Timəə dí-pɛn 1:28 - LAWA A BOO SONBORE

²⁸ Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

LAWA A BOO SONBORE 2011

²⁸ Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Timəə dí-pɛn 1:28 ပူးပေါင်းရင်းမြစ်များ

Siin Giala 11:4

Ǹ nə́ tɔ́n pɛ kɔn nɛ doo: «Ka daa wɔ kiwi koa, wɔ sanabolo dɔ a nɛ, yǎa a mìi la doe Lawa ganaa! Ka daa wɔ n dinin tɔ bɔ, màn mɛn bɛ́ toɛ, wɔ baran sasawaa tán la bǎã tumaa nɛ, wɔ n bɔ kɔn ganaa wa.»

Bɔ bɛ̀rɛbaa nɛ 15:15

Nyɛ́ɛ á re Edɔmu a kiin kuĩ gɔrɔ. Moabu a goledɛnan dɔn gɔ̀nɔn tá re bìn diɛ gɔrɔ. Kanaan gána din a minin gù á re giɛ̃ gɔrɔ.

Izayii 13:7

Bɛ lɛ nɛ, min tumaa gù gã, ǹ foo ziziɛ̃.

Ezekieli 21:7

– Minbuiin a nɛ, n yɔrɔ dia Zeruzalɛmu la. Yoo ǹ wúlu bɔ ǹ bǎãn kɛn gialaa, n maa boo da Izirayeli gána ganaa.

Timəə dí-pɛn 1:29

Masɛ Muizu tɔ́n pɛ ka-n kɛnɛn: «Ka gɔ̀nɔn baran bìn da wa, ka baran nyɛ́ɛ baa ǹ nɛ wa.

Timəə dí-pɛn 2:10

Emimu tɔrɔn man nə́ goã gána lɛ-n lɛlɛ. Pàã goã ǹ lon, ǹ nə́ gigiã sɔsɔrɔ ka Anaaki tɔrɔn kɛn bɛ́ lɔn.

Timəə dí-pɛn 20:20

Sɛnɛ, ka dinin bɛ́ doɛ̃ mà da mɛn a nɛ ba n bii wa, ka bɛ kuru ka kakã. Kiwi mɛn lɛ á ke zia biɛ ka ganaa, ka ziabaa ǹ bǎãn zɛnaa ka bɛa gɔn lɛ nɛ ka a lɛnpɛnɛ nɛ, yǎa a kiɛ.

Timəə dí-pɛn 20:8

Zaman-lɛduə̃lin lɛn nə wusoo ǹ nɔ̀n da doo ǹ pɛ: «Min tá ka bii nyɛ́ɛ ná a ganaa, a foo n biɛ niɛ ya? Bɛa dɛnaa wusoo a wo piɛ, màn mɛn bɛ́ toɛ, a baran ǹ dɔɔ̃nɔn lɛn gù dɛ ka a din wɔ bɛ́ lɔn wa.»

Timəə dí-pɛn 7:17

Kɔntan ka á re taasɛ ka gɔ́ɔ̃ nɛ, mà tɔrɔn kɛn lɛn tá gigiã ǹ nə́ la kasɛn manɛ, mà kasɛn man siɛ lɔn, ka boo ǹ la, ka ǹ loo?

Zozoe 11:22

Anaaki tɔrɔ goã Izirayeli gána-n doo wa, yǎa Gaazaa kiwi ka Gaati laanka Asidɔdi kiwi ni.

Zozoe 14:8

Ma dɔɔ̃nɔn mɛnɛn nə goã ǹ nə́ woo kun ka ma nɛ, bɛn nə́ zaman lɛ foo biɛ na. Sɛnɛ, Dɛnaa Lawa lɛ, maa Lawa lɛa, masɛ n má goã koe bɛ lɛ ka ma foo tumaa nɛ.

Zozoe 15:14

Kalɛbu Anaaki tɔrɔn kɛn tanlɛ sɔɔ kɛa minin loo á ǹ bɔ walan: Sesayii a tanlɛ minin manɛ, Ayiman wɔn nɛ ka Talmayii wɔn nɛ. Bɛn man Anaaki tɔrɔn lɛa.

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Sii yɔrɔ-bɔlen 1:10

Bɛ kio doo, Kanaan minin mɛnɛn bɛ́ Ebrɔn, Zudaa minin lɛn nə́ woo bɛn gialaa. Lɛlɛ, maǹ nə́ goã Ebrɔn lɛ bíi mà Arabaa a kiwi. Ǹ nə́ Sesayii tanlɛ minin dɛ, ka Ayiman laanka Talmayii wɔn nɛ.

Sii yɔrɔ-bɔlen 1:20

Ǹ nə́ Ebrɔn kiwi kɔ Kalɛbu la ka Muizu goã á pɛ lɔn. Kalɛbu Anaaki a nɛgiĩ sɔɔ tɔrɔn kɛn loo, á ǹ bɔ walan.