Timəə dí-pɛn 12:5 - LAWA A BOO SONBORE

⁵ Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

LAWA A BOO SONBORE 2011

⁵ Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 12:5 ပူးပေါင်းရင်းမြစ်များ

Kiin1 12:27

Mà bɛ̀ zaman kɛ goã woe wúlu boe Lawa a kion miɛ̃, Zeruzalɛmu, mà ǹ dɛnaagiĩ Roboamu lɛ, Zudaa gána a kii lɛa, mà bɛ sii tá re wusii a wɔ ǹ foo ne, mà asɛ mɛn nə́ ke, mà ǹ tá re asɛ dii.

Kiin1 14:21

Salomɔn a nɛgiĩ, Roboamu kii baa Zudaa gána nɛ. A bɛ́ kii lɛ biɛ bɛ́ a lɛ̀ pusi ka goon ne. A na á kiibaa zɛnaa lɛ̀ fulusɔbaa Zeruzalɛmu kiwi, kiwi mɛn lɛ bɛ́ Dɛnaa Lawa ná a yii gɔ̀gɔ́ɔ̃ Izirayeli a bǎãn tumaa bii, á n tɔ da la. Roboamu ǹ dan tɔ na á goã Naamaa, Amɔn tɔrɔ nɛ.

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Kiin1 8:20

Salomɔn pɛ doo: Dɛnaa Lawa boo mɛn da, a ná a lɛ pã. Má ma di Davida a bǎã saa kiibaa lɛ la ka Dɛnaa Lawa goã á da lɔn. Má kion kɛ dɔ Izirayeli a Lawa, Dɛnaa Lawa lɛ tɔ la.

Kiin1 8:27

Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

KZS1 22:1

Davida tɔ́n pɛ: «Dɛnaa Lawa a kion nə ke kánaa. Izirayeli a *wúlu bɔ ǹ bǎã n ka kɛ nɛ, *wúlu màn tã ǹ wɔ lɛa.»

KZS2 7:12

Bɛ kio, Dɛnaa Lawa nə́ n din nyaa-n tèlòn, á pɛ nɛ: – Má n nyankɔ lɛ ma, ma din nə má bǎã kɛ bɔ wúlu bɔ ǹ kion lɛa.

Ɛsidrasi 3:2

Zozadaaki a nɛgiĩ Zozoe laanka ǹ miã wúlu-bɔlen ne, ka Salatieli a nɛgiĩ Zorobabeli laanka ǹ dɔɔ̃nɔn nɛ, ǹ nə́ yoo kun ǹ nə́ Izirayeli a Lawa a *wúlu bɔ ǹ bǎã lɛ dɔ, ǹ nə́ wúlu mànan tã la, ka a bɛ́ kiɛ̃ nɛ Lawa a min Muizu a dí-pɛn sɛ́wɔ kɛ-n lɔn.

Ɛsidrasi 6:12

Kii hinlaa tɔrɔ mɛn tumaa bɛ́ re bɔlɔ tii, ǹ nə n gɔn saa ǹ Lawa a kion kɛ ziziɛ̃ nɛ Zeruzalɛmu, Lawa mɛn lɛ á ke á kànaa bɔ a giã ǹ bǎã lɛa, bɛ die a ǹ yii tumaa bɔ a ǹ kaa. Masɛ Dariusu n má boo da, a die a n zɛnaa miɛ̃ lɛ n ka te!»

Ɛsidrasi 7:17

Bɛ kio, n die n nə n yiri koa li kəni, n bɛa wɔrɔ kɛ lɛ saa, n dii gɔ̀lɔ̀n pii ni, ka sère gɔ̀lɔ̀n nɛ, ka sère tenən ne, kɔnlɛ ka tán kɔsiɛ mànan kɛn laanka duvɛ̃ kɛ nɛ, ǹ tá tii bɛa tɔɔn lɛn ganaa. N die n wúlu bɔ ǹ nɛ, n Lawa a kion lɛ a *wúlu bɔ ǹ bǎã la Zeruzalɛmu.

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Loen 78:68

Sɛnɛ, a na á Zudaa tɔrɔn bɔ. *Siɔn kele kɛ lɛ na á kɔɔ̃n kɔ a ganaa.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Zeremii 26:2

– Masɛ Dɛnaa Lawa bɛ́ boo mɛn diɛ, á ke: «Wo giã Lawa a kion a sumu kɛ nɛ. Min mɛn tumaa bɛ́ boe Zudaa gána a kiwin ni bɛ̀ ǹ da ma guguru kɔ Lawa a kion kɛ nɛ, n boo da bɛn manɛ. Ma bɛ́ re boo mɛn tumaa diɛ n nɛ, n na a yii pɛ ǹ nɛ. N nyan boo nɛ goon din bɔ lɛ wa!

Zeremii 7:12

Bǎã sonbore mɛn goã maa wɔ lɛa Siiloo, ka wo walan. Lɛlɛ, man má goã giã-n walan. Maa zaman Izirayeli minin baraabaa a lɛa ka ga a ganaa ma bɔyaa má baa lɔn.

