Timəə dí-pɛn 13:1 - LAWA A BOO SONBORE

¹ Ma bɛ́ n gɔn wɛɛ ka nɛ ka boon mɛnɛn tumaa nɛ, ka n yiri koa ǹ li, ka ǹ tamaa. Ka nyan màn kɔn da li wa, ka nyan màn kɔn dɔ bɔ lɛ wa.

LAWA A BOO SONBORE 2011

¹ Ma bɛ́ n gɔn wɛɛ ka nɛ ka boon mɛnɛn tumaa nɛ, ka n yiri koa ǹ li, ka ǹ tamaa. Ka nyan màn kɔn da li wa, ka nyan màn kɔn dɔ bɔ lɛ wa.

Timəə dí-pɛn 13:1 ပူးပေါင်းရင်းမြစ်များ

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Kiin1 13:19

Lawa a boo gii-dali lɛ nə́ n bɔyaa kun ni, á màn bii a kion, á mu mi.

Suusun 30:6

N nyan màn kɔn da a boo li wa, bɛ bie wa, á re puri n ni, á re pii n ni mà ma n soɛ boe.

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 23:11

Lawa a boo gii-dalin laanka Lawa a wúlu-bɔlen man lɛ pii ǹ màn sii. Ǹ sii baraan mɛnɛn zɛnaa, bɛ lɛ á tɔn yii maa kion kɛ nɛ. Dɛnaa Lawa a da ǹ boo ne.

Zeremii 23:32

Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Zeremii 29:24

N die n kɛ pɛ Nehelamu min Semayia nɛ:

Zeremii 29:26

Dɛnaa Lawa na á n koa Lawa a wúlu-bɔle lɛa Lawa a wúlu-bɔle Zozadaa bǎã nɛ. N doamaa nɛ n ga gàãnaan kɛn walan n dinin biɛ Lawa a boo gii-dalin lɛa Lawa a kion. N doamaa nɛ n nə ǹ tumaa kaa zɔrɔka nɛ, n fɔlɔ guguru da ǹ bɔlɔ-a.

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Ezekieli 13:23

Sisia kəni, ka a re sii-nyaa kooron kɛn yii doo wa, ka a re n gɔn noɛ̃ doo wa. Ma á re maa zaman lɛ kuĩ ma si ka la. Ka á re doɛ̃ kəni, mà masɛ din nə Dɛnaa Lawa lɛa.»

Zakarii 10:2

Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

Zakarii 13:4

Bɛa waáraa, sìi á re Lawa a boo gii-dali soɛ-bɔlen kuĩ ǹ Lawa a boo gii-dalibaa laanka ǹ sii-yɛn kɛn laakalaa a lɛa. Ǹ yii á re we doo ǹ maa zaman sã ka Lawa a boo gii-dalin ki mɔnaa kɛa wɔ-n wa.

Matiə 24:11

Min gigiã á re n dinin biɛ Lawa a boo gii-dalin lɛa ǹ daa, ǹ tá re min gigiã yiri siɛ̃.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Luku 6:26

«Kasɛn mɛnɛn bɛ́ min tumaa tá ka tɔ bǐɛ̃ pii, bɔ̀ndɛnan man ka kasɛn nɛ, min mɛnɛn bɛ́ ǹ nə́ goã n dinin biɛ Lawa a boo gii-dalin lɛa, a da yaa soɛ nɛ, minin kɛn lɛn díin man nə́ goã bɛn kuĩ bɛa gɔn kɛ lɛ la.»

Timəə dí-pɛn 18:20

Sɛnɛ, ma bɛ́ má pɛ boo gii-dali lɛ nɛ máa a boo mɛn da wa, bɛ̀ á n saa din gole kɔ li yǎa a bɛ da ka masɛ tɔ nɛ, hinlaa ka lawa kɔsɔn tɔ nɛ, boo gii-dali lɛ din doamaa-n ka gɛ̀ nɛ.»

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:2

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.

Tesaloniki2 2:9

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.