Timəə dí-pɛn 12:7 - LAWA A BOO SONBORE

⁷ Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

LAWA A BOO SONBORE 2011

⁷ Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 12:7 ပူးပေါင်းရင်းမြစ်များ

Nehemii 8:9

Min mɛnɛn nə goã sii lɛ yɔrɔ nyɛɛ zaman lɛ nɛ, pàãdɛnaa Nehemii lɛ nɛ, Lawa a wúlu-bɔle Ɛsidrasi landa sii-daraali lɛ nɛ, ka Levii tɔrɔn lɛn nɛ, bɛn nə́ pɛ zaman lɛ tumaa nɛ: «Pelo a lɛawaa kɛ ná á n kɔ ka Lawa, Dɛnaa Lawa lɛ la. Ka foo baran goã ziziɛ̃ nɛ ka gɛ̀ na á gã ǹ la wa, ka baran wuu pɛ wa.» A giala zaman lɛ tumaa na á goã wuu pii bɛ̀ ǹ bɛ́ dí-pɛn sɛ́wɔ lɛ a boon miɛ.

Boo-laakalaali 3:12

Má tɔ́n dɔ̃, máa màn kɔn din ba soɛ minbuiin nɛ ganaa wa. Bɛ̀ á n bɔ, a n nyɛnyɛɛ, a ga a din a bǐɛ̃-kɔ li, a yiikoonaabaa gɔ́ɔ̃ nɛ.

Boo-laakalaali 3:13

A giala, bɛ̀ min woo min tá màn bii, á n màn mii, a bɛ́ màn mɛn boe a dí ni, a nə́ n nyɛnyɛɛ bɛ la, Lawa a bǐɛ̃ n ka bɛ nɛ.

Boo-laakalaali 5:18

Sɛnɛ, bɛ̀ Lawa naforo laanka gɔn màn kɔ min mɛn la, á ná a bii ǹ lɛ dɔ kɔ la, á baa a wɔ gii lɛa, mà a n nyɛnyɛɛ a dí gɔ́ɔ̃ nɛ, bɛ n Lawa a bǐɛ̃ lɛa.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 62:9

Sɛnɛ, min mɛnɛn bɛ́ re belee lɛ goɛ, ǹ dininmaan man die bii bɛ̀ ǹ tá Dɛnaa Lawa tɔ boe ka loe ne. Min mɛnɛn bɛ́ re rezɛ̃ lɛ niɛ̃, maǹ die duvɛ̃ mii maa kion sonbore kɛa sumu-n.»

Ezekieli 44:3

Sɛnɛ, goledɛnaa lɛ sɛ, a goledɛnaabaa taman yii, bɛ á re giɛ̃ tán walan, a màn bii tán masɛ Dɛnaa Lawa yɔrɔ-a. A n die we ka dàã li a kiɛnlɛ kɛ nɛ, a wusoo a soo ka bɛ lɛ nɛ.»

Zowɛli 1:16

Màn-bii lɛ bie á nya wɔ dinin yii-n wa ya? Foo kɔɔ̃nbaa laanka nyɛnyɛɛ lɛ bie á nya Lawa a kion wɔ dinin yii-n wa ya?

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Lawa a wúlu-bɔlen 23:40

A lɛawaa bibinaa pinaa, ka da nɛ sonboren goa ka gɔn, sèwo luu ni, da gùrùn ni, luu nə́ ǹ ganaa ka kɛkɛ, ka tà lɛ-a ǹ dan kɛn gùrùn ni. Ka n nyɛnyɛɛ Dɛnaa Lawa, kaa Lawa lɛ yɔrɔ-a, yǎa lɛawaa sɔbaa.

Malakii 2:13

Ka bɛ́ sii mɛn kɔsɔ zɛnɛɛ doo bɛ á ke: Ka yii mu Dɛnaa Lawa a *wúlu bɔ ǹ bǎã si á n kɔ lɛ, wuu pɛ nɛ, ka ginii ni, a giala mà a ba n too koe ka lon doo wa. Ka bɛ́ die wúlu bɔ ǹ mànan mɛnɛn koe la, a ba ǹ sii ka gɔn wa.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:8

Wɔ bɛ́ màn mɛn tumaa zɛnɛɛ kànaa pelo, didie ń zɛnɛɛ a din foo dùũ li, ka nyan toa ka bɛ zɛnaa walan wa.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 14:26

Màn mɛn tumaa sii bɛ́ ka ganaa, ka á boe la ka pii ka bɛa wɔrɔ lɛ-n walan: ta dii ni, ta sère ne, ta bòe ne, ta duvɛ̃ nɛ ta yɔ kakaarɛn manɛ. Ka bɛ tumaa bii kaa Lawa, Dɛnaa Lawa lɛ yɔrɔ-a walan, ka n nyɛnyɛɛ kun ka kaa kion minin ni.

Timəə dí-pɛn 15:20

Dɛnaa Lawa din bɛ́ re bǎã mɛn boe, lɛ̀ woo lɛ̀, ka die ka bɛn sɔ̃ walan kun ka kaa kion minin ni, kaa Lawa, Dɛnaa Lawa din yɔrɔ-a.

Timəə dí-pɛn 26:11

Kaa Lawa, Dɛnaa Lawa bǐɛ̃ mɛn tumaa baa ka la, ka dinin laanka kaa kion minin ni, ka bɛa nyɛnyɛɛ wɔ kun ka *Levii tɔrɔn laanka gùlin kɛn nɛ, ǹ mɛnɛn lɛn bɛ́ giã-n ka bii.

Timəə dí-pɛn 27:7

Ka die ka barka da Lawa nɛ ǹ wúlu bɔ walan, ka bii ka nyɛnyɛɛ nɛ, kaa Lawa, Dɛnaa Lawa din yɔrɔ-a.

Timəə dí-pɛn 28:47

Ka bɛ́ re goɛ̃ kiɛ̃ nɛ ǹ mɛn waáraa, bɛ̀ ka dí nya kaa Lawa, Dɛnaa Lawa lɛ n bɛa waáraa ka nyɛnyɛɛ laanka foo sonbore-n wa,

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!