Timəə dí-pɛn 1:11 - LAWA A BOO SONBORE

¹¹ Má pɛ dinin máa Dɛnaa Lawa, ka digolon Lawa lɛ die a kɛ miã kaa ka li doo gunyin duu goon, a barka da ka ganaa, ka a bɛ́ á n lɛ kɔ ka la lɔn.

LAWA A BOO SONBORE 2011

¹¹ Má pɛ dinin máa Dɛnaa Lawa, ka digolon Lawa lɛ die a kɛ miã kaa ka li doo gunyin duu goon, a barka da ka ganaa, ka a bɛ́ á n lɛ kɔ ka la lɔn.

Timəə dí-pɛn 1:11 ပူးပေါင်းရင်းမြစ်များ

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 49:25

N di a Lawa á re n doe n lɛ, Pàãyiidɛnaa Lawa á re barka diɛ n ganaa. Á die a la mu gisĩ n la, a die a tán giulun mu kɔ n la, a die a nɛnyaanan laanka tɔɔn kɔ n la.

Samayeli2 24:3

Zoabu tɔ́n pɛ kii lɛ nɛ: «Zaman mɛn bɛ́ a tan, Dɛnaa Lawa mɛn bɛ́ n Lawa lɛa, bɛ die a wusoo a bɛ miã paabiɛ kaa bɛa zaman lɛ li, maa dɛnaagiĩ kii din yii yɛ. Sɛnɛ, maa dɛnaagiĩ kii ganaa, wàa na á baa, n tá li n bɛ miã sii kɛ zɛnaa.»

KZS1 21:3

Zoabu tɔ́n pɛ nɛ: «Dɛnaa Lawa die a na a zaman lɛ mɔnaa gunyin paabiɛ. Dɛnaa maa kii, ǹ tumaa bie n din wɔ lɛa ǹ nə́ dí nyɛɛ ǹ nɛ wa ya? A n siɛ lɔn n tá zoɛ̃ bɛ li. Wàa na á baa n tá siɛ̃ diɛ Izirayeli mìi ni.»

Loen 115:14

Dɛnaa Lawa die a kaa sumu giala bɔ li, ka dinin wɔ laanka kaa nɛnyaanan wɔ nɛ.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Ezekieli 16:7

Ma din nə má n da gole kɔ ganaa, ka da ten bɛ́ lɔn. N gole kɔ n woo lon, n siĩn kɔ n la yii ni. N nyɔn nə́ bɔ, ka pã n ganaa. Sɛnɛ, mɔnaa goã n ganaa wa, n gɔ̀nɔn kooro na á goã nɛ.

Minin nimi 22:12

Lawa pɛ Balaamu ni: «N baran toa n wo kun ka bɛa minin kɛn lɛn nɛ wa. N baran toa n lɛn baraa bii zaman kɛ lɛ li wa, a giala masɛ barka da zaman lɛ ganaa.»

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Timəə dí-pɛn 1:12

Sɛnɛ, ma dinsɔɔ̃ a boe la, man toɛ̃ ka kaa sii yɔrɔ bɔ nɛ, má n ka laadoon bǐɛ̃ koe, má n kaa zian nyɛɛ ka bii wa.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 28:62

A laanɛ ka á mɔnaa nɛ ka lon a leeren bɛ́ lɔn, bɛ̀ ká kaa Lawa, Dɛnaa Lawa bɔlɔ tii, kaa min mɛnɛn bɛ́ goɛ̃, ǹ ba re tɛ koe wa.