Timəə dí-pɛn 1:30 - LAWA A BOO SONBORE

³⁰ Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

LAWA A BOO SONBORE 2011

³⁰ Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 1:30 ပူးပေါင်းရင်းမြစ်များ

KZS2 32:8

A wɔ lɛ-n minbuiin nɛ pàã lɛa kun ni, sɛnɛ Dɛnaa Lawa, wɔa Lawa n kun ka wɔsɛn nɛ, a n die n doe wɔ lɛ, a zia baa kun ka wɔ nɛ.» Bɛa boon kɛn Zudaan kii Ezekiasi da, á zaman lɛ tumaa foo taã.

Nehemii 4:14

Ka bɛ́ re bɛn wuu miɛ boe bǎã mɛn li, ka da n sɔkɔn wɔ li walan. Wɔa Lawa lɛ á die zia diɛ wɔa lɛa!»

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Bɔ bɛ̀rɛbaa nɛ 10:21

Dɛnaa pɛ Muizu ni: «N gɔn saa lon, màn mɛn bɛ́ toɛ, wɔlɔ tii Ezipti gána lɛ paǹ tumaa nɛ. Wɔlɔ tii yǎa minin nə n gɔn talɛɛ.»

Bɔ bɛ̀rɛbaa nɛ 14:14

Dɛnaa din nə die kaa zia gii diɛ. Kasɛn nə giã ka kiĩni!»

Bɔ bɛ̀rɛbaa nɛ 14:25

Á ǹ wotoro gòãn guguru kɔ, ǹ da-baa-a kaka kɔ. Ezipti minin lɛn nə́ pɛ kɔn nɛ: «Ka daa wɔ wusoo, wɔ n bɔ Izirayeli nɛnyaanan lɛn kio. A giala, Dɛnaa Lawa din nə ǹ zia gii diɛ Ezipti ganaa!»

Bɔ bɛ̀rɛbaa nɛ 19:4

«Ǹ dinin nə́ sii kɛ lɛ yɛ ma zɛnaa Ezipti gána nɛ. Ka sia bɛ́ a nɛnyaanan guĩ lɔn, man má ka goa miɛ̃, má ka gũ, má daa dɔ ka nɛ ma din li.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Timəə dí-pɛn 1:29

Masɛ Muizu tɔ́n pɛ ka-n kɛnɛn: «Ka gɔ̀nɔn baran bìn da wa, ka baran nyɛ́ɛ baa ǹ nɛ wa.

Timəə dí-pɛn 11:3

ka a sii kakan mɛnɛn zɛnaa, á n din pàã nyaa nɛ. Á yoo Eziptin kii *Faarahɔn laanka a gána minin tumaa gialaa.

Timəə dí-pɛn 29:2

A nɔmaa dadaran mɛnɛn kaa ǹ mìi ni, a kaãbaa ǹ sii dadaran mɛnɛn zɛnaa, ka yii bɛ́ á yɛ.

Timəə dí-pɛn 3:22

Ka baran nyɛ́ɛ baa ǹ nɛ wa. A giala kaa Lawa, Dɛnaa Lawa lɛ, a din nə zia diɛ kaa lɛa.»

Timəə dí-pɛn 31:3

Kaa Lawa, Dɛnaa Lawa lɛ din nə die miɛ̃ ka nyɛɛnɛ. Tɔrɔ kɔsɔn mɛnɛn bɛ́ ka nyɛɛnɛ, a din nə die bɛn dii lenlen, ka tɔn nə ǹ bǎã si ka baa kaa wɔ lɛa. Sɛnɛ, Zozoe n die ka nyɛɛnaandɛnaa biɛ, ka Dɛnaa Lawa bɛ́ á pɛ lɔn.

Timəə dí-pɛn 34:11

Dɛnaa Lawa na á goã a ná a din lɛ dia mà a wo kaãbaa ǹ sii dadaran zɛnaa Ezipti gána nɛ, ǹ kii laanka a dí-nyalin tumaa yɔrɔ-a, ka a gána minin tumaa nɛ.

Timəə dí-pɛn 4:34

Lawa mɛn kɔsɔ na á ná a minin si ǹ zɔ́ɔn la lɛn zɔɔ̃, ka kaa wɔ kɛ bɛ́ lɔn? A na á fuu nya kaa zɔ́ɔn lɛn manɛ, á kaãbaa ǹ sii dadaran nya ǹ nɛ, á zia baa ǹ ganaa, á sii kakan zɛnaa á pàã nyaa ǹ nɛ, á nyɛ́ɛ da ǹ ganaa. Kaa Lawa, Dɛnaa Lawa na á bɛ lɛ tumaa zɛnaa kaa lɛa, Ezipti gána nɛ, ka dinin yii ni.

Timəə dí-pɛn 7:18

Ka baran nyɛ́ɛ baa ǹ nɛ wa. Dɛnaa Lawa sii mɛn zɛnaa Eziptin kii laanka a gána minin manɛ, ka n yiri kɔa bɛ li.

Zozoe 10:14

Dɛnaa Lawa minbuiin nɛ lɛ si bɛa pinaa lɛ nɛ. Bɛa lɛawaa lɛ miã tɔn yɛ wa. A yɛ lɛlɛ wa, a re yii a kio dɔ-n wa. A giala, Dɛnaa Lawa na á goã zia biɛ Izirayeli minin lɛn lɛa.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Zozoe 23:3

Dɛnaa Lawa lɛ, kaa Lawa lɛa, bɛ sii mɛn tumaa zɛnaa tɔrɔn kɔsɔn kɛn lɛn nɛ kaa lɛa, ka dininmaan bɛ́ ka a tumaa yɛ. A giala, Dɛnaa Lawa lɛ, kaa Lawa lɛa, a din na á yɔ bɔ kaa lɛa.