Zeremii 7:14

Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:13

Ka yiri bɔ ka dinin li, ka nyan kaa wúlu màn tã bǎã tumaa nɛ, yǎa a din bɛ́ bǎã lɛa ká yɛ wa.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:4

Kaa Lawa, Dɛnaa Lawa guguru kɔ wɔ paǹ li, ka baran ǹ wɔ kɛ tɔrɔ zɛnaa wa.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 14:24

Bɛ̀ kaa Lawa, Dɛnaa Lawa toa kaa bɔ don bǐɛ̃ kɔ, ka bɛ́ re màn mɛn boe ka kaa a gɔrɔn, a bǎã mɛn lɛ bɔ á n din tɔ da la, kɔntan ka a re boe la ka gũ ka wo-n walan wa, zii lɛ a sɔsɔɔbaa a la yii-n taman yii.

Timəə dí-pɛn 15:20

Dɛnaa Lawa din bɛ́ re bǎã mɛn boe, lɛ̀ woo lɛ̀, ka die ka bɛn sɔ̃ walan kun ka kaa kion minin ni, kaa Lawa, Dɛnaa Lawa din yɔrɔ-a.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:15

Kaa Lawa, Dɛnaa Lawa din bɛ́ re bǎã mɛn lɛ boe, ka die ka bɛa zɔ́n lɛ zɛnaa walan, ka Lawa tɔ bɔ nɛ yǎa lɛawaa sɔbaa. Kaa wɔ n die goɛ̃ ka nyɛnyɛɛ dinsɔɔ̃ nɛ, a giala, a din nə die toɛ kaa tán-kɔsiɛ bǐɛ̃ kɔ, a din dɔ n die barka diɛ kaa nya ǹ dí tumaa ganaa.

Timəə dí-pɛn 16:2

Ka bɛ́ re wúlu mànan mɛnɛn koe Dɛnaa Lawa la kiɛ̃mala ǹ zɔ́n lɛ wɔ lɛa, tɔɔ bisinin laanka a dadaran nɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka die ka bɛn dɛ walan.

Timəə dí-pɛn 16:6

Sɛnɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka zɛnaa walan, wasamiɛ̃nɛ, wasa a yii sã biikoo li, a kɔnpɛ ka kaa soo Ezipti gána-n pinaa nɛ.

Timəə dí-pɛn 16:7

Ka siĩ lɛ kɔrɛ, kaa Lawa, Dɛnaa Lawa din bǎã mɛn lɛ bɔ, ka sɔ̃ walan, baayɛlɛ, ka tɔn wusoo ka wo kaa mɔnaa kionən ne.

Timəə dí-pɛn 17:8

Bɛ̀ sii mɛn a yɔrɔ bɔ ǹ gɔn tá kaka ka ganaa á la yii ni, gɛ̀-dɛ nɛ hinlaa kɔn-dɛ a mà bɔ kɔn ganaa nɛ, minin mɛ kɔn-a ǹ sii tumaa, bɛ̀ kaa kiwi a sii yɔrɔ-bɔlen ná a yɔrɔ bɔ ǹ nə́ fɔ̃ li, kaa Lawa, Dɛnaa Lawa lɛ bǎã mɛn bɔ á koa, ka yoo ka wo walan.

Timəə dí-pɛn 18:6

Bɛ̀ Levii tɔrɔ lɛ mɛn soo a kiwi, ta a din nə giã-n Izirayeli kiwi lɛ mɛn nɛ, bɛ̀ a tá a foo ne a wo bǎã kɛ nɛ Dɛnaa Lawa bɔ a din wɔ lɛa,

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.

Timəə dí-pɛn 31:11

Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Kolɔɔsi minin 2:9

Sɛnɛ Krita lɛ sɛ n màn dadaran laanka a goledɛnan kɛn tumaa mìi la. Lawa a Lawabaa din tumaa na á kaa kun, á minbuiin baa asɛ nɛ, á giã a nɛ ka a lɛ-piɛ̃maa nɛ. Kasɛn dɔn kaa-kun ka Krita-n lɛ barka nɛ, ka Lawa a sii tumaa lɛ-piɛ̃ yɛ.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Zozoe 18:1

Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

Zozoe 22:11

Izirayeli minin gialakunun lɛn nə́ ma, mà Urubɛn tɔrɔn nɛ, Gaadi tɔrɔn nɛ ka Manaasee tɔrɔ gialakunun kɛn nɛ lɛ̀giala-n, mà bɛn nə́ wúlu bɔ ǹ bǎã dɔ Zurdɛ̃ tà lɛ-a bǎãn kɛn nɛ, dia-n die ǹsɛn dinin ganaa Kanaan gána nɛ.

Zozoe 9:27

Sɛnɛ, bɛa pinaa kɛ lɛ nɛ, Dɛnaa Lawa din bɛ́ re bǎã mɛn boe, Zozoe nə́ ǹ koa zaman lɛ laanka Dɛnaa Lawa a *wúlu bɔ ǹ bǎã kɛa gɔn-yulin laanka a mu-silin lɛa walan. Haalɛ tɔn pelo, ǹ tɔrɔn man tɔn bɛa dí kɛ lɛ nyɛɛ.

Sii-nyaan 14:1

Ma bɛ́ giɛ, má Sère Nɛ lɛ yɛ golee-n *Siɔn kele la, Zeruzalɛmu kiwi gɔ́ɔ̃ nɛ. Má minbuiin duu paabiɛ ka pusiwensii (144 000) kɛ dɔ yɛ kun ni, a din tɔ laanka ǹ Di Lawa tɔ n kiɛ̃ nɛ, didie tumaa nyanlɛ ganaa.