Timəə dí-pɛn 10:12 - LAWA A BOO SONBORE

¹² Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

LAWA A BOO SONBORE 2011

¹² Sisia kəni Izirayeli minin lɛn, kaa Lawa, Dɛnaa Lawa n giɛ li, mà ka wàa zɛnaa? Bɛ̀ á n bɔ ka nyɛ́ɛ baa nɛ, ka kɔ a foo sii tumaa lɛ, ka narɛ, ka dí nya nɛ ka ka foo tumaa nɛ, ka ka gɔ́ɔ̃ tumaa nɛ.

Timəə dí-pɛn 10:12 ပူးပေါင်းရင်းမြစ်များ

Kiin1 3:3

Salomɔn goã Dɛnaa Lawa narɛ. Bɛ lɛ na á toa, ǹ di Davida landa boon mɛnɛn pɛ nɛ, á goã koe bɛn lɛ. Sɛnɛ, a dɔ na á goã tɔn wúlu boe, tɔn da yon gìĩ kɔɔ̃n tiɛ̃ bɛa wúlu bɔ ǹ bǎãn lɛn dininsɔɔ̃nɔn nɛ.

Kiin2 10:31

Sɛnɛ, Zewu nə n din tamaa á Izirayeli a Lawa, Dɛnaa Lawa lɛ a dí-pɛ zii tɔ wɔ ka a foo din tumaa-n wa. Zeroboamu goã á Izirayeli minin kaa sii baraan mɛnɛn zɛnaa ganaa, Zewu nə n bɔ bɛn wɔlɔ li wa.

Kiin2 18:3

Sii mɛn bɛ́ pepere Dɛnaa Lawa yii li, á bɛ zɛnaa ka ǹ digolo Davida wɔ bɛ́ lɔn ka te!

Kiin2 18:6

A na á goã naa-n Dɛnaa Lawa ganaa, a goã n niɛ̃ a ganaa wa. Dɛnaa Lawa goã á n gɔn waa Muizu ni ka boon mɛnɛn nɛ, Ezekiasi lɛ bɛn tamaa.

KZS2 15:12

Ǹ tumaa lɛ kɔ kɔn la wɔ ka Dɛnaa Lawa nɛ, mà ǹsɛn tá re giɛ ǹ digolon Lawa lɛ li ka ǹ foo tumaa nɛ, ka ǹ yiri tumaa nɛ.

Zɔbu 36:11

Bɛ̀ ǹ nə́ n too kɔ ǹ nə́ n dinin doroo, ǹ tá re ǹ lɛawaan giala nyɔmiɛ̃ yii-nyɛɛ gɔ́ɔ̃ nɛ, ǹ tá re n lɛ̀n giala nyɔmiɛ̃ nyɛnyɛɛ gɔ́ɔ̃ nɛ.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 128:1

Wo Zeruzalɛmu loe. Min mɛnɛn tumaa bɛ́ nyɛ́ɛ biɛ Dɛnaa Lawa nɛ, ǹ nə́ koe a zii lɛ, Lawa á re barka diɛ bɛn ganaa.

Loen 145:20

Min mɛn tumaa bɛ́ Dɛnaa Lawa narɛ, á re bɛn tamaɛ. Sɛnɛ, á re min baraan kɛn tumaa bɔ̀n biɛ.

Loen 18:1

LOE-saalin goledɛnaa loe mɛn lɔ. Dɛnaa Lawa a dí-nyali Davida a loe ne. Dɛnaa Lawa bɛ́ á Davida si a zɔ́ɔn la, á ná a kanbaa kii Sayulu ganaa, bɛ lɛ nɛ á loe kɛ lɛ lɔ, á Dɛnaa Lawa tɔ bɔ nɛ.

Loen 34:9

Ka Dɛnaa Lawa a bǐɛ̃baa kɛ nɛn da, ka ga a ganaa. Min mɛn bɛ́ kiɛ a yele, bɛa dɛnaa wɔ na á bǐɛ̃ kɔ.

