Timəə dí-pɛn 1:17 - LAWA A BOO SONBORE

¹⁷ Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

LAWA A BOO SONBORE 2011

¹⁷ Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Timəə dí-pɛn 1:17 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Samayeli2 14:14

Minbuiin nɛ tumaa doamaa nɛ a gã sɛn. Bɛ̀ minbuiin nɛ dɔ́ gã, a n goon ka mu na á kaa tán, a ba n goɛ wa. Sɛnɛ, Abusalɔn wɔ kɛ bɛ́ a bie gɛ̀ lɛa wa. Á bɛ́ á min mɛn na á bɔ n ganaa, Lawa n giɛ li, bɛ nyan goã kanaa wa.

KZS2 19:5

Á kiri-kurulin bɔ á n koa Zudaa gána a kiwi tamaa wole din tumaa nɛ.

KZS2 19:6

Á pɛ ǹ nɛ: «Ka yiri bɔ kaa zɛnaa ǹ siin li. A giala, ka bie re kiri we ka minbuiin nɛ tɔ-n ma, sɛnɛ, ka Dɛnaa Lawa tɔ nɛ. Á re goɛ̃ kun ka nɛ kiri kurii waáraa.

Zɔbu 31:34

Ma bɛ́ má zɛnaa miɛ̃, man nyɛ́ɛ biɛ zaman lɛ wuu-n ya? Minin nə ma yii puusə kɔ, bɛ n nyɛ́ɛ diɛ ma ganaa ya? Bɛ bie toɛ ma á n lɛ tiɛ̃, má n giɛ̃ kion wa.

Loen 82:2

Ka n die kaa kiri kɔkɔrɔn kɛn we yǎa biĩ? Ká n sonbore pii koe zɛ̀rɛdɛnan la. *Doa

Bɔ bɛ̀rɛbaa nɛ 18:18

N tá re n din pàã nyɛɛ, ka zaman kɛ lɛ dɔ wɔ-n kun ni. Dí lɛ á guguru n ganaa. N ba boe la n nya n dinsɔɔ̃ wa.

Bɔ bɛ̀rɛbaa nɛ 18:22

Bɛn tá re zaman lɛ a kiri we biikoo tumaa li. Bɛ̀ sii lɛ mɛn tá guguru, ǹ tá re die bɛ nyɛɛ n nɛ. Sɛnɛ, bɛ̀ ǹ mɛn ba guguru wa, toa ǹ dinin nə bɛ yɔrɔ bɔ. Guĩ lɛ puusə kɔ n din ganaa bɛa yɔrɔ kɛ la, n toa ǹ gũ kunun n ni.

Bɔ bɛ̀rɛbaa nɛ 18:26

Bɛn nə́ goã kiri we zaman lɛ ganaa biikoo tumaa li. Bɛ̀ sii lɛ mɛn tá kaka, maǹ die bɛ nyɛɛ Muizu ni, sɛnɛ, sii lɛ mɛn bɛ́ a kaka wa, ǹ dinin man bɛ yɔrɔ boe.

Suusun 18:5

Sonbore kɔ min baraa la a siĩn wa. Mɛnaa min pepere la kiri wɔ ǹ bǎã nɛ, bɛ dɔ n sii bɔnɛɛ lɛa.

Suusun 24:23

Sii-dɔ̃lin nə boo mɛn da doo, bɛ á ke: Bɛ̀ ń tá kiri we, a siĩni n bɔnbii-a wɔ minin bii wa.

Suusun 28:21

Bɔnbii-a wɔ a siĩn wa. Sɛnɛ, bǐɛ̃ boɛɛn tá boe la a min bɔyaa a bɔ a peperebaa la.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Malakii 2:9

A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.

Matiə 22:16

Ǹ nə́ ǹ kialandɛnan dia, kun ka min mɛnɛn bɛ́ kii Erɔdi a pàã li, mà ǹ wo pɛ Yezu ni: «Mìinaa, wɔsɛn tá doɛ̃, n tá sonbore pii, n tá minin darɛɛ Lawa a zii ganaa ka a peperebaa nɛ, n ba nyɛ́ɛ biɛ minbuiinin taasiɛ-n wa, a giala n ba minin bɔkɔnlɛ we wa.

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Luku 20:21

Ǹ nə́ nɔ̀n kɛ da la: «Mìinaa, wɔsɛn tá doɛ̃ wáa n bɛ́ màn mɛn pii, n bɛ minin darɛɛ ǹ mɛn-a, bɛ á pepere. N ba bɔkɔnlɛ we wa. Minin doamaa bɛ́ nɛ ǹ tɔ wɔ pepere lɔn Lawa a zii la, ma n minin darɛɛ bɛ ganaa sɔnbɔraanɛ.

Rɔmu minin 2:11

Lawa a bɔkɔnlɛ we wa.

Efɛɛzi minin 6:9

Kasɛn dɔn mìinaan lɛn, ka zɛnaa miɛ̃ kaa bɛ̀rɛn lɛn wɔ paǹ li. Ka kakaarɛbaa toa walan, ka dɔ̃ mà ka dinin ni, ka kaa bɛ̀rɛn nɛ, mà ka n lon a Goledɛnaa goon toto kɛ wɔn lɛa, asɛ mɛn bɛ́ a bɔkɔnlɛ we wa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Timəə dí-pɛn 24:17

Ka nyan sii kɔkɔrɔ zɛnaa ka mɛnaa gùli laanka nɛ toen la wa. Ka baran lɔ giɔɔrɔ a mɔnaan si la giɔ̀mɔ lɛ koa ǹ màn lɛa wa.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.

Kolɔɔsi minin 3:25

Lawa a bɔkɔnlɛ we wa, bɛ̀ min dí kɔkɔrɔ nya, bɛa dɛnaa n die a dí kɔkɔrɔ nya ǹ saraa yii.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Zaaki 2:9

Sɛnɛ, bɛ̀ ka á bɔkɔnlɛ we, sii baraa nɛ ka á zɛnɛɛ. Lawa a dí-pɛ dɔ n ka zɛ̀rɛ biɛ, a giala, ka ǹ bɔlɔ tii wolen lɛa.

Piɛrɛ1 1:17

Ka n Lawa bíi Díi bɛ̀ ka tá a nyankoe, sɛnɛ, ka n yiri koa a nɛ, mà a n kiri kuri min gogoonmaa la, á kɔnpii ka a nya ǹ dí ni, a bɔkɔnlɛ we wa. Bɛ lɛ taman yii, biikoo gialakun mɛn bɛ́ tɔn ka gɔn, ka n zɛnɛɛ kanaa, ka tɔ wɔ ka nyɛ́ɛbaa a yii-n ni.

Samayeli1 16:7

Sɛnɛ, Dɛnaa Lawa pɛ Samayeli ni: «N yii bɛ́ Eliabu ganaa lɔn ke, n baran n saa bɛ li wa, n baran n saa a sasabaa kɛ li wa. Ma lɛ kɔ a ganaa wa. Minbuiin nɛ a ga màn ganaa ǹ gɔn laanka Lawa wɔ ba goon wa. Màn mɛn bɛ́ yii n boe la a yɛ dəə̃nəə ne, minbuiin nɛn man giɛ bɛ-a, sɛnɛ, Dɛnaa Lawa n giɛ foo ganaa.»

Samayeli1 2:25

Bɛ̀ min sii la ǹ miã kɔsɔ la, Lawa n die bɛ yɔrɔ boe. Sɛnɛ bɛ̀ min sii la Dɛnaa Lawa la, die n die yii, a bɛ yɔrɔ bɔ? Sɛnɛ ǹ nə n too kɔ ǹ di lɛ a boo ganaa wa, a giala, Dɛnaa Lawa na á goã giɛ li mà a ǹ nyin bɔ.