Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tiitii 2:10 - LAWA A BOO SONBORE

10 Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

10 Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

အခန်းကိုကြည့်ပါ။ ကော်ပီ




Tiitii 2:10
29 ပူးပေါင်းရင်းမြစ်များ  

Min mɛnɛn bɛ́ foo doamaa wolen lɛa gána lɛ gɔ́ɔ̃ nɛ, man bɛn yii gɔgoɛ̃, ń giɛ, ǹ tá sii yɔrɔ boe kun ma nɛ. Min mɛn a sii zɛnaa ǹ gɔn bɛ́ siĩni, bɛ lɛ n maa dí nya kun wole biɛ.


Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»


Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.


Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.


Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.


Nɛ lɛ sɛ na á goã gole koe, á n yiridɛnaa biɛ á woe nyɛɛnɛ. Biikoo kɔ́n waáraa á goã don bii, yǎa a din nyaa Izirayeli minin ni pinaa dɔ.


«Bɛ̀ min mɛn tá foo doa ǹ min lɛa sii boɛɛn gɔ́ɔ̃ nɛ, bɛa dɛnaa n foo doa ǹ min biɛ sii gole dɔ gɔ́ɔ̃ nɛ. Bɛ̀ min mɛn ba foo doa ǹ min lɛa sii boɛɛn gɔ́ɔ̃-n wa, Ǹ dɛnaa ba foo doa ǹ min biɛ sii gole dɔ-n wa.


Zudaasi bɛ́ á bɛ pɛ, a bie ka a nə n gɔ́ɔ̃ bii doobaan sii-n wa, sɛnɛ, wurumu ni. A giala, a din na á goã wɔrɔ koɛ. Bɛ̀ ǹ nə́ wɔrɔ mɛn kaa màn nɛ, a n bɛ koɛ̃.


Ǹ bɛ́ ǹ nə́ màn tamaa min mɛnɛn li, maǹ giɛ li mà ǹ goã min pepere taãnan lɛa.


Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.


Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.


Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.


Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.


Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.


Min mɛnɛn tumaa bɛ́ bɛ̀rɛbaa gɔ́ɔ̃ nɛ, bɛn doamaa nɛ ǹ ga ǹ goledɛnan ganaa, mà ǹ doamaa-n ka guguru kɔ lɛ piɛ̃ nɛ. Màn mɛn bɛ́ toɛ, Lawa tɔ baraa baran n pɛ wa, baraa dɔ baran n pɛ, minin daraa ǹ boo kɛ wɔ paǹ li wa.


Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.


Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.


Sɛnɛ, wɔ Kirisibaali Lawa bɛ́ a ná a sonborebaa laanka a minin narɛ ǹ sii zɛnaa minbuiinin ni,


Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.


Sɛnɛ, ka bɛ zɛnaa ka foo-basiɛ̃ nɛ, ka min kɔsɔ guguru kɔ nɛ. Ka baran toa ka foo ka zɛ̀rɛ baa ka sii kɔ́n nɛ wa, màn mɛn bɛ́ toɛ, ta maǹ ka tɔ ziziɛ̃ ka sii kɔ́n nɛ, min mɛnɛn dinin bɛ́ boo baraa diɛ ka ganaa, kaa tɔ wɔ ǹ gɔn sonbore kɛ a lɛa kun ka Krita nɛ, sìi wusoo a bɛn kũ.


Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.


Akiimelɛki kii lɛ lɛ si á pɛ-n kɛnɛn: «N dí-nyalin lɛn tumaa bii, die na a tan ka Davida bɛ́ lɔn foo n doa nɛ a ganaa? A n kii lɛ daãgiĩ lɛa, min mɛnɛn bɛ́ kii lɛ lɛduĩ, a n bɛn goledɛnaa lɛa. Á guguru kii lɛ a kion.


Dɛnaa Lawa die a didie saraa a kɔnpɛ ka a peperebaa laanka a bɔlɔgoondɛnaabaa nɛ. Dɛnaa Lawa na á goã á n wɔ ma gɔn pelo, sɛnɛ, Dɛnaa Lawa min mɛn bɔ á koa, má n piã, man gɔn da bɛ ganaa wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