Timəə dí-pɛn 1:10 - LAWA A BOO SONBORE

¹⁰ A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

LAWA A BOO SONBORE 2011

¹⁰ A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Timəə dí-pɛn 1:10 ပူးပေါင်းရင်းမြစ်များ

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Nehemii 9:23

Ń nə́ ǹ nɛnyaanan mɔnaa ka lon a leeren bɛ́ lɔn. N goã ń pɛ ǹ digolon manɛ, mà ǹ wo gána mɛn lɛ si, ǹ baa ǹ wɔ lɛa, ń wɔ ǹ nɛ walan.

Loen 107:38

Lawa n barka diɛ ǹ ganaa, màn nə miɛ̃ ǹ li, ǹ nə́ mɔnɛɛ, Lawa a toɛ màn nə n bɔ ǹ tɔɔn lɛ wa.

Bɔ bɛ̀rɛbaa nɛ 12:37

Izirayeli nɛnyaanan lɛn nə́ soo Ramusɛsi kiwi, ǹ nə́ woo Sukɔti. Ǹ nə́ woo dɔ giĩ duu biɛsɔrɔ (600.000) kɛ miã, nɛnyaanan nə́ ǹ ba a-n wa.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Ezekieli 16:7

Ma din nə má n da gole kɔ ganaa, ka da ten bɛ́ lɔn. N gole kɔ n woo lon, n siĩn kɔ n la yii ni. N nyɔn nə́ bɔ, ka pã n ganaa. Sɛnɛ, mɔnaa goã n ganaa wa, n gɔ̀nɔn kooro na á goã nɛ.

Minin nimi 1:46

bɛn tumaa a kaa kun na á kɔnpɛ ka min duu biɛ sɔrɔ ka duu sɔɔ ka biɛsooro ka posooro (603 550).

Minin nimi 10:36

Bɛ̀ goo lɛ golee, Muizu na á goã pii: «Dɛnaa Lawa ganaa, wusoo n da Izirayeli a zia nɛ damata lɛ li.»

Timəə dí-pɛn 1:11

Má pɛ dinin máa Dɛnaa Lawa, ka digolon Lawa lɛ die a kɛ miã kaa ka li doo gunyin duu goon, a barka da ka ganaa, ka a bɛ́ á n lɛ kɔ ka la lɔn.

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Timəə dí-pɛn 28:62

A laanɛ ka á mɔnaa nɛ ka lon a leeren bɛ́ lɔn, bɛ̀ ká kaa Lawa, Dɛnaa Lawa bɔlɔ tii, kaa min mɛnɛn bɛ́ goɛ̃, ǹ ba re tɛ koe wa.

Timəə dí-pɛn 7:7

Bɛ̀ ń yǎa Dɛnaa Lawa tá ka narɛ, bɛ̀ ń yǎa á ka bɔ, a bie ka ka n mɔnaa-n ká la tɔrɔ gialakunun kɛn tumaa-n wa. Ka dinin man tɔrɔ kɔsɔn lɛn tumaa a boɛɛn lɛa.