Timəə dí-pɛn 12:21 - LAWA A BOO SONBORE

²¹ Kaa Lawa, Dɛnaa Lawa bɛ́ re bǎã mɛn lɛ boe a n din tɔ da la, bɛ̀ bɛ wɔlɔ á sɔsɔɔ ka mɛnɛn ganaa, Dɛnaa Lawa bɛ́ re tɔɔn mɛnɛn koe ka la, ta a gole hinlaa a boɛɛn nɛ, didie na a wɔ dɛ a din a kiwi, ka ma bɛ́ má pɛ ka-n lɔn. Ka bɛ́ giɛ li mà ka siĩ lɛ sɔ̃ lɔn, ka á re soɛ̃ miɛ̃.

LAWA A BOO SONBORE 2011

²¹ Kaa Lawa, Dɛnaa Lawa bɛ́ re bǎã mɛn lɛ boe a n din tɔ da la, bɛ̀ bɛ wɔlɔ á sɔsɔɔ ka mɛnɛn ganaa, Dɛnaa Lawa bɛ́ re tɔɔn mɛnɛn koe ka la, ta a gole hinlaa a boɛɛn nɛ, didie na a wɔ dɛ a din a kiwi, ka ma bɛ́ má pɛ ka-n lɔn. Ka bɛ́ giɛ li mà ka siĩ lɛ sɔ̃ lɔn, ka á re soɛ̃ miɛ̃.

Timəə dí-pɛn 12:21 ပူးပေါင်းရင်းမြစ်များ

Kiin1 14:21

Salomɔn a nɛgiĩ, Roboamu kii baa Zudaa gána nɛ. A bɛ́ kii lɛ biɛ bɛ́ a lɛ̀ pusi ka goon ne. A na á kiibaa zɛnaa lɛ̀ fulusɔbaa Zeruzalɛmu kiwi, kiwi mɛn lɛ bɛ́ Dɛnaa Lawa ná a yii gɔ̀gɔ́ɔ̃ Izirayeli a bǎãn tumaa bii, á n tɔ da la. Roboamu ǹ dan tɔ na á goã Naamaa, Amɔn tɔrɔ nɛ.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

Ɛsidrasi 6:12

Kii hinlaa tɔrɔ mɛn tumaa bɛ́ re bɔlɔ tii, ǹ nə n gɔn saa ǹ Lawa a kion kɛ ziziɛ̃ nɛ Zeruzalɛmu, Lawa mɛn lɛ á ke á kànaa bɔ a giã ǹ bǎã lɛa, bɛ die a ǹ yii tumaa bɔ a ǹ kaa. Masɛ Dariusu n má boo da, a die a n zɛnaa miɛ̃ lɛ n ka te!»

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:15

Sɛnɛ, ka bɛ́ giã-n bǎã mɛn nɛ, bɛ̀ kaa Lawa, Dɛnaa Lawa lɛ gɔn màn kɔ ka la, bɛ̀ ka tá li, ka á boe la ka tɔɔ dɛ ka sɔ̃ walan. *Gɔ̀ bɛ́ min mɛn ganaa ka min mɛn bɛ́ *yoreene, ǹ tumaa á boe la ǹ sɔ̃, ka ǹ bɛ́ yuun siĩ soɛ̃ lɔn.

Timəə dí-pɛn 12:20

Bɛ̀ kaa Lawa, Dɛnaa Lawa kaa bǎã lɛ giala bɔ li ǹ mɛn waáraa, ká a din bɛ́ á n lɛ kɔ ka la lɔn, bɛ̀ siĩ sii ka kũ ǹ mɛn pinaa, ká pɛ mà ka n die siĩ soɛ̃, ka á boe la ka sɔ̃ a ka bɔ.

Timəə dí-pɛn 12:22

Min mɛn bɛ́ gɔ̀dɛnaa lɛa, ǹ mɛn dɔ bɛ́ yoreen ne, ǹ tumaa á boe la ǹ bɛa siĩ lɛ sɔ̃, ka ǹ bɛ́ yuùn siĩ soɛ̃ lɔn.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:6

Sɛnɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka zɛnaa walan, wasamiɛ̃nɛ, wasa a yii sã biikoo li, a kɔnpɛ ka kaa soo Ezipti gána-n pinaa nɛ.

Timəə dí-pɛn 26:2

lɛ nɛ kaa Lawa, Dɛnaa Lawa ń die koe ka la, ka bɛ́ re màn mɛn tumaa a wuru boe a tán la, ka a tumaa a lɛ bibinaa kɔn kaa kɛsɛ nɛ, ka da nɛ bǎã kɛ nɛ kaa Lawa, Dɛnaa Lawa lɛ ń die boe, bɛ̀ a n din nyaa a nɛ.