Tiitii 1:3 - LAWA A BOO SONBORE

³ Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

LAWA A BOO SONBORE 2011

³ Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

Tiitii 1:3 ပူးပေါင်းရင်းမြစ်များ

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Marki 1:15

a na á goã pii: «Biikoo lɛ pã kəni, Lawa n die a kiibaa ǹ dí lɛ nyɛɛ wɔsɛn bii sisia. Ka n taasɛ, ka wusoo kaa sii baraan kio, ka lɛ kɔ Lawa a Boo Tii Kɔɔ̃n kɛ ganaa.»

Marki 13:10

Lawa a Boo Tii Kɔɔ̃n doamaa nɛ a n pɛ tɔrɔ tumaa-n bɔrɔ, bɛ kio, bɛa siin lɛn nə tɔn nə n zɛnaa.

Marki 16:15

Bɛ kio, á tɔ́n pɛ ǹ nɛ: «Ka wo kanaa paǹ tumaa nɛ, ka Boo Tii Kɔɔ̃n pɛ min din tumaa nɛ.

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Nya ǹ dín 10:36

Lawa boo mɛn dia Izirayeli minin la, ǹ tá bɛa Boo Tii Kɔɔ̃n kɛ doɛ̃. Lawa na á bǐɛ̃ wɔ a din laanka minbuiinin bii ni, ka Yezu barka nɛ, Yezu mɛn bɛ́ minbuiin tumaa a Dɛnaa lɛa.