Loen 81:13

Bɛ lɛ nɛ, ma ǹ toa walan, ǹ baãnaabaa ǹ too kakabaa gɔ́ɔ̃ nɛ. Haya, ǹ kɔ ǹ dinin dùũ lɛ kəni.

Loen 81:14

E, bɛ̀ maa zaman kɛ na á goã n too koe ma lon, bɛ̀ Izirayeli na á goã koe maa ziin lɛ,

Bɔ bɛ̀rɛbaa nɛ 23:25

Bɛ̀ ka dí nya kaa Dɛnaa Lawa dinsɔɔ̃ nɛ, ma din kɛ lɛ, ma á re barka we kaa màn-bii ni ka kaa mu ni. Ma á re ka kanbiɛ busu ganaa.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Matiə 22:37

Yezu tɔ́n pɛ nɛ: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ.»

Luku 10:27

Giĩ lɛ Yezu lɛ si mà a n kiɛ̃-n kɛnɛn: «N Dɛnaa Lawa narɛ ka n foo din tumaa nɛ, ka n gɔ́ɔ̃ din tumaa nɛ, ka n pàã din tumaa nɛ ka n taasiɛ din tumaa nɛ, n nə n miã kɔsɔ dɔ narɛ ka n bɛ́ n din narɛ lɔn.»

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Timəə dí-pɛn 10:11

A na á pɛ ma-n kɛnɛn: «Yoo, mɛ zaman lɛ nyɛɛnɛ. Masɛ nə n liɛ ǹ digolon ne ka gána mɛn a sii ni, má maa á re koe ǹ la, ǹ wo kaa bɛa gána lɛ nɛ, ǹ si ǹ baa ǹ wɔ lɛa.»

Timəə dí-pɛn 10:13

Ka Dɛnaa Lawa a gɔn waa ǹ boon laanka a landa boon kɛn tamaa, ma bɛ́ ǹ mɛnɛn lɛn koe ka la pelo, ka dinin bǐɛ̃ a lɛa.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timəə dí-pɛn 11:13

Ma bɛ́ gɔn waa ǹ boon mɛnɛn koe ka la pelo, bɛ̀ ka n too kɔ bɛn li doɛ̃ sɛn, ká kaa Lawa, Dɛnaa Lawa narɛ ká dí nya nɛ ka ka foo tumaa nɛ, ka ka gɔ́ɔ̃ tumaa nɛ,

Timəə dí-pɛn 26:16

Pelo, kaa Lawa, Dɛnaa Lawa nə n gɔn wɛɛ ka nɛ, mà ka kɔ asɛ a landa boon laanka asɛ a sii yɔrɔ bɔ ǹ boon kɛn lɛ. Mà ka ǹ tamaa ka kɔ ǹ lɛ, ka ka foo tumaa nɛ, ka kaa taasiɛ tumaa nɛ.

Timəə dí-pɛn 27:10

Bɛ lɛ taman yii, ka kaa Lawa, Dɛnaa Lawa lɛ bɔlɔ si. Ma bɛ́ gɔn waa ǹ boon laanka landa boon mɛnɛn pii ka nɛ pelo, ka kɔ bɛn lɛ.»

Timəə dí-pɛn 30:16

Ma bɛ́ n gɔn wɛɛ ka-n ka sii mɛn nɛ pelo, man máa ka kaa Lawa, Dɛnaa Lawa lɛ narɛ, ka kɔ a zii lɛ, ka a gɔn waa ǹ boon kɛn tamaa, ka a landa boon laanka a sii yɔrɔ bɔ ǹ boon kɛn nɛ. Bɛ á re toɛ ka yii goã koo, ka boo la ka mɔnaa. Ka bɛ́ re we gána mɛn nɛ ka si ka baa kaa wɔ lɛa, kaa Lawa, Dɛnaa Lawa lɛ á re barka dɔ diɛ ka ganaa walan.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 4:29

