Tiitii 3:3 - LAWA A BOO SONBORE

³ A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

LAWA A BOO SONBORE 2011

³ A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Tiitii 3:3 ပူးပေါင်းရင်းမြစ်များ

Siin Giala 38:9

Sɛnɛ, Onan bɛ́ doɛ̃ mà nɛ lɛ ba re asɛ wɔ biɛ wa, bɛ̀ á woo giã kun ka ǹ gologiĩ a lɔ lɛ nɛ ǹ mɛn waáraa, bɛ̀ á dɔ̃ mà asɛ kíi á die, a n toɛ bɛ̀ a kaa tán, màn mɛn bɛ́ toɛ, a baran ǹ gologiĩ lɛ tɔrɔ yɛ wa.

Siin Giala 39:16

Á Zozɛfu a dɔnkɛ lɛ koa a din li miɛ̃, yǎa ǹ zuũ Potifaara nə́ n bɔyaa, á daa piɛ.

Loen 36:2

Min baraa a yii wɔ Lawa la ǹ boo ke, bɛ n die ma yiri ni. Asɛ yii li, min doamaa bie a nyɛ́ɛ baa Lawa nyɛɛn wa.

Suusun 8:5

Kasɛn mɛnɛn doɛ̃ bɛ́ a tɛ wa, ka n daraa sii giala ma ganaa. Kasɛn mɛnɛn bɛ́ yiriwɛɛnaan lɛa, ka ga sii-doɛ̃ li.

Suusun 9:6

Ka baãnaabaa toa walan, ka á re yiikoonaabaa yii. Ka yiridɛnaabaa ǹ zii saa.»

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Abdiasi 1:3

Táa n din-koa baraa kɛ lɛ nə n yiri siɛ̃! Nsɛ bɛ́ giã-n kele kɔ́sɔ nɛ, n nə́ lon kelen lalan, ma n taasɛ kəni: «Die n boe la a masɛ da gisĩ tán ganaa?»

Matiə 21:29

Bɛ́ pɛ nɛ: «Ma a woe wa.» Sɛnɛ, á wusoo á n taasɛ bɛ kio, á woo.

Luku 21:8

Yezu nə́ ǹ lɛ si á pɛ: «Ka n dinin kũ, ka baran toa min kɔ́n nə ka yiri sã wa. A giala, min gigiã á re die ka masɛ tɔ nɛ. Ǹ didie á re pii mà asɛ din lɛ nɛ, ka tá n yii diɛ la, mà haya, mà biikoo lɛ pã kəni. Sɛnɛ, ka baran kɔ ǹ lɛ wa.

Zaã a sɛ́wɔ 8:34

Yezu tɔ́n pɛ ǹ nɛ: «Man taãn pii ka nɛ, min mɛn bɛ́ sii baraa zɛnɛɛ, bɛa dɛnaa n sii baraa a bɛ̀rɛ lɛa.

Rɔmu minin 11:30

Kasɛn tɔrɔ kɔsɔn kɛn lɛn, lɛlɛ ká goã ká Lawa bɔlɔ tii. Sɛnɛ kanna, Zuifun Lawa bɔlɔ-tii taman yii, Lawa makara bɔ ka ganaa.

Rɔmu minin 6:12

Ka baran toa sii baraa goã kii lɛa ka gɔ̀nɔn siĩ gã wole kɛ la doo wa. Ka baran kɔ dùũ sii babaraan kɛn lɛ doo wa.

Rɔmu minin 6:17

Ka daa wɔ barka da Lawa nɛ. Ka n ká goã sii baraa a bɛ̀rɛn lɛa lɛlɛ, sɛnɛ, daraa ke á n kɔ ka la, sii yɔrɔ sonbore mɛn bɛ́ a nɛ, ká bɛ si ka ka foo din tumaa nɛ.

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Rɔmu minin 6:6

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Kolɔɔsi minin 1:21

Bɛ na á n zɛnaa ka dɔn manɛ. Lɛlɛ ka goã Lawa doɛ̃ wa, ka bɛ dɔ-n doo, ka n ká goã a zɔ́ɔn lɛa, a giala, ka n ká goã sii baraan taasɛ, ka nə́ ǹ zɛnɛɛ dɔn.

Kolɔɔsi minin 3:7

Ka dɔn man ka goã tɔ we bɛa yɔrɔ kɛ lɛ la lɛlɛ, bɛ̀ dùũ sii baraan pàã bɛ́ tɔn ka mìi-n bɔrɔ.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Timote2 3:6

Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Tiitii 2:12

Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.

Zaaki 1:26

Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.

Piɛrɛ1 1:14

Ka goã Lawa bɔlɔ-silin lɛa, ka baran ka dinin kɔ kaa lɛlɛ a dùũ sii babaraan kɛn la wa, ka bɛ́ ká goã dùũ siin mɛnɛn zɛnɛɛ kaa Lawa doɛ̃baã biikoo li.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 13:14

Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.