Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timəə dí-pɛn 11:16 - LAWA A BOO SONBORE

16 Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

အခန်းကိုကြည့်ပါ။ ကော်ပီ

LAWA A BOO SONBORE 2011

16 Ka n dinin kũ, ka nyan toa kaa taasiɛ nə n bɔyaa, ka wusoo ka wo kaa tán lawa kɔsɔn giulun, ka mà ka n bɛn guguru koe wa.

အခန်းကိုကြည့်ပါ။ ကော်ပီ




Timəə dí-pɛn 11:16
29 ပူးပေါင်းရင်းမြစ်များ  

Ta lon lɛ na á n tã, la ná a ba kiɛ wa, n zaman lɛ a bɔlɔ-tii taman yii, bɛ̀ ǹ nə́ n yɔrɔ dia bɛa kion bǎã kɛ lɛ la, ǹ nə́ n tɔ guguru kɔ, ǹ nə́ ǹ gɔ́ɔ̃ dɔn bii ka ǹ sii baraan nɛ n din a nɔmaa da ǹ mìi-n taman yii,


ma bin nə n saa bɛ li, má sii kɔn taasɛ ma foo-n ka durii-n wa, ma bin nə ǹ guguru kɔ wa.


Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»


Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,


Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»


Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.


Bɛ̀ ǹ nə́ papaã ǹ nə́ n bɔ ka nyɛɛnɛ, kasɛn nə yiri bɔ ka dinin li taãn-taãnɛ, ka nyan toa ka n saa ǹ li wa. Ka yii baran bɔ bɛa tɔrɔn kɛn lɛn dìn li wa. Ǹ goã ǹ dìn guguru koe lɔn, ka nyan pɛ mà ka n nɔ̀n diɛ ka bɛ-n wa. Ka nyan pɛ mà ka nə ǹ wɔ kɛ tɔrɔ zɛnɛɛ wa.


Bɛa kaãbaa ǹ sii lɛ á boe la a n zɛnaa, ka a bɛ́ á pɛ lɔn. Sɛnɛ, bɛ̀ ǹ dɛnaa pɛ ka nɛ mà ka daa ka kɔ lawa kɔsɔn kio lɛ ka bɛn guguru kɔ, lawan mɛnɛn dinin nə́ ke ka a ǹ doɛ̃ wa,


Ǹ dɛnaa á die woe lawa kɔsɔn guguru koe a kaa tán bɛn giulun, á re kiɛ tán wasa din giulun, mui ni ka lon gɔ́ɔ̃ nɛ ǹ mànan tumaa nɛ. A da yaa, ma bɛ pɛ ka-n wa.


Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.


Min kɔn nyan toa a yɛ ka bii giĩ lɛa hinlaa lɔ lɛa, tanlɛ lɛa hinlaa tɔrɔ lɛa, bɛ ń wusii n boe wɔa Lawa, Dɛnaa Lawa kio pelo, mà asɛ n woe bɛa tɔrɔn kɛn lɛn dìn guguru koe wa. Min kɔn dɔ nyan toa a yɛ ka bii, a n baa ka da gòon bɛ́ lɔn, sèwò kɔɔsɛ koe wa.


Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.


Sɛnɛ, bɛ̀ kaa taasiɛ nə́ n bɔyaa, bɛ̀ ka n too kɔ wa, bɛ̀ ká toa minin nə́ ka kaa lawa kɔsɔn guguru kɔ ganaa, yǎa ka dí nya bɛn manɛ,


Sonbore, gána mɛn lɛ á ke bɔ̀nyaa laanka zoo nyɔɔ n baa sii a nɛ, man die woe ka zaman kɛ lɛ-n walan. Ma din ni má n lɛ kɔ ǹ digolon la, ka bɛa bǎã lɛ a sii ni. Ǹ tá re màn bii walan ǹ kã, ǹ kasã, sɛnɛ, maǹ die n bɔyɛɛ ǹ lawa kɔsɔn guguru kɔ. Maǹ die dí nyɛɛ bɛn lɛn manɛ, ǹ masɛ din puusə kɔ, ǹ maa lɛ kɔ kɔn la kɛ ziziɛ̃.


Ka yiri bɔ ka dinin li taãn-taãnɛ kəni, màn mɛn bɛ́ toɛ, kaa Lawa, Dɛnaa Lawa lɛ kɔ kɔn la mɛn doa kɔn ka nɛ, ka yiri nyan bɔ ka bɛ-n wa. Kaa Lawa, Dɛnaa Lawa ka kurəə mànan mɛnɛn nyin zɛnaa ganaa, ka nyan bɛ kɔn zɛnaa ka baa dì lɛa wa.


Sɛnɛ, ka n dinin kũ. Ka siin mɛnɛn yɛ ka yii ni, ka n yiri koa bɛn li taãn-taãnɛ, a ka yii toa koo, ka nyan toa ka yiri bɔ ǹ nɛ wa. Ka die ka kaa nɛnyaanan laanka kaa nɔ̀ɔnɔn daraa ǹ ganaa.


Máa ka baran lawa kɔsɔ guguru kɔ masɛ kio wa,


Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.


Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.


Bɛ lɛ na á toa, wɔ sonboren mɛnɛn ma, ka daa wɔ n gɔn paraa bɛn ganaa ka kaka, màn mɛn bɛ́ toɛ, wɔ baran wusoo wɔ papaã wa.


Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.


Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.


Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.


Maa nɛnyaanan lɛn, ka n dinin kũ dì mànan ganaa.


Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.


Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.


Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.


Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.


Ka baran ǹ paǹ kɔ wa. Bɛ̀ bie wa, ka ǹ die koe màn kokooron kio lɛ, mànan mɛnɛn bɛ́ ǹ ba sii kɔn bǐɛ̃ koe wa, ǹ nə́ ǹ ba min dɔ boe sii-n wa. A giala, maǹ màn kooroon lɛa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