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Timəə dí-pɛn 5:33

Kaa Lawa, Dɛnaa Lawa màn mɛn tumaa pɛ ka nɛ á laa, ka kɔ bɛ lɛ pepere, màn mɛn bɛ́ toɛ, ka yii goã koo, kaa wɔ boo la a bǐɛ̃ kɔ, ka nyin sasa yɛ gána kɛ nɛ, ká n die sii ka baa kaa wɔ lɛa.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Timəə dí-pɛn 6:2

Màn mɛn bɛ́ toɛ dɔn, ka nyɛ́ɛ baa, kaa Lawa, Dɛnaa Lawa yii ni, ka dinin ni, kaa nɛnyaanan nɛ, ka kaa nɔ̀ɔnɔn nɛ. Ma bɛ́ maa landa boon laanka maa gɔn waa ǹ boon mɛnɛn tumaa koe ka la, kaa yiikoonaabaa tumaa gɔ́ɔ̃ nɛ, ka bɛn tamaa, màn mɛn bɛ́ toɛ, ka nyin sasa yɛ.

Timəə dí-pɛn 6:24

Dɛnaa Lawa na á pɛ wɔ nɛ mà wɔ kɔ a landa boon kɛn tumaa lɛ. Bɛ̀ wɔ tá li wɔa wɔ bǐɛ̃ kɔ baraabaraa, wɔ goã wɔ yii n koo, ka wɔ á ke lɔn pelo, yǎa wɔ nyɛ́ɛ biɛ wɔa Lawa, Dɛnaa Lawa lɛ yii ni.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Zozoe 22:5

Sɛnɛ, Dɛnaa Lawa lɛ, kaa Lawa lɛa, bɛa dí-nyali Muizu lɛ dí mɛn tumaa pɛ ka nɛ landa gɔ́ɔ̃ nɛ, ka n yiri koa bɛ li taãn-taãnɛ, ka kɔ lɛ. Dɛnaa Lawa lɛ, ka Lawa lɛa, ka bɛ lɛ narɛ, ka a foo sii zɛnaa, ka kɔ a dí-pɛn lɛ, ka n naa a din lɛ ganaa. Ka n dinin kɔ, ka dí nya a din lɛ nɛ, ka ka foo tumaa nɛ.»

Zozoe 24:14

Zozoe tɔ́n pɛ Izirayeli minin lɛn manɛ kɛnɛn: «A bɛ́ miɛ̃, ka nyɛ́ɛ baa Dɛnaa Lawa nɛ, ka dí nya nɛ ka ka foo tumaa nɛ, ka bɔlɔgoondɛnaabaa nɛ. Ka digolon bɛ́ ǹ nə́ goã dìn mɛnɛn guguru koe Efrati tà kio, hinlaa Ezipti gána nɛ, ka bɛn goa ka ǹ bɔ ka li, ka dí nya Dɛnaa Lawa nɛ.

Zaã1 2:15

Ka nyan kanaa laanka a gɔn màn kɔ́n narɛ wa. Bɛ̀ min mɛn tá kanaa narɛ, Díi Lawa narɛɛ ba ǹ dɛnaa gɔ́ɔ̃-n wa.

Zaã1 5:5

Die n boe kanaa la? Min mɛn bɛ́ golee li, mà Lawa a Nɛgiĩ n ka Yezu ni, yǎa bɛ dinsɔɔ̃.

Samayeli1 12:20

Samayeli pɛ zaman lɛ nɛ: «Ka baran nyɛ́ɛ baa wa! A laanɛ ka dinin man ka sii baraa bɔbɔnɛɛ kɛ zɛnaa ke, ka baran n paǹ kɔ Dɛnaa Lawa-n wa. Sɛnɛ ka Dɛnaa Lawa guguru kɔ ka ka foo din tumaa nɛ.