Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Timəə dí-pɛn 1:8 - LAWA A BOO SONBORE

8 Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

အခန်းကိုကြည့်ပါ။ ကော်ပီ

LAWA A BOO SONBORE 2011

8 Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

အခန်းကိုကြည့်ပါ။ ကော်ပီ




Timəə dí-pɛn 1:8
39 ပူးပေါင်းရင်းမြစ်များ  

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.


N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»


Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:


Bòo bɛ́ ǹ ganaa, ń màn-bii bɔ lon ń kɔ ǹ la, mu boro bɛ́ ǹ ganaa, ń mu bɔ para nɛ ń kɔ ǹ la. N goã ń nə́ n liɛ mà nsɛ tá gána mɛn lɛ koe ǹ la, ń pɛ ǹ nɛ, mà ǹ bɛ si ǹ baa ǹ wɔ lɛa.


Kaa gána lɛ a golebaa n die boe Sawɛɛ tà kɛ ganaa, a wo Filisiti minin tà gole kɛ yaa, a bɔ Sinayii don kɛ dɔ ganaa, a wo Efrati tà kɛ yaa. Bɛ̀ masɛ gána lɛ a minin kɔ ka la ǹ mɛn waáraa, ka ǹ loo, ka ǹ bɔ ka nyɛɛnɛ,


Dɛnaa boo da Muizu ni, á pɛ: «N bɔ bǎã kɛ nɛ, n din laanka zaman kɛ lɛ, ń soo ǹ ne n nə ǹ bɔ Ezipti gána nɛ. Man liɛ má n lɛ kɔ Abrahamu la, Izaaki ni ka Zakɔba nɛ ka gána mɛn nɛ, má pɛ ǹ nɛ, máa ma á re koe ǹ nɛnyaanan la, ka bɛa zii kũ.


N goã n nə́ n lɛ kɔ wɔ digolon la ka gána mɛn nɛ, bɔ̀nyaa laanka zoo nyɔɔ n baa sii a nɛ, n bɛ kɔ ǹ la.


Gána lɛ á die kaa wɔ biɛ. Sɛnɛ, ka gii kɔn, ka tumaa wɔ goã goon. A giala, man má liɛ wɔ ka digolon manɛ, máa ma á re gána lɛ koe ǹ la. Sonbore, gána lɛ á re doe ka ganaa, a kaa wɔ baa.


«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.


Má pɛ dinin máa Dɛnaa Lawa, ka digolon Lawa lɛ die a kɛ miã kaa ka li doo gunyin duu goon, a barka da ka ganaa, ka a bɛ́ á n lɛ kɔ ka la lɔn.


«Min babaraan mɛnɛn nə soo Ezipti gána nɛ, ma n liɛ, máa ma á re gána sonbore mɛn lɛ koe ǹ digolon la, ǹ goon gòã ba re miɛ a-n wa,


A na á pɛ ma-n kɛnɛn: «Yoo, mɛ zaman lɛ nyɛɛnɛ. Masɛ nə n liɛ ǹ digolon ne ka gána mɛn a sii ni, má maa á re koe ǹ la, ǹ wo kaa bɛa gána lɛ nɛ, ǹ si ǹ baa ǹ wɔ lɛa.»


Ka gòã bɛ́ re miɛ bǎã mɛn tumaa nɛ, bɛ á re kaa wɔ biɛ. Ka gèlè n die siɛ diə gole kɛ laanka Liban gána ganaa, a wo Efrati tà kɛ yaa, a kiɛ̃ a wo yǎa Yìsi mu gole kɛ lɛ-a lɛ̀nyɛɛnɛ.


Dɛnaa Lawa nə n liɛ mà asɛ á re gána mɛn lɛ koe ka digolon laanka ǹ nɛnyaanan la, ka boo la dɔn ka nyin sasa yɛ walan, bɔ̀nyaa laanka zoo nyɔɔ bɛ baa sii gana mɛn nɛ.


Ezawu tɔrɔn mɛnɛn bɛ́ giã-n Seyiiri, ka Moabu minin kɛn nɛ giã-n Aara, bɛn nə lɛ kɔ wɔ la lɔn, ka dɔn nə lɛ kɔ wɔ la miɛ̃, yǎa wɔ Zurdɛ̃ tà kɛ kuri, wɔ woe doe gána kɛ nɛ, wɔa Lawa, Dɛnaa Lawa n koe wɔ la.»


