Timəə dí-pɛn 11:17 - LAWA A BOO SONBORE

¹⁷ Bɛ̀ ká bɛ zɛnaa, Dɛnaa Lawa foo n die yui ka li. A n die lɛ̀ gere koe, la ná a kiɛ doo tán nə́ bǐɛ̃ koe wa. Ka n nɔmiɛ̃ ka papaã ka n bɔ gána kɛ lɛ n fufuu, Dɛnaa Lawa n die koe ka la.

LAWA A BOO SONBORE 2011

¹⁷ Bɛ̀ ká bɛ zɛnaa, Dɛnaa Lawa foo n die yui ka li. A n die lɛ̀ gere koe, la ná a kiɛ doo tán nə́ bǐɛ̃ koe wa. Ka n nɔmiɛ̃ ka papaã ka n bɔ gána kɛ lɛ n fufuu, Dɛnaa Lawa n die koe ka la.

Timəə dí-pɛn 11:17 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 8:35

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ n din a nɔmaa da ǹ mìi-n taman yii,

KZS2 6:26

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ, n din a nɔmaa da ǹ mìi-n taman yii,

KZS2 7:13

Kɔntan, ǹ kɔn pinaa má a re lɛ̀ gere koe, la ná a ba kiɛ doo wa. Ma á boe la ma zii kɔ bisinin la máa ǹ kaa gána a tán kɔsiɛ̃ màn tumaa sɔ̃ lenlen, hinlaa doo ma piɛ̃ busu dia maa zaman la.

Zɔbu 12:15

Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

Lawa a wúlu-bɔlen 26:19

Pàã mɛn lɛ á ke toɛ ka a n dinin koɛ, masɛ á die bɛa pàã kɛ lɛ nyɛɛ. Ma á re lon laɛ ka ganaa ka fɔlɔ bɛ́ lɔn, ma tán laa ka ganaa ka zan bɛ́ lɔn.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Timəə dí-pɛn 31:20

Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.

Timəə dí-pɛn 4:26

Bɛ̀ ká bɛ zɛnaa, man pii ka-n foaã pelo, lon laanka tán dɔ din nə maa siére lɛa: ka bɛ́ re Zurdɛ̃ tà kuri, ka wo gána mɛn lɛ si, ka baa kaa wɔ lɛa, ka á re papaɛ̃ ka n bɔ a-n bǎã goon. Ka a re giɛ̃ a-n ka belebɔ wa. A giala, Lawa á die ka lui lenlen, a ka bɔ a nɛ.

Timəə dí-pɛn 6:15

A giala, kaa Lawa, Dɛnaa Lawa mɛn lɛ á ke ka bii ke, a lɛ koe lawa kɔsɔ-a wa. A bɛ́ miɛ̃, ka ka dinin kũ, ka baran a foo yoo ǹ sii zɛnaa wa. A giala, á boe la a ka dɛ, a ka bɔ kanaa.

Timəə dí-pɛn 9:19

Nyɛ́ɛ masɛ din kũ a foo-yoo lɛ gɔ́ɔ̃ nɛ. A giala, a foo yoo ka li á dɔ bǎã mɛn nɛ, a na á baa re ka dii a ka nya. Sɛnɛ, á wusoo á maa nyankɔ si ka bɛ lɛ dɔ-n doo.