Timəə dí-pɛn 13:18 - LAWA A BOO SONBORE

¹⁸ Lawa ka kurəə mànan mɛnɛn goa ganaa, ka nyan toa ka n gɔn da bɛ kɔn ganaa wa. Bɛ̀ ká zɛnaa miɛ̃, Dɛnaa Lawa foo á re basɛ̃. Á re makara boe ka ganaa, a n dɔ ka lɛ, a toa ka mɔnaa, ka a bɛ́ á n lɛ kɔ ka digolon la lɔn.

LAWA A BOO SONBORE 2011

¹⁸ Lawa ka kurəə mànan mɛnɛn goa ganaa, ka nyan toa ka n gɔn da bɛ kɔn ganaa wa. Bɛ̀ ká zɛnaa miɛ̃, Dɛnaa Lawa foo á re basɛ̃. Á re makara boe ka ganaa, a n dɔ ka lɛ, a toa ka mɔnaa, ka a bɛ́ á n lɛ kɔ ka digolon la lɔn.

Timəə dí-pɛn 13:18 ပူးပေါင်းရင်းမြစ်များ

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Loen 119:6

Bɛ lɛ n die toɛ, bɛ̀ ma á n yiri koɛ n dí-pɛn lɛn tumaa nɛ, sìi a re ma kuĩ wa.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Matiə 7:24

Ma boon mɛnɛn da, bɛ̀ min mɛn nə́ n too kɔ ǹ ganaa, á ǹ si, bɛa dɛnaa n kɔnboe ka yiridɛnaa mɛn bɛ́ a ná a kion dɔ tataã la.

Timəə dí-pɛn 12:25

Ka baran sɔ̃ wa, bɛ á re toɛ kaa wɔ bǐɛ̃ kɔ, ka dinin laanka kaa nɛnyaanan mɛnɛn bɛ́ re goɛ̃ ka kio. A giala, bɛ̀ ká zɛnaa miɛ̃, ka n ká Dɛnaa Lawa foo sii zɛnaa.

Timəə dí-pɛn 12:28

Ma bɛ́ n gɔn wɛɛ ka-n ka boon mɛnɛn nɛ, ka bɛn lɛn si, ka ǹ tamaa. Bɛ̀ ká zɛnaa miɛ̃, ka n ká sii sonbore zɛnaa, sii mɛn bɛ́ pepere kaa Lawa, Dɛnaa Lawa yii li. Bɛ lɛ dɔ n die toɛ kaa wɔ bǐɛ̃ kɔ miɛ̃ duduu, ka dinin laanka kaa nɛnyaanan nɛ.

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 14:1

Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

Timəə dí-pɛn 7:26

Ka baran bɛa màn bɔbɔnɛɛ kɛ kɔn da kaa kion wa. Bɛ̀ ká bɛ zɛnaa, bɔ̀n tá re ka yii kun. Sonbore, bɛ miã mànan lɛn doamaa nɛ, ǹ nə n tã lenlen. Ka nyan lɛ kɔ ǹ ganaa wa. Ǹ tìĩ doamaa nɛ, a bɔ ka nyin ni.

Zozoe 7:26

Bɛ kio, ǹ nə́ kɔlɔ da kɔn la Aakan lalan ka telee-n, Dɛnaa Lawa foo tɔ́n basã. Bɛa kɔlɔ dakɔnla lɛ á tɔn na a tan haalɛ tɔn pelo. Bɛ lɛ na á toa, ǹ tá tɔn bɛa bǎã kɛ lɛ bii haalɛ tɔn pelo mà "Akɔɔrɔ" bɛ giala mà "bɔ̀n da ǹ nyankɔrɔ basa".