Timəə dí-pɛn 13:6 - LAWA A BOO SONBORE

⁶ Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

LAWA A BOO SONBORE 2011

⁶ Ka doamaa-n ka bɛa Lawa a boo gii-dali hinlaa bɛa narɛɛ-wɔle kɛ lɛ dɛ a gã. A giala, a na á gòãn dii kaa Lawa, Dɛnaa Lawa ganaa boo da. A din Lawa lɛ na á ka si bɛ̀rɛbaa la, á ka waa á ka bɔ Ezipti gána nɛ. Kaa Lawa, Dɛnaa Lawa zii mɛn a kɔmalɛ boo laa ka ganaa, a n giɛ li a ka nyanaa a ka bɔ bɛ la. Ka ǹ dɛnaa dɛ, ka sii baraa bɔ ka bɔ ka bii bɛa yɔrɔ lɛ la.

Timəə dí-pɛn 13:6 ပူးပေါင်းရင်းမြစ်များ

Siin Giala 16:5

Sarayii tɔ́n pɛ Abramu ni: «N din nə ń toa, sɔ kɛ tá n koe masɛ ganaa. Hiĩ, ma din ni má maa bɛ̀rɛlɔ kũ má kɔ n la! A bɛ́ á dɔ̃, mà asɛ á nɔ̀ nɛ ǹ mɛn waáraa, masɛ dinmaa ba màn kɔ́n lɛa a yii li doo wa! Dɛnaa die a bɛ yɔrɔ bɔ masɛ laanka Abramu bii ni!»

Samayeli2 1:26

Ma dɔɔ̃n Zonaatan, ma foo ziziɛ̃maa-n parsiini n din a lɛa. N sii goã kaka ma ganaa á la yii ni. N giaárabaa lɛ na á goã kaãbaa diɛ ma ganaa. Á goã siĩni á la giĩ a lɔ narɛɛ nɛ.

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

Kiin2 11:18

Bɛ kio, gána lɛ a zaman tumaa woo *Baali guguru kɔ ǹ kion bǎã nɛ, ǹ nə́ wuru. Ǹ ná a wúlu bɔ ǹ bǎãn ziziɛ̃ lenlen, ka a nyín sɛlɛɛn kɛn nɛ. Matan mɛn bɛ́ Baali a dì wúlu-bɔle lɛa, ǹ nə́ bɛ dɔ dɛ wúlu bɔ ǹ bǎãn lɛn yɔrɔ-a. Lawa a wúlu-bɔle Zozadaa minin kaa Dɛnaa Lawa a kion lɛ a lɛduə̃ ganaa.

KZS2 15:13

Min woo min, nɛ ten lɛa hinlaa min gole lɛa, giĩ hinlaa lɔ lɛa a na a ga Dɛnaa Lawa, Izirayeli a Lawa li wa, bɛa dɛnaa nyin tá re n boe.

KZS2 23:17

Bɛ lɛ nɛ, zaman lɛ tumaa tɔn kaa *Baali a kionən kɛn nɛ, ǹ nə́ ǹ wuru. Ǹ ná a wúlu bɔ ǹ bǎãn kɛn yɔyɔrɛ ka dì kɔsɔn nyínin kɛn nɛ. Wúlu bɔ ǹ bǎã kɛ yɔrɔ-a, ǹ nə́ Baali a wúlu-bɔle Matan dɛ.

Zɔbu 31:27

ma bin nə n saa bɛ li, má sii kɔn taasɛ ma foo-n ka durii-n wa, ma bin nə ǹ guguru kɔ wa.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 32:27

Á pɛ ǹ nɛ: – Izirayeli a Dɛnaa Lawa lɛ n pii kɛnɛn: «Ka gogoonmaa gɔya sa da ka wàã li, ka n bibiə̃, ka bɔ kionən ne kaa giã ǹ bǎã lɛ nɛ, ka ka dɔɔ̃nɔn dɛ, ka giaáran nɛ, ka miãkɛnɛn nɛ.»

Suusun 18:24

Giaára gigiã á boe la ǹ bɔ̀n da min ganaa. Sɛnɛ, giaára sonbore la dɔɔ̃n nɛ.

Suusun 5:20

Maa nɛ, wàa na á baa n nə́ min kɔsɔ a lɔ narɛ, n nə n gɔn talɛɛ lɔ kɔsɔ tìã bii?

Zeremii 28:15

Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.

Zeremii 28:16

Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Timəə dí-pɛn 11:32

Sɛnɛ, ma bɛ́ landa boon laanka sii yɔrɔ bɔ ǹ boon mɛnɛn pii ka-n pelo, ka n yiri koa li, ka ǹ tamaa.

Timəə dí-pɛn 13:2

Kɔntan min tá re n din biɛ Lawa a boo gii-dali hinlaa narɛɛ-wɔle lɛa ka bii ǹ kɔn pinaa. Á re kaãbaa ǹ sii kaka nyɛɛ ka nɛ hinlaa sii giala pɛ ǹ sii.

Timəə dí-pɛn 13:7

Kɔntan, n dɔɔ̃ngiĩ mɛn bɛ́ n din dan nɛ lɛa, hinlaa n nɛgiĩ hinlaa n nɛlɔ, hinlaa n din gòã li ǹ lɔ hinlaa n giaára taãn-taãn tá boe la a da n li ǹ kɔn pinaa, a n sɔmɔ ka durii ni a pɛ n nɛ kɛnɛn: «ka daa wɔ n tá wɔ lawa kɔsɔn guguru kɔ.» A da yaa, ka dinin ni ka ka digolon ne, ka a bɛa lawan kɛn lɛn doɛ̃ wa.

