Timəə dí-pɛn 12:12 - LAWA A BOO SONBORE

¹² Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

LAWA A BOO SONBORE 2011

¹² Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:12 ပူးပေါင်းရင်းမြစ်များ

Kiin1 8:66

A lɛawaa kiwisibaa ǹ wɔ pinaa, Salomɔn nə́ n gɔn bɔ zaman lɛ ganaa ǹ nə́ woo piɛ. Ǹ nə́ fòo da kii lɛ nɛ, ǹ nə́ tɔ́n woo ǹ giã ǹ bǎãn nɛ, ǹ foo n kɔɔ̃nɛ, a giala Dɛnaa Lawa bǐɛ̃ zɛnaa a dí-nyali Davida nɛ, ka a zaman Izirayeli minin ni.

KZS2 29:36

Ezekiasi ni ka Izirayeli tɔrɔn lɛn tumaa foo kɔɔ̃n kɔ á la yii ni, Lawa a zɛnaa ǹ sii taman yii zaman lɛ nɛ, a giala ǹ tumaa nə́ n zɛnaa fufuu.

Nehemii 8:9

Min mɛnɛn nə goã sii lɛ yɔrɔ nyɛɛ zaman lɛ nɛ, pàãdɛnaa Nehemii lɛ nɛ, Lawa a wúlu-bɔle Ɛsidrasi landa sii-daraali lɛ nɛ, ka Levii tɔrɔn lɛn nɛ, bɛn nə́ pɛ zaman lɛ tumaa nɛ: «Pelo a lɛawaa kɛ ná á n kɔ ka Lawa, Dɛnaa Lawa lɛ la. Ka foo baran goã ziziɛ̃ nɛ ka gɛ̀ na á gã ǹ la wa, ka baran wuu pɛ wa.» A giala zaman lɛ tumaa na á goã wuu pii bɛ̀ ǹ bɛ́ dí-pɛn sɛ́wɔ lɛ a boon miɛ.

Loen 147:1

Aleluya, ka Dɛnaa Lawa tɔ bɔ! Wɔ wɔa Lawa tɔ bɔ ka loe ne, bɛ lɛ n siĩni. Wɔ a tɔ bɔ ǹ loe lɔ sɔnbɔraanɛ, bɛ lɛ n kɔɔ̃nɛ.

Lawa a wúlu-bɔlen 23:40

A lɛawaa bibinaa pinaa, ka da nɛ sonboren goa ka gɔn, sèwo luu ni, da gùrùn ni, luu nə́ ǹ ganaa ka kɛkɛ, ka tà lɛ-a ǹ dan kɛn gùrùn ni. Ka n nyɛnyɛɛ Dɛnaa Lawa, kaa Lawa lɛ yɔrɔ-a, yǎa lɛawaa sɔbaa.

Minin nimi 18:20

Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

Minin nimi 18:26

«A pɛ Levii a tanlɛ minin lɛn manɛ: Ma bɛ́ gɔn màn a fùbaa ǹ wɔ mɛn lɛ koe ka la kaa wɔ gii lɛa, bɛ̀ Izirayeli minin lɛn nə́ daa bɛ kɔ ka la, ka dɔn nə wusoo ka bɛa gɔn màn a fùbaa ǹ wɔ kɛ lɛ a fù baa ǹ wɔ bɔ ka kɔ masɛ la.

Zaã a sɛ́wɔ 13:8

Piɛrɛ tɔ́n pɛ nɛ: «Boɛɛ wa! N ba masɛ gòãn pii wa!» Yezu mà Piɛrɛ ganaa: «Bɛ̀ man gòãn pii wa, n màn kɔ́n gii ba kun ka masɛ-n doo wa.»

Nya ǹ dín 8:21

Màn mɛn bɛ́ n zɛnɛɛ kànaa, n wɔ gii kɔ́n ba bɛ-n wa, a giala n foo a tele-n Lawa yɔrɔ-a wa.

