Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timəə dí-pɛn 10:14 - LAWA A BOO SONBORE

14 Ka ga le, lon laanka a golebaa tumaa nɛ, tán laanka a gɔ́ɔ̃gɔ́ɔ̃ ǹ mànan tumaa nɛ, kaa Lawa, Dɛnaa Lawa lɛ wɔn manɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

14 Ka ga le, lon laanka a golebaa tumaa nɛ, tán laanka a gɔ́ɔ̃gɔ́ɔ̃ ǹ mànan tumaa nɛ, kaa Lawa, Dɛnaa Lawa lɛ wɔn manɛ.

အခန်းကိုကြည့်ပါ။ ကော်ပီ




Timəə dí-pɛn 10:14
21 ပူးပေါင်းရင်းမြစ်များ  

Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu.


Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.


Lawa á die boe la sonbore a tán baa a giã bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!


Lawa á die boe la sonbore a tán baa a giã ǹ bǎã lɛa? Lon lɛ din laanka a golebaa nɛ, bɛ ba a giã ǹ bǎã boe wa, n tɔn kion kɛ pɛ má dɔ!


N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.


Tɛ-buə̃ n soe a lɛ-n, tɛ-pupurii n soe a nɛ.


Lon nə Dɛnaa Lawa wɔ lɛa. Sɛnɛ, tán ke, a na á bɛ kɔ minbuiin nɛn la.


Kasɛn mɛnɛn bɛ́ lon sɔɔsɔɔ, ka loe lɔ ka a tɔ bɔ. Mun mɛnɛn bɛ́ labaran lalan, ka dɔn nə loe lɔ ka a tɔ bɔ.


Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.


Ta bòo n ma ganaa, ma a pii n ni wa, a giala, kanaa laanka a gɔ́ɔ̃gɔ́ɔ̃ ǹ màn tumaa n masɛ wɔ lɛa.


Kanaa a gánan lɛn, ka loe lɔ Lawa nɛ, ka Dɛnaa guguru kɔ. Doa


Kanna kəni, bɛ̀ ka tá n too koe ma lon, ka n masɛ a lɛ kɔ kɔn la lɛ tamaɛ, ka á re goɛ̃ ma din wɔn lɛa, ka n masɛ a wúlu-bɔle zaman lɛa. Kanaa din tumaa n masɛ wɔ lɛa. Sɛnɛ, tɔrɔ mɛn bɛ́ ma din wɔ lɛa á la yii ni, ka dinin man bɛa tɔrɔ kɛ lɛ a minin lɛa tɔrɔn tumaa bii.» Bɛa boon kɛn lɛn pɛ Izirayeli nɛnyaanan lɛn manɛ.


Muizu pɛ nɛ: «Bɛ̀ ma soo kiwi lɛ lɛ-a lɔn gɔrɔ, ma á re n gɔnɔn goɛ lon, ma gòã-kũ da Dɛnaa ganaa. La a paraa lɛ á re golee, la gii a re kiɛ doo wa, màn mɛn bɛ́ toɛ, n dɔ̃ mà tán kɛ lɛ n Dɛnaa wɔ lɛa.


Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.


Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.


A giala, a n kiɛ̃ nɛ: «Tán nɛ, ka màn mɛn tumaa bɛ́ la, bɛ din tumaa n Dɛnaa wɔ lɛa.»


Sɛnɛ, bɛ̀ min pɛ ka nɛ mà wúlu bɔ ǹ siĩ ni, a pɛman wole lɛ laanka a gɔ́ɔ̃gɔ́ɔ̃ ǹ taasiɛ a lɛa, ka nyan sɔ̃ wa.


A lɛ̀ fulusii n ke, má min goon dɔ̃, a n *Krita a min lɛa, a n sii-nyaa lɛa hinlaa, a n taãn lɛa hinlaa, ma a bɛ doɛ̃ wa, sɛnɛ, Lawa dinsɔɔ̃ n doɛ̃. Ǹ nə́ bɛa giĩ lɛ saa ǹ nə́ woo ne, yǎa lon gɔ́ɔ̃ giala-nyɔmɔɔ nɛ.


Ka Dɛnaa Lawa a gɔn waa ǹ boon laanka a landa boon kɛn tamaa, ma bɛ́ ǹ mɛnɛn lɛn koe ka la pelo, ka dinin bǐɛ̃ a lɛa.


Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