Timəə dí-pɛn 1:38 - LAWA A BOO SONBORE

³⁸ Sɛnɛ, Nunu a nɛgiĩ Zozoe ke n kiodɛnaa lɛa, bɛ á re we. Bɛ foo taã, a giala, a din lɛ n die gána lɛ koe Izirayeli minin lɛn la, ǹ kíɛ̃ lɛa.»

LAWA A BOO SONBORE 2011

³⁸ Sɛnɛ, Nunu a nɛgiĩ Zozoe ke n kiodɛnaa lɛa, bɛ á re we. Bɛ foo taã, a giala, a din lɛ n die gána lɛ koe Izirayeli minin lɛn la, ǹ kíɛ̃ lɛa.»

Timəə dí-pɛn 1:38 ပူးပေါင်းရင်းမြစ်များ

Bɔ bɛ̀rɛbaa nɛ 24:13

Á yoo, ka a kiodɛnaa Zozoe ne, ǹ nə́ dii Lawa a kele lɛ la.

Bɔ bɛ̀rɛbaa nɛ 33:11

Dɛnaa na á goã boo diɛ kɔn ka Muizu ni buə̃buə̃, ka minin bɛ́ boo diɛ kɔn nɛ lɔn. Bɛ kio, Muizu n wusii, a da giã ǹ bǎã lɛ nɛ, bɛ á zɛnɛɛ bɛ̀ a kiodɛnaa tɔntɔraa ke, Nuunu a nɛgiĩ lɛa, a tɔ n Zozoe, bɛ̀ bɛ sɛ tɔn soo, á n bɔ mɔnaa kion lɛ-n wa.

Suusun 22:29

Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Zeremii 40:10

Masɛ n giã-n Mispaa man ka bǎã siɛ Baabilonii minin yɔrɔ-a, kɛn die wɔ li. Sɛnɛ kasɛn, ka rezɛ̃ nɛ na, da nɛ nɛ, ka nyɔɔ nɛ. Ka kaa kaa-piɛ mànan tamaa, ka giã sɔnbɔraanɛ kaa kiwin kɛn nɛ ka ǹ si.»

Minin nimi 13:16

Muizu min mɛnɛn lɛn dia ǹ nə́ woo ga gána lɛ-a, bɛn tɔn lɛn man ke kɛnɛn. Muizu Zozoe baa wɔ Nunu a nɛgiĩ Hozee ganaa.

Minin nimi 13:8

Nunu a nɛgiĩ Hozee n Efrayimu tɔrɔn wɔ lɛa,

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Minin nimi 14:38

Min mɛnɛn nə goã ǹ nə́ woo ga gána lɛ ganaa, Nunu a nɛgiĩ Zozoe laanka Zefunee a nɛgiĩ Kalɛbu dinsɔɔ̃ yii na á goã koo ǹ bii.

Minin nimi 26:65

A giala, Dɛnaa Lawa na á goã á pɛ ǹsɛn wɔ paǹ li, mà maǹ die giɛ̃ diə gole kɛ nɛ, a giala yii li. Á ke Sonbore, ǹ min goon nə goã wa, bɛ̀ á n bɔ Yefune a nɛgiĩ Kalɛbu laanka Nunu a nɛgiĩ Zozoe ne.

Minin nimi 34:17

«Giĩn mɛnɛn bɛ́ re gána lɛ gii ǹ ni, bɛn tɔn nə́ ke: Lawa a wúlu-bɔle Eleyazaara nɛ, ka Nunu a nɛgiĩ Zozoe ne.

Timəə dí-pɛn 3:28

N gɔn waa Zozoe ne n na a gù we yii, n na a foo taã. A giala, n yii bɛ́ gána mɛn ganaa, Zozoe lɛ din nə die Zurdɛ̃ tà kuri ka zaman kɛ nɛ, a wo bɛa gána lɛ kɔ ǹ la.»

Timəə dí-pɛn 31:14

Bɛ kio, Dɛnaa Lawa tɔ́n pɛ Muizu ni: «N gɛ̀ lɛawaa diri. Lɛ dia Zozoe la, ka da kun, kɔn yɛ ka Lawa nɛ ǹ kion kɛ nɛ, man gɔn waa nɛ.» Muizu laanka Zozoe woo kɔn yɛ ǹ kion lɛ nɛ.

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Zozoe 1:1

Dɛnaa Lawa a dí-nyali Muizu a gɛ̀ kio, Dɛnaa Lawa boo da ka Muizu a dɔmalɛ wole, Nunu a nɛgiĩ Zozoe ne á pɛ nɛ:

Zozoe 11:23

Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

Samayeli1 16:22

Sayulu minin dia, mà ǹ wo pɛ Zesee-n kɛnɛn: «Bǐɛ̃ kɔ n Davida toa masɛ giulun a dí nya ma nɛ, a giala a tá kɔɔ̃nɛ ma ganaa.»