Timəə dí-pɛn 10:9

Bɛ lɛ na á toa, Levii tɔrɔn lɛn nə bǎã yɛ ǹ wɔ lɛa ǹ dɔɔ̃nɔn bii wa. Ǹ wɔ gii na á goã ka Dɛnaa Lawa a dí kɛ nɛ, ka kaa Lawa, Dɛnaa Lawa din bɛ́ á pɛ ǹ nɛ lɔn.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:19

A ka toa kaa tán la, ka yiri bɔ, ka nyan toa ka yiri bɔ ka Levii tɔrɔn kɛn nɛ wa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 14:29

Levii tɔrɔn kɛn, bǎã ná a banban ǹ wɔ lɛa ka bii wa, bɛn tá re die bɛa màn-bii lɛ kɔn siɛ, kɔnlɛ ka gùlin ni, nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n kaa kiwin ni. Ǹ tumaa á die màn bii ǹ kã. Bɛ̀ á n baa miɛ̃, kaa Lawa, Dɛnaa Lawa á die barka diɛ ka ganaa, ka a nya ǹ dí tumaa gɔ́ɔ̃ nɛ.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 16:14

Ka kaa zɔ́n lɛ zɛnaa ka nyɛnyɛɛ nɛ, ka dinin laanka kaa nɛnyaanan nɛ, kaa bɛ̀rɛgiĩn laanka kaa bɛ̀rɛlɔn nɛ, Levii tɔrɔn kɛn nɛ, gùlin ni, ka nɛ-toenən laanka lɔ giɔɔrɔn nɛ, ǹ mɛnɛn bɛ́ giã-n ka bii.

Timəə dí-pɛn 18:6

Bɛ̀ Levii tɔrɔ lɛ mɛn soo a kiwi, ta a din nə giã-n Izirayeli kiwi lɛ mɛn nɛ, bɛ̀ a tá a foo ne a wo bǎã kɛ nɛ Dɛnaa Lawa bɔ a din wɔ lɛa,

Timəə dí-pɛn 26:11

Kaa Lawa, Dɛnaa Lawa bǐɛ̃ mɛn tumaa baa ka la, ka dinin laanka kaa kion minin ni, ka bɛa nyɛnyɛɛ wɔ kun ka *Levii tɔrɔn laanka gùlin kɛn nɛ, ǹ mɛnɛn lɛn bɛ́ giã-n ka bii.

Timəə dí-pɛn 26:12

Lɛ̀ sɔɔ woo lɛ̀ sɔɔ, ka màn mɛn yɛ kaa tán-kɔsiɛ gɔ́ɔ̃ nɛ, ka a fùbaa ǹ wɔ tumaa bɔ. Bɛ̀ ká bɔ, ka kɔ Levii tɔrɔn kɛn la, gùlin ni, nɛ toenən ne ka lɔ giɔɔrɔn nɛ, màn mɛn bɛ́ toɛ, ǹ dɔn nə màn bii ǹ dinin bǎã nɛ ǹ kã.

Timəə dí-pɛn 27:7

Ka die ka barka da Lawa nɛ ǹ wúlu bɔ walan, ka bii ka nyɛnyɛɛ nɛ, kaa Lawa, Dɛnaa Lawa din yɔrɔ-a.

Zozoe 13:14

A na a bǎã kɔ Levii tɔrɔ minin kɛn dininsɔɔ̃nɔn la kíɛ̃ lɛa wa. A giala, Dɛnaa Lawa, Izirayeli minin Lawa a wúlu mànan kɛn ǹ nə́ goã ǹ tiɛ̃, ǹ wɔ gii na á goã ka bɛ nɛ, ka a din bɛ́ á goã á pɛ ǹ nɛ lɔn.

Zozoe 13:33

Sɛnɛ, Muizu bǎã kɔ *Levii tɔrɔn kɛn la kíɛ̃ lɛa wa. Dɛnaa, Izirayeli minin Lawa lɛ na á goã ǹ wɔ gii lɛa, ka a din bɛ́ á goã á pɛ ǹ nɛ lɔn.

Zozoe 14:4

Sonbore, Zozɛfu a nɛgiĩn lɛn man nə́ tɔrɔ màn paa baa: Manaasee laanka Efrayimu ni. Levii tɔrɔn lɛn sɛn, ǹ bǎã kɔ bɛn la gána lɛ-n wa. Bɛ̀ á n bɔ giã ǹ kiwin laanka lɛkoro lɛ-a bǎãn nɛ, ǹ tɔɔn laanka ǹ gɔn màn gialakunun wɔ lɛa.