Timəə dí-pɛn 12:14 - LAWA A BOO SONBORE

¹⁴ Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

LAWA A BOO SONBORE 2011

¹⁴ Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 12:14 ပူးပေါင်းရင်းမြစ်များ

Kiin1 12:27

Mà bɛ̀ zaman kɛ goã woe wúlu boe Lawa a kion miɛ̃, Zeruzalɛmu, mà ǹ dɛnaagiĩ Roboamu lɛ, Zudaa gána a kii lɛa, mà bɛ sii tá re wusii a wɔ ǹ foo ne, mà asɛ mɛn nə́ ke, mà ǹ tá re asɛ dii.

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

KZS1 22:1

Davida tɔ́n pɛ: «Dɛnaa Lawa a kion nə ke kánaa. Izirayeli a *wúlu bɔ ǹ bǎã n ka kɛ nɛ, *wúlu màn tã ǹ wɔ lɛa.»

Loen 5:7

Soɛ-bɔlen kɛn, n din nə bɛn nyin nyɛɛ. Min mɛn bɛ́ sii-durii zɛnɛɛ, á n gɛ̀ dii, bɛ sii goon ba Dɛnaa Lawa-a wa.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Lawa a wúlu-bɔlen 17:3

Bɛ̀ Izirayeli min lɛ mɛn tá dii dii, ta sère ne hinlaa bòe ne, á boe la a dɛ ǹ giã ǹ bǎã kɛ nɛ, hinlaa, ǹ giã ǹ bǎã lɛ kio dinin.

Lawa a wúlu-bɔlen 17:4

Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:13

Ka yiri bɔ ka dinin li, ka nyan kaa wúlu màn tã bǎã tumaa nɛ, yǎa a din bɛ́ bǎã lɛa ká yɛ wa.

Timəə dí-pɛn 12:15

Sɛnɛ, ka bɛ́ giã-n bǎã mɛn nɛ, bɛ̀ kaa Lawa, Dɛnaa Lawa lɛ gɔn màn kɔ ka la, bɛ̀ ka tá li, ka á boe la ka tɔɔ dɛ ka sɔ̃ walan. *Gɔ̀ bɛ́ min mɛn ganaa ka min mɛn bɛ́ *yoreene, ǹ tumaa á boe la ǹ sɔ̃, ka ǹ bɛ́ yuun siĩ soɛ̃ lɔn.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 15:20

Dɛnaa Lawa din bɛ́ re bǎã mɛn boe, lɛ̀ woo lɛ̀, ka die ka bɛn sɔ̃ walan kun ka kaa kion minin ni, kaa Lawa, Dɛnaa Lawa din yɔrɔ-a.

Timəə dí-pɛn 16:2

Ka bɛ́ re wúlu mànan mɛnɛn koe Dɛnaa Lawa la kiɛ̃mala ǹ zɔ́n lɛ wɔ lɛa, tɔɔ bisinin laanka a dadaran nɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka die ka bɛn dɛ walan.

Timəə dí-pɛn 17:8

Bɛ̀ sii mɛn a yɔrɔ bɔ ǹ gɔn tá kaka ka ganaa á la yii ni, gɛ̀-dɛ nɛ hinlaa kɔn-dɛ a mà bɔ kɔn ganaa nɛ, minin mɛ kɔn-a ǹ sii tumaa, bɛ̀ kaa kiwi a sii yɔrɔ-bɔlen ná a yɔrɔ bɔ ǹ nə́ fɔ̃ li, kaa Lawa, Dɛnaa Lawa lɛ bǎã mɛn bɔ á koa, ka yoo ka wo walan.

Timəə dí-pɛn 18:6

Bɛ̀ Levii tɔrɔ lɛ mɛn soo a kiwi, ta a din nə giã-n Izirayeli kiwi lɛ mɛn nɛ, bɛ̀ a tá a foo ne a wo bǎã kɛ nɛ Dɛnaa Lawa bɔ a din wɔ lɛa,

Timəə dí-pɛn 31:11

Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Zozoe 22:29

Wɔ bie wɔ́ wúlu bɔ ǹ bǎã kɛ dɔ wúlu màn tiɛ̃ a lɛa wa. Wɔ bie re Lawa gɔ ǹ wúlu laanka wúlu tɔrɔ kɔsɔn boe la wa. Wɔ bie wɔ́ dɔ wɔ́ n die n piɛ̃ ka Dɛnaa Lawa nɛ, wɔ n wusii n boe a kio wa. Bɛa taasiɛ ba wɔsɛn yiri-n duduu wa. Bɛ̀ á n bɔ Dɛnaa Lawa din a wúlu bɔ ǹ bǎã kɛ nɛ a giã ǹ bǎã sonbore kɛ yɔrɔ-a, wɔsɛn ba li wɔ wúlu bɔ bǎã kɔsɔ-n wa.

Zozoe 9:27

Sɛnɛ, bɛa pinaa kɛ lɛ nɛ, Dɛnaa Lawa din bɛ́ re bǎã mɛn boe, Zozoe nə́ ǹ koa zaman lɛ laanka Dɛnaa Lawa a *wúlu bɔ ǹ bǎã kɛa gɔn-yulin laanka a mu-silin lɛa walan. Haalɛ tɔn pelo, ǹ tɔrɔn man tɔn bɛa dí kɛ lɛ nyɛɛ.