Timəə dí-pɛn 12:30 - LAWA A BOO SONBORE

³⁰ Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.

LAWA A BOO SONBORE 2011

³⁰ Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.

Timəə dí-pɛn 12:30 ပူးပေါင်းရင်းမြစ်များ

Kiin2 16:10

Kii Ahaazi lɛ woo Damaasi, mà a n woe Asiirii gána a kii Tiglati-Falasaara li walan. *Wúlu bɔ ǹ bǎã mɛn goã Damaasi kiwi, Ahaazi yii bɛ yɛ. Ahaazi bɛa wúlu bɔ ǹ bǎã lɛ nyín zɛnaa, ka a dɔ ǹ gɔn nɛ, á dia Lawa a wúlu-bɔle Uria la.

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

Bɔ bɛ̀rɛbaa nɛ 23:24

Sɛnɛ, ka baran n musin koa tán ǹ dìn yɔrɔ-a, ka ǹ guguru kɔ wa. Ka baran ǹ siin lɛn zɔɔ̃ wa. Ka ǹ dìn yɔyɔrɛ, ka ǹ tíĩn kɛn nɛ.

Zeremii 10:2

A da ǹ boo á ke: «Ka nyan nə n saa tɔrɔ kɔsɔn li wa. Ka nyan nyɛ́ɛ baa sii-nyaan kɛn man boe lon wa. Maǹ nyɛ́ɛ diɛ tɔrɔn kɔsɔn ganaa.

Ezekieli 11:12

Ka á re doɛ̃ bɛa biikoo li kəni, mà masɛ din nə Dɛnaa Lawa lɛa. Á ke, maa landa boon kɛn, ka kɔ bɛn lɛ wa, ka maa sii yɔrɔ bɔ ǹ boon kɛn dɔn tamaa wa. A giala, tɔrɔ kɔsɔn mɛnɛn bɛ́ ka lɛnpɛnɛ, ka n ka bɛn sii zɛnaa ǹ gɔn saa.»

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 20:32

Ka na a gialaa pii mà kasɛn man zoɛ̃ li ka n baa ka tɔrɔ kɔsɔn kɛn bɛ́ lɔn, ká gána kɔsɔn kɛn tanlɛ minin bɛ́ lɔn, ka dìn guguru kɔ, dìn mɛnɛn bɛ́ gɔn lɛa hinlaa kɔlɔ lɛa. Bɛa taasiɛ kɛ lɛ á wɔ ka yiri ni, a zɛnaa ba giala yii wa.

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Lawa a wúlu-bɔlen 18:30

Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Rɔmu minin 12:2

Ka baran tɔ wɔ, a kɔnpɛ ka kanaa minin sii zɛnaan nɛ wa. Ka toa Lawa ka bɔyaa, a yiri dii kɔ ka la, màn mɛn bɛ́ toɛ, ka Lawa dùũ sii dɔ̃, bɛ giala mà sii bǐɛ̃, sii mɛn bɛ́ kɔɔ̃n a ganaa, sii mɛn lɛ piɛ̃ bɛ́ nɛ.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Timəə dí-pɛn 11:16

Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

Timəə dí-pɛn 12:29

Ka bɛ́ woe bǎã mɛn lɛ nɛ, tɔrɔn mɛnɛn bɛ́ giã-n walan ka n die ǹ lui, kaa Lawa, Dɛnaa Lawa á die ǹ dii a ǹ bɔ ka nyɛɛnɛ. Ka á re ǹ gána lɛ sii ǹ la, ka giã a nɛ.

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 18:9

Kaa Lawa, Dɛnaa Lawa bɛ́ gána mɛn lɛ koe ka la, bɛ̀ ká dɔ walan ǹ mɛn waáraa, tɔrɔ kɔsɔn mɛnɛn bɛ́ a nɛ, ka nyan toa ka n saa bɛn giã ǹ gɔn bɔbɔnɛɛ kɛ li wa.

Timəə dí-pɛn 20:18

Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.