Timəə dí-pɛn 1:44 - LAWA A BOO SONBORE

⁴⁴ Amɔɔrɔ tɔrɔn mɛnɛn bɛ́ kele yii lɛ nɛ, bɛn nə́ tɔ́n soo ǹ nə́ n da ka lɛ, ǹ nə́ kaa ka bii ka zoo nɛn bɛ́ lɔn, ǹ nə́ ka loo. Ǹ nə́ ka dɛ miɛ̃, a kũ Seyiiri kiwi ganaa, yǎa Ɔrmaa kiwi.

LAWA A BOO SONBORE 2011

⁴⁴ Amɔɔrɔ tɔrɔn mɛnɛn bɛ́ kele yii lɛ nɛ, bɛn nə́ tɔ́n soo ǹ nə́ n da ka lɛ, ǹ nə́ kaa ka bii ka zoo nɛn bɛ́ lɔn, ǹ nə́ ka loo. Ǹ nə́ ka dɛ miɛ̃, a kũ Seyiiri kiwi ganaa, yǎa Ɔrmaa kiwi.

Timəə dí-pɛn 1:44 ပူးပေါင်းရင်းမြစ်များ

Loen 118:12

Ǹ nə́ ma lɛnpɛnɛ ka zoo nɛn manɛ, sɛnɛ, ǹ nə́ papaã ka koɛɛ̃ ka làpaa tɛ nɛ. Ka Dɛnaa Lawa pàã nɛ, má boo ǹ la.

Izayii 7:18

Bɛa pinaa kɛ nɛ, Dɛnaa Lawa n die pìi pii, a nyuunun bíi Niili laanka tà a tɔ kɔnlɛ ǹ bǎã kɛ nɛ, ka zoon ne boe Asiirii gána nɛ.

Minin nimi 14:45

Amalɛki tɔrɔn laanka Kanaan minin mɛnɛn bɛ́ giã-n bɛa kele mìin lɛn nɛ, bɛn nə́ gisĩ, ǹ nə́ Izirayeli minin lɛn dɛ ǹ nə́ ǹ zɔzɔɔ, yǎa Ɔrmaa kiwi.

Minin nimi 21:3

Dɛnaa Lawa Izirayeli minin boo lɛ si, á Kanaan minin lɛn wɔ ǹ gɔn. Izirayeli minin lɛn nə́ ǹ dɛ lenlen, ǹ nə́ ǹ kiwin dɔn ziziɛ̃. Ǹ nə́ nɔmaa ǹ nə́ bɛa bǎã lɛ bii Ɔrmaa, bɛ giala mà "bɔ̀n".

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?

Zozoe 7:5

Ayii minin lɛn nə́ min pɔsɔɔwensɔrɔ kɛ miã dɛ ǹ bii. Ǹ nə́ gialakunun kɛn kaa ǹ nyɛɛnɛ ǹ nə́ ǹ loo, a saa kiwi lɛ a kiɛnlɛ ganaa, yǎa Sebarimu kiwi. Ǹ nə́ ǹ dɛ kele kɛa gisĩ ǹ bǎã nɛ. Zaman lɛ foo biɛ na, ǹ gɔ́ɔ̃ mu baa.