Tiitii 1:4 - LAWA A BOO SONBORE

⁴ Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

LAWA A BOO SONBORE 2011

⁴ Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Tiitii 1:4 ပူးပေါင်းရင်းမြစ်များ

Luku 2:11

Pelo kɛ lɛ nɛ, Davida a kiwi, Kirisibaali na á yɛ kaa lɛa, Dɛnaa lɛ nɛ, Lawa bɛ́ á pɛ, mà asɛ á re Minin Nyin-sili mɛn lɛ diɛ.

Zaã a sɛ́wɔ 4:42

Ǹ nə́ goã pii lɔ lɛ nɛ mà asɛ a da ǹ boon kɛn dininsɔɔ̃nɔn bie ǹ nə́ toa ǹsɛn nə́ golee li wa. Mà ǹsɛn dininmaan ná a lɛ ma, mà ǹsɛn nə́ dɔ̃ mà a n kanaa minin kirisibaa wole lɛa sonbore.

Rɔmu minin 1:12

Haayii, man die ka li, golee Lawa li goon mɛn bɛ́ wɔ lon, wɔ pàã yɛ kun ka bɛ barka nɛ, kaa wɔ ma foo taã, ma dɔ wɔ ka dɔn foo taã.

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Korɛnti2 12:18

Má Tiiti nyankɔ, máa a wo kaa piɛ kun ka wɔ dɔɔ̃n kɛ nɛ, má goã má a boo da ka nɛ. Ka á boe la ka pɛ mà Tiiti ka gɔn màn si ka la? Masɛ laanka asɛ nɛ, wɔa nya ǹ dí mìi goã goon wa? Wɔa giã ǹ gɔn goã goon wa?

Korɛnti2 2:13

Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.

Korɛnti2 4:13

Á n pɛ Lawa a sɛ́wɔ nɛ: «Má golee Lawa li, bɛ lɛ-n má boo da.» Bɛa goleemali ǹ yiri goon kɛ lɛ gɔ́ɔ̃ nɛ, masɛ dɔ n má golee Lawa li, bɛ lɛ-n ma á Boo Tii Kɔɔ̃n kɛ diɛ.

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Korɛnti2 8:16

Ma á barka diɛ Lawa nɛ, asɛ mɛn bɛ́ á din kɔ sii ganaa da Tiiti yiri ni ka a lɛa, ka masɛ bɛ́ lɔn!

Korɛnti2 8:23

Tiiti wɔ paǹ li, ma din a tá kun wole n bɛ nɛ, a n dí nyɛɛ kun ka ma nɛ kaa lɛa. Wɔ dɔɔ̃n gialakunun mɛnɛn bɛ́ kun ni, bɛn man Lawa a sɔmɔ minin dia dí-a wolen lɛa. Maǹ sii zɛnɛɛ Krita guguru-kɔ a lɛa.

Korɛnti2 8:6

Bɛ lɛ na á toa, má Tiiti nyankɔ parsiini má dia ka li, máa a bǐɛ̃baa ǹ dí mɛn giala kɔ, a bɛ lɛ nya a nyɔmɔɔ sɔnbɔraanɛ, ka a bɛ́ a ná a giala kɔ lɔn.

Galaasi minin 2:3

Haalɛ maa tá kun wole Tiiti mɛn bɛ́ Grɛki lɛa, ǹ bɛ da kurii ganaa dinin wa.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Efɛɛzi minin 1:2

Wɔ Di Lawa laanka wɔa Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Kolɔɔsi minin 1:2

Lawa a minin kɛn la Kolɔɔsi kiwi, kasɛn mɛnɛn bɛ́ wɔ dɔɔ̃n bɔlɔgoondɛnan lɛa, Krita wɔ gɔ́ɔ̃ nɛ. Wɔa Díi Lawa die a bǐɛ̃ zɛnaa ka nɛ, a là nyantoro kɔ ka la.

Timote1 1:12

Ma á barka diɛ wɔa Dɛnaa Yezu Krita-n parsiini, asɛ mɛn bɛ́ á dí lɛ a nya ǹ pàã kɔ ma la. Ma á barka diɛ nɛ, a giala á ga ma ganaa foo doamaa wole lɛa, á tɔ́n ma saa a dí ni.

Timote2 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa din foo dùũ ni. A lɛ kɔ mà wɔ á re yiikoonaabaa mɛn yii Yezu Krita pàã ganaa, a na á ma dia, mà ma wo bɛ lɛ boo da.

Timote2 1:2

Nsɛ Timote mɛn bɛ́ maa nɛ sonbore lɛa, man sɛ́wɔ kɛ kiɛ̃ diɛ n din la. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote2 4:10

A giala, Demaasi nə́ n saa sisia a kanaa kɛ li, á woo á ma daa. A na á woo Tesaloniki kiwi. Kresan woo Galaasi gána nɛ, Tiiti woo Dalmaasi gána nɛ.

Tiitii 1:3

Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Piɛrɛ2 1:1

Masɛ Simɔn Piɛrɛ mɛn bɛ́ Yezu *Krita a bɛ̀rɛ laanka a dia dí-a wole lɛa, man sɛ́wɔ kɛ diɛ ka la, kasɛn mɛnɛn bɛ́ kaa goleemali n goon ka wɔsɛn wɔ nɛ, wɔa Lawa laanka wɔ Nyin-sili Yezu Krita a peperebaa barka nɛ.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Piɛrɛ2 2:20

Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zaã1 5:14

Wɔ á doɛ̃, wáa bɛ̀ wɔ màn mɛn nyankɔ la, á n woe a din foo sii li, á re n too koe wɔ lon. Bɛ lɛ n toɛ, foo-doa gole tá wɔ lon Lawa yɔrɔ-a.

Zude 1:3

Maa giaára sonboren lɛn, kirisibaa mɛn bɛ́ wɔ tumaa wɔ lɛa kun, man má goã giɛ li parsiini, ma sɛ́wɔ kiɛ̃ ma dia ka la bɛ wɔ gɔn la. Sɛnɛ, má yɛ máa a na á pàã baa ma ganaa sisia, ma sɛ́wɔ lɛ kiɛ̃, màn mɛn bɛ́ toɛ, ma ka foo taã ka n doa, ka yɔ bɔ golee Lawa li gɔ́ɔ̃ nɛ, golee Lawa li mɛn bɛ́ Lawa din kɔ wɔ la gunyin goon dinsɔɔ̃, kɔsɔ ná a ba kio wa, wɔsɛn mɛnɛn tumaa bɛ́ a din wɔn lɛa.