Timəə dí-pɛn 12:31 - LAWA A BOO SONBORE

³¹ Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

LAWA A BOO SONBORE 2011

³¹ Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 12:31 ပူးပေါင်းရင်းမြစ်များ

Kiin2 16:3

Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.

Kiin2 17:31

Abaa minin man nə́ dì Nebazi nyín zɛnaa, ka dì Tartaaki nyín ni, Sefaravayimu minin man nə́ goã tɔn nə ǹ nɛgiĩn tiɛ̃ wúlu mànan lɛa Sefaravayimu kiwi a dìn kɛn ganaa, Adramelɛki laanka Anamelɛki ni.

Kiin2 21:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

Kiin2 3:27

Moabu gána a kii lɛ gɔn binaa mɛn bɛ́ nɛginin lɛa, a kiibaa lɛ doamaa nɛ a n doe a ganaa, á bɛ kũ á wúlu bɔ nɛ kiwi lɛ a kungɔn la. Moabu minin lɛn foo yoo Izirayeli minin lɛn li parsiini, Izirayeli minin lɛn nə́ n wɔlɔ lui Moabu gána a kii lɛ ganaa, ǹ nə́ n bɔyaa ǹ nə́ woo ǹ gána nɛ.

KZS2 33:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

KZS2 36:14

Ka bɛ dɔ nɛ, Lawa a wúlu-bɔlen nyɛɛnaandɛnan laanka zaman tumaa nə́ n bɔyaa ǹ nə́ bɔlɔgoonbaãdɛnan baa Lawa ganaa. Maǹ tɔrɔ kɔsɔn sii bɔbɔnɛɛn lɛn zoɛ̃. Lawa a kion ke Dɛnaa Lawa wɔ lɛa, Zeruzalɛmu, ǹ nə́ bɛ gɔgɔrɛ kɔ.

Loen 106:37

Ǹ nə́ ǹ nɛgiĩn laanka ǹ nɛlɔn kɔ nɔ̀ɔnɔn la, wúlu mànan lɛa.

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 7:31

Inɔn a nyankɔrɔ basa kɛ nɛ, ǹ nə́ *wúlu bɔ ǹ bǎã koa walan a tɔ n Tofɛti. Maǹ nə ǹ nɛgiĩn laanka ǹ nɛlɔn tiɛ̃ wúlu màn lɛa walan. A da yaa, ma bɛa zii kɔ min kɔn la wa. Ma bin nə n taasɛ ka bɛ n duduu wa.

Ezekieli 20:31

A da kaa pelo lɛ, ka n ká gɔ̀ da ka dinin ganaa ka kaa dìn kɛn lɛn tumaa nɛ. Ka nə ǹ goe ka mànan nɛ, ka n kaa nɛnyaanan tiɛ̃ *wúlu màn lɛa. Izirayeli tɔrɔn lɛn, man ka toɛ bɛ lɛ zɛnɛɛ kəni, ma wusoo ma lɛ kɔ ka nɔ̀n da ma la ka sii ni? Bɛ̀ ma toa ka nɔ̀n da ma la ka sii ni, ma din Lawa yiikoonaa kɛ bie wa. Ma din Dɛnaa Lawa a da ǹ boo ne.

Ezekieli 23:27

Bɛa biikoo li, ma á re n kurii n gɛsɛbaa ǹ siin kɛn lɛn zɛnaa ganaa, ka n kɔrɔbaa kɛ nɛ, ń bɔ nɛ Ezipti gána nɛ. N ba re n yii din siɛ n ga ǹ ganaa doo wa, n yiri din ba re die ka Ezipti gána kɛ-n doo wa.

Lawa a wúlu-bɔlen 18:21

Min kɔn baran toa a na a nɛ kɔ, ǹ wúlu bɔ nɛ dì Molɛki kɛ ganaa wa. Min kɔn baran toa a Lawa tɔ ziziɛ̃ wa. Masɛ din ni Dɛnaa Lawa lɛa.

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Lawa a wúlu-bɔlen 20:2

N die n pɛ Izirayeli minin lɛn manɛ: min woo min, á n Izirayeli min lɛa, hinlaa á n gùli lɛa Izirayeli gána nɛ, bɛ kɔn baran a nɛ kɔ, mà ǹ wúlu bɔ nɛ, dì Molɛki kɛ ganaa wa. Bɛ̀ min mɛn bɛ zɛnaa, gána lɛ a minin nə kɔlɔ kaã bɔ a ganaa, ǹ dɛ a gã.

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Timəə dí-pɛn 12:30

Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.

Timəə dí-pɛn 12:4

Kaa Lawa, Dɛnaa Lawa guguru kɔ wɔ paǹ li, ka baran ǹ wɔ kɛ tɔrɔ zɛnaa wa.

Timəə dí-pɛn 20:18

Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.

Timəə dí-pɛn 9:4

Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.