Sisia kəni, n toa n bǎã sonbore kɛ-n lon, n barka da n din a minin Izirayeli tɔrɔn lɛn ganaa, ka tán kɛ dɔ nɛ ń kɔ wɔ la, bɔ̀nyaa laanka zoo nyɔɔ bɛ baa sii gana mɛn nɛ, a kɔnpɛ ka n lɛ-kɔ kɛ nɛ ń wɔ wɔ digolon manɛ.»


Lawa a wúlu-bɔle mɛn bɛ́ dí la bɛa pinaa kɛ lɛ nɛ, didie wo ka a wɔ nɛ bɛ li a pɛ nɛ: «N Lawa, Dɛnaa Lawa na á n lɛ kɔ wɔsɛn digolon la, mà á re gána lɛ koe wɔ la. Man pii n ni pelo, máa má dɔ bɛa gána lɛ nɛ.»


Dɛnaa Lawa nə n lɛ kɔ ka digolon la mà á re bǎã mɛn lɛ koe ka la, á re yii-nyɛɛ koe ka la bɛa gána lɛ nɛ: á re toɛ ka gɔ́ɔ̃gɔ́ɔ̃ ǹ nɛnyaanan nə mɔnaa taãn-taãnɛ, kaa tɔɔn nɛ, ka ka bɛ́ màn mɛn yii kaa tán dí gɔ́ɔ̃ nɛ.


A n giɛ li, a ka baa a din a minin lɛa pelo, a dinmaa nə n baa kaa Lawa lɛa, ka a bɛ́ á n lɛ kɔ ka la lɔn, ka a bɛ́ á n liɛ ka digolon man lɔn: Abrahamu ni, Izaaki ni ka Zakɔba nɛ.


Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.


Bɛ kio, Muizu lɛ dia Zozoe la, á pɛ nɛ Izirayeli minin lɛn tumaa yii ni: «N gù we yii, n nə n foo taã. A giala, Dɛnaa Lawa nə n liɛ zaman kɛ lɛ digolon ne mà asɛ á re gána mɛn lɛ koe ǹ la, n din Zozoe n die woe ka zaman kɛ lɛ-n walan. N din nə die bɛa gána kɛ lɛ gii ǹ bii.


Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»


Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.


Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,


Bɛ̀ ká n too kɔ bɛa sii yɔrɔ bɔ ǹ boon lɛn li, ká ǹ tamaa, ká kɔ ǹ lɛ, kaa Lawa, Dɛnaa Lawa lɛ kɔ kɔn la mɛn wɔ ka ka digolon ne, á re bɛ lɛ piɛ̃, a bǐɛ̃ zɛnaa ka nɛ.


Á re ka narɛ, a barka da ka ganaa, a toa ka mɔnaa. A n liɛ ka digolon ne, mà asɛ á re gána mɛn lɛ koe ka la, bɛ̀ ká dɔ walan, á re toɛ kaa nɛnyaanan nə mɔnaa, ka *belee gigiã yɛ, duvɛ̃ nɛ, ka nyɔɔ nɛ. Á re kaa diin mɔnɛɛ, kaa sèren ne ka kaa bòen ne.


A giala, Dɛnaa Lawa na á ka narɛ. A lɛ kɔ kɔn la mɛn wɔ ka ka digolon ne dɔn, á bɛ lɛ pã. Bɛ lɛ nɛ, Dɛnaa Lawa din ka si ka pàã nɛ. Á ka bɔ bɛ̀rɛbaa nɛ, á ka bɔ *Faarahɔn gɔn, Ezipti minin kii ke.


Ma bɛ́ gɔn waa ǹ boon mɛnɛn tumaa pii ka-n pelo ke, ka n yiri koa li, ka kɔ ǹ lɛ. Bɛ á re toɛ ka yii goã koo, ka mɔnaa, ka boo la ka wɔ gána kɛ nɛ, Dɛnaa Lawa nə́ n liɛ mà asɛ á re koe ka digolon la.


Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.


Lawa bɛ́ n lɛ koe Abrahamu la ǹ mɛn waáraa, min bɛ́ a banban, á n gole á la a din ni wa, a na á n liɛ ka a din ni.


Á pɛ: «Hiĩ, ma á re barka gigiã we n ne, ma á re n tɔrɔ mɔnɛɛ.»


N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.


Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