɔ kirisibaa ǹ zii lɛ la, bɛa sii tumaa lɛ pã fuu gɔ́ɔ̃ nɛ. Bɛ na á kɔnpɛ ka Lawa din sɔ̀n nɛ.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 5:2

Bɛ lɛ n ke, bɛ̀ wɔ á Lawa narɛ, wɔ ná a dí-pɛn siin zɛnɛɛ, wɔ ǹ doɛ̃ ka bɛ nɛ, wáa wɔ doamaa-n wɔ Lawa a nɛnyaanan dɔn narɛ.