Timəə dí-pɛn 17:12

Sɛnɛ, giĩ mɛn bɛ́ re din gole kɔ ǹ sii zɛnɛɛ, a ná a ba n too koe wúlu-bɔle lɛ a boo li wa, ǹ mɛn lɛ bɛ́ golee ne Lawa a bǎã sonbore kɛ nɛ, dí nyɛɛ kaa Lawa, Dɛnaa Lawa nɛ, a ná a ba n too koe sii yɔrɔ-bɔle kɛ dɔ a boo li wa, ka bɛa giĩ lɛ dɛ a gã. Bɛ á re toɛ ka sii baraa bɔ ka bɔ Izirayeli minin bii.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timəə dí-pɛn 19:19

Bɛ gɔ́ɔ̃ nɛ, a bɛ́ á goã giɛ li, mà ǹ sii mɛn zɛnaa ǹ miã lɛ nɛ, ka bɛ lɛ zɛnaa a din ni. Bɛ lɛ n die toɛ ka sii baraa bɔ ka bɔ ka bii.

Timəə dí-pɛn 21:21

Bɛ kio, kiwi lɛ a minin tumaa kɔlɔ kaã bɔ a ganaa ǹ dɛ a gã. Bɛ̀ ká zɛnaa miɛ̃, ka á re sii baraa boe ka bɔ ka bii. Izirayeli minin tumaa á re bɛ miɛ̃, nyɛ́ɛ á re ǹ kuĩ.

Timəə dí-pɛn 22:21

ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Timəə dí-pɛn 24:7

Bɛ̀ Izirayeli min mɛn ná a din miã Izirayeli min koã, a na á baa bɛ̀rɛ lɛa hinlaa a na á sã, bɛa wurumu lɛ doamaa-n ka gɛ̀ nɛ. Ka zɛnaa miɛ̃, màn mɛn bɛ́ toɛ, ka sii baraa bɔ ka bɔ ka bii.

Timəə dí-pɛn 28:54

Ka bii, giĩ mɛn bɛ́ min sonbore lɛa a n makara doɛ̃, bɛ n die n yii baraa boe a din dɔɔ̃nɔn li, a din gòã li ǹ lɔ nɛ ka a din a nɛgiĩn mɛnɛn nə́ ke á ǹ koa.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Zozoe 7:13

Yoo n *gɔ̀ bɔ zaman lɛ ganaa. N die n pɛ ǹ nɛ mà ǹ gɔ̀ bɔ ǹ dinin ganaa biɛ̃ ǹ taman yii. A giala, masɛ Dɛnaa Lawa lɛ, Izirayeli minin Lawa lɛa, ma din ni má pɛ máa ma ǹ kurəə mànan mɛnɛn goa ganaa, máa bɛ kɔn tá ǹ dinin Izirayeli minin kɛn lɛn bii. Ǹ ba boe la ǹ nə n yɔrɔ da ǹ zɔ́ɔn lɛn la doɛ̃ wa, yǎa ǹ bɛa màn kɛ lɛ boe ǹ boe ǹ bii.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 20:3

Lon a dia dí-a wole lɛ tɔ́n zũ nɔmaa ǹ nyankɔrɔ zuzulu lɛ nɛ, a ná a lɛ sɔɔ ka goo nɛ nɛ. Á zoo gón dɔ da a ganaa, a n gòon bǎã da a nɛ, min kɔ́n ná a boe la, a na a lɛ bũ wa, mà a nyan boo la, a tɔrɔ kɔ́n yiri sã doo wa, yǎa lɛ̀ duu goon lɛ piɛ̃. Bɛ̀ bɛ́ kiɛ̃, ǹ tá re fore ǹ da, a biikoo boɛɛn dinsɔɔ̃ zɛnaa.

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.

Sii yɔrɔ-bɔlen 2:13

Ǹ nə́ Dɛnaa Lawa toa walan, ǹ nə́ dí nya Baalin laanka *Asitarteen manɛ.

Sii yɔrɔ-bɔlen 20:13

Min gɛsɛn mɛnɛn nə sii kɛ lɛ zɛnaa Gibeya, ka ǹ kɔ, màn mɛn bɛ́ toɛ wɔ ǹ dɛ, ń giɛ wɔsɛn tá sii baraa kɛ boe wɔ bɔ Izirayeli minin bii. Sɛnɛ, Bɛnzamɛn tɔrɔn lɛn nə lɛ kɔ ǹ nə́ n too kɔ ǹ dɔɔ̃n gialakun Izirayeli tɔrɔn lɛn boo ganaa wa.

Sii yɔrɔ-bɔlen 5:8

Maǹ nə́ goã lawa tiin boe, bɛ lɛ nɛ, zia goã yui ǹ ganaa. Izirayeli giĩ duu pusi bii, á kaka n goóro laanka sɛmiɛ̃ yɛ ǹ gɔn.

Samayeli1 18:1

Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.

Samayeli1 20:17

A giaárabaa lɛ gɔ́ɔ̃ nɛ ka Davida nɛ, Zonaatan wusoo doo, á n lɛ kɔ Davida la, a giala, a na á goã Davida narɛ ka a din bɛ́ lɔn.