Timəə dí-pɛn 1:32 - LAWA A BOO SONBORE

³² Sɛnɛ a laanka bɛ nɛ, ka n foo doa kaa Lawa, Dɛnaa Lawa ganaa duduu wa.

LAWA A BOO SONBORE 2011

³² Sɛnɛ a laanka bɛ nɛ, ka n foo doa kaa Lawa, Dɛnaa Lawa ganaa duduu wa.

Timəə dí-pɛn 1:32 ပူးပေါင်းရင်းမြစ်များ

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Loen 106:24

Bɛ lɛ tumaa kio doo, ǹ nə́ n piã ka gána sonbore kɛ nɛ, Lawa kɔ ǹ la, ǹ golee a boo li wa.

Loen 78:22

A giala, ǹ nə n foo doa Lawa ganaa wa, ǹ waa la mà á re ǹsɛn kirisibiɛ wa.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 4:2

A giala, wɔ dɔn man wɔ́ Boo Tii Kɔɔ̃n lɛ ma, ka bɛa minin kɛn lɛn wɔ bɛ́ lɔn. Sɛnɛ, bɛa boo kɛ lɛ ǹ nə́ ma, a là goon yɛ ǹ ganaa wa, a giala, ǹ bɛ́ ǹ nə́ ma, ǹ lɛ kɔ a ganaa ka goleemali-n wa.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.