Timəə dí-pɛn 1:15 - LAWA A BOO SONBORE

¹⁵ Má nɔmaa má tɔrɔ gogoonmaa a mìilandɛnan sɔkɔn, giĩn lɛa, sii doɛ̃, ǹ tɔ bǐɛ̃ dɔ n minin lɛ-n. Má bɛn lɛn koa ka mìi la. Ǹ tɛnɛn man min duu goon a mìilandɛnan lɛa, ǹ tɛnɛn man min paabiɛ wɔn lɛa, ǹ tɛnɛn man min posooro wɔn lɛa, ǹ gialakunun man min fù wɔn lɛa. Má ǹ gialakunun dɔn koa pàãdɛnan lɛa, ka tɔrɔn lɛn bii ni.

LAWA A BOO SONBORE 2011

¹⁵ Má nɔmaa má tɔrɔ gogoonmaa a mìilandɛnan sɔkɔn, giĩn lɛa, sii doɛ̃, ǹ tɔ bǐɛ̃ dɔ n minin lɛ-n. Má bɛn lɛn koa ka mìi la. Ǹ tɛnɛn man min duu goon a mìilandɛnan lɛa, ǹ tɛnɛn man min paabiɛ wɔn lɛa, ǹ tɛnɛn man min posooro wɔn lɛa, ǹ gialakunun man min fù wɔn lɛa. Má ǹ gialakunun dɔn koa pàãdɛnan lɛa, ka tɔrɔn lɛn bii ni.

Timəə dí-pɛn 1:15 ပူးပေါင်းရင်းမြစ်များ

Bɔ bɛ̀rɛbaa nɛ 18:21

Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

Bɔ bɛ̀rɛbaa nɛ 24:1

Lawa goã á pɛ Muizu ni: «Dii n da masɛ Dɛnaa li, n din ni, Aarɔn nɛ, Nadaabu ni ka Abiu ni, ka Izirayeli nɛnyaanan lɛn *min gole pɔsɔbaa nɛ. Ka daa ka golee sɔsɔɔ, ka n kuməə tán.

Minin nimi 1:4

Ka tɔrɔ gogoonmaa a giĩ goon kũ, giĩ mɛn nə́ ke kɛdɛnaa lɛa, ka ti ka dinin ganaa.

Minin nimi 31:14

Min mɛnɛn nə goã zia-baalin lɛn tumaa a goledɛnan lɛa, min mɛnɛn dɔn nə goã zia-baali duu goon mìi la, ka ǹ mɛnɛn nə goã zia-baali paabiɛ mìi la, ǹ nə́ boe zia lɛ a baa ǹ bǎã nɛ, Muizu foo yoo bɛn tumaa li.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Timəə dí-pɛn 1:14

Ká tɔ́n ma lɛ si ká pɛ mà ma bɛ́ mà kasɛn nə sii mɛn zɛnaa, mà á siĩni.

Timəə dí-pɛn 1:16

Bɛa waáraa lɛ nɛ má pɛ má laa kaa sii yɔrɔ-bɔlen lɛn ganaa kɛnɛn: «Bɛ̀ ka dɔɔ̃nɔn lɛn mɛnɛn nə́ daa ka ǹ sii ni ka li, ka n too kɔ ǹ lon. Bɛ̀ sii tá Izirayeli minin mɛnɛn bii, hinlaa ta a n Izirayeli min laanka gùli bii, ǹ mɛn bɛ́ giã nɛ a kion, ka didie a sii yɔrɔ bɔ a peperebaa li.

Timəə dí-pɛn 16:18

Ka die ka sii yɔrɔ-bɔlen laanka zaman-lɛduə̃lin koa kaa tɔrɔn lɛn wɔ lɛa, kiwin lɛn tumaa nɛ, kaa Lawa, Dɛnaa Lawa bɛ́ re kiwin mɛnɛn koe ka la. Bɛn tá re zaman lɛ a sii yɔrɔ boe ka peperebaa nɛ.

Samayeli1 17:18

Nàari mìi fù kɛ dɔ si n wo kɔ zia mìilandɛnaa la. N die n ga n golon lɛn ganaa, bɛ̀ ǹ tá kakabaa la, n da pɛ ma nɛ. N toa màn yɛ n gɔn, bɛ́ n nyɛɛ mà ǹ tá kakabaa la sonbore.

Samayeli1 22:7

Sayulu pɛ a dí-nyalin lɛn manɛ golee ne a genli: «Bɛnzamɛn tɔrɔn lɛn, ka n too kɔ doɛ̃! Ka n taasɛ mà Zesee a nɛgiĩ lɛ dɔ tá re wurun laanka *rezɛ̃ dan koe ka tumaa la, a ka baa a sɔraasin nyɛɛnaandɛnan lɛa, kɛn nə giã sɔraasi duu goon mìi la, kɛn nə giã sɔraasi paabiɛ mìi la?

Samayeli1 8:12

A tá re ǹ tɛnɛn kiɛ min duu goon mìi la, a ǹ tɛnɛn kaa min posooro mìi la, a tá re ǹ tɛnɛn kiɛ a buu-kɔsiɛ ganaa, a ǹ tɛnɛn kaa a kaa-piɛ dí nyɛɛ ganaa, a ǹ tɛnɛn kaa a ziabaa ǹ mànan laanka a wotoron mànan zɛnaa ganaa.