Kanna kəni, ka nyan nə n gòan dii ka kaa díin wɔ bɛ́ lɔn wa, ka n dinin kɔ Dɛnaa Lawa la, ka wusoo ka da Lawa a kion kɛ nɛ, á bɔ á koa a din wɔ lɛa duduu. Ka Dɛnaa Lawa kaa Lawa guguru kɔ, màn mɛn bɛ́ toɛ a na a foo-yoo baraa kɛ saa a bɔ ka la.
Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.
Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.
Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.
A giala, masɛ Muizu tá kaa piã laanka ka too kakabaa doɛ̃. Á ke le! Pelo dinin, a ma toa ma yii n koo man tɔn kun ka nɛ bɔrɔ, kaa ke n gòãn dii Dɛnaa Lawa ganaa. Bɛ̀ ma gã, ka tɔn nə n baa lɔn?
Ka dɔ̃ mà kaa peperebaa a lɛa bie re toɛ, kaa Lawa, Dɛnaa Lawa gána sonbore kɛ lɛ kɔ ka la, ka si ka baa kaa wɔ lɛa wa. A giala, ka n tɔrɔ too kaka-a lɛa.
Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.