Timəə dí-pɛn 13:5 - LAWA A BOO SONBORE

⁵ Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

LAWA A BOO SONBORE 2011

⁵ Ka kɔ kaa Lawa, Dɛnaa Lawa dinsɔɔ̃ lɛ, ka nyɛ́ɛ baa a dinsɔɔ̃ nɛ. Ka a gɔn waa ǹ boon lɛn tamaa, ka n too kɔ a din lon. Ka dí nya a din ni, ka n naa a din lɛ ganaa.

Timəə dí-pɛn 13:5 ပူးပေါင်းရင်းမြစ်များ

Kiin1 13:19

Lawa a boo gii-dali lɛ nə́ n bɔyaa kun ni, á màn bii a kion, á mu mi.

Kiin1 18:40

Yilii tɔ́n pɛ ǹ nɛ: «Ka Baali a wúlu-bɔlen lɛn kũ! Ka baran toa ǹ goon la ka la wa!» Zaman lɛ wúlu-bɔlen lɛn tumaa kũ, Yilii woo ǹ ne Kiisɔn a mu zii genli, á ǹ bɔ́lɔn kuru walan.

KZS2 34:31

Kii lɛ golee lon a golee ǹ bǎã nɛ, á lɛ-kɔ dii wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, a na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ, kiɛ̃ nɛ sɛ́wɔ lɛ nɛ.

Zeremii 14:15

Bɛ lɛ nɛ, masɛ Dɛnaa Lawa n kɛ pii Lawa a boo gii-dalin kɛn wɔ paǹ li: «Bɛa minin kɛn lɛn mà ǹsɛn man boo diɛ ka masɛ tɔ nɛ, a da yaa ma ǹ dia wa. Maǹ pii mà zia laanka bòo á re yii gána kɛ-n wa. A da yaa, zia laanka bòo n die ǹ tumaa papaɛ̃ lenlen!

Zeremii 29:32

Kanna, masɛ Dɛnaa Lawa n kɛ pii: Man die yui Nehelamu min Semayia gialaa, a nɛnyaanan nɛ ka a nɔ̀ɔnɔn nɛ. A sumu min kɔ́n ba re goɛ̃ maa zaman lɛ bii wa. Ma bɛ́ re bǐɛ̃ mɛn zɛnɛɛ maa zaman nɛ, Semayia a sɔmɔ min kɔn ba re bɛ yii wa. A giala, Semayia na á maa zaman sɔsɔmɔ ǹ nə́ n gòãn dii ma ganaa.» Dɛnaa Lawa a da ǹ boo ne.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Zeremii 7:23

Man má gɔn waa ǹ boo kɛ dinsɔɔ̃ pɛ ǹ nɛ: «Ka n too kɔ ma lon, ma á re kaa Lawa biɛ, ka dɔn nə maa zaman baa. Ma bɛ́ zii mɛn nyɛɛ ka nɛ, ka kɔ bɛ lɛ ka te, kaa siin tá re bǐɛ̃ koe kəni.»

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Nya ǹ dín 13:8

Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.

Timəə dí-pɛn 13:10

Sɛnɛ, yǎa ǹ nə ǹ dɛnaa dii a giɛ̃. A bɛ́ mà a n min mɛn lɛ sɔmɛ diɛ dì guguru kɔ ganaa, bɛ lɛ doamaa nɛ a n gɔn saa a dɛ bibinaa nɛ, zaman lɛ tumaa tɔn nə gòɛ̃ wɔ a-n bɛ kio.

Timəə dí-pɛn 13:15

Bɛ̀ á n baa miɛ̃, ka nɔ̀n da, ka sii lɛ basa bɔ, ka gɔsɛ taãn-taãnɛ. Bɛ̀ ká woo yaa sonbore mà bɛa sii bɔbɔnɛɛ kɛ lɛ miã na á n zɛnaa ka bii,

Timəə dí-pɛn 13:9

Min mɛn da n sɔmɔ, n nyan lɛ kɔ la wa, n nyan nə too din kɔ a lon wa. N nyan toa n makara bɔ-a wa, n nyan toa a makara din nə n kũ wa, n nyan nə n kɔ lɛ wa.

Timəə dí-pɛn 17:5

min mɛn sii lɛ zɛnaa, giĩ ni hinlaa lɔ nɛ, ka ǹ dɛnaa kũ ka soo ne kiri wɔ ǹ bǎã, ka kɔlɔ kaã bɔ a ganaa, ka dɛ a gã.

Timəə dí-pɛn 17:7

Siéren lɛn dinin nə kɔlɔ kaã bɔ a ganaa bibinaa nɛ, bɛ kio, zaman lɛ tumaa zɛnaa miɛ̃ ǹ dɛ a gã. Bɛ á re toɛ, ka sii baraa bɔ ka bɔ ka bii.

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timəə dí-pɛn 19:19

Bɛ gɔ́ɔ̃ nɛ, a bɛ́ á goã giɛ li, mà ǹ sii mɛn zɛnaa ǹ miã lɛ nɛ, ka bɛ lɛ zɛnaa a din ni. Bɛ lɛ n die toɛ ka sii baraa bɔ ka bɔ ka bii.

Timəə dí-pɛn 22:21

ǹ nɛlɔ lɛ kũ ǹ soo ne ǹ di a kiɛnlɛ-a. Bɛ kio, kiwi lɛ a giĩn nə kɔlɔ kaã bɔ a ganaa ǹ dɛ a gã, a giala, a bɛ́ á n toa ǹ di kion á giĩ si, a na á sìi da ǹ sii zɛnaa Izirayeli gána nɛ. Ka zɛnaa miɛ̃ ka sii baraa bɔ ka bɔ ka bii.

Timəə dí-pɛn 22:24

ka ǹ dinin paanan kũ ka da ǹ nɛ kiri wɔ ǹ bǎã, ka kɔlɔ kaã bɔ ǹ ganaa, ka ǹ dɛ ǹ gã. Nɛniɛ lɛ doamaa-n ka gɛ̀ nɛ a giala, a n lɛ dɛ mà min da asɛ si wa, a da yaa, a n kiwi gɔ́ɔ̃ nɛ. Giĩ lɛ dɔ doamaa-n ka gɛ̀ nɛ, a giala, a na á ga ǹ miã a lɔ-wɔsiɛ li. Ka zɛnaa, miɛ̃ ka sii baraa bɔ ka bɔ ka bii.

Timəə dí-pɛn 24:7

Bɛ̀ Izirayeli min mɛn ná a din miã Izirayeli min koã, a na á baa bɛ̀rɛ lɛa hinlaa a na á sã, bɛa wurumu lɛ doamaa-n ka gɛ̀ nɛ. Ka zɛnaa miɛ̃, màn mɛn bɛ́ toɛ, ka sii baraa bɔ ka bɔ ka bii.

Timəə dí-pɛn 26:14

Ma bɛ́ maa yɔrɔ-kɔsiɛ gɔ́ɔ̃ nɛ ǹ mɛn waáraa, ma màn kɔn bɔ a nɛ má bii wa, ma màn kɔn bɔ a nɛ má *gɔ̀ sii zɛnaa-n wa, ma ǹ kɔn dɔ kɔ geren la wa. Má n too kɔ maa Lawa, Dɛnaa Lawa lon, má zɛnaa á kɔnpɛ ka a gɔn waa ǹ boo lɛ tumaa nɛ.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Timəə dí-pɛn 7:4

Bɛ bie wa, maǹ die kaa nɛnyaanan kɛn mìi ziziɛ̃ masɛ ganaa, ǹ nə ǹ kaa dìn guguru kɔ ganaa. Bɛ̀ á n baa miɛ̃ dɔn, Dɛnaa Lawa foo n die yui ka li, a ka dɛ a ka nya bǎã goon.

Zozoe 23:8

Sɛnɛ, Dɛnaa Lawa lɛ, kaa Lawa lɛa, ka n doa kɔn ka bɛ lɛ nɛ, ka ka bɛ́ ka zɛnaa lɔn, yǎa á daa kaa pelo lɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii yɔrɔ-bɔlen 20:13

Min gɛsɛn mɛnɛn nə sii kɛ lɛ zɛnaa Gibeya, ka ǹ kɔ, màn mɛn bɛ́ toɛ wɔ ǹ dɛ, ń giɛ wɔsɛn tá sii baraa kɛ boe wɔ bɔ Izirayeli minin bii. Sɛnɛ, Bɛnzamɛn tɔrɔn lɛn nə lɛ kɔ ǹ nə́ n too kɔ ǹ dɔɔ̃n gialakun Izirayeli tɔrɔn lɛn boo ganaa wa.

Samayeli1 12:14

Bɛ̀ ka tá nyɛ́ɛ biɛ Dɛnaa Lawa yii ni, ka tá a guguru koe, ka tá n too koe a lon, ka n ka a n piɛ̃ ka a boo-n wa, bɛ n die toɛ, ka dinin ni, ka kii mɛn bɛ́ ka mìi la, ka kɔn wɔ ma ka kaa Lawa, Dɛnaa Lawa lɛ nɛ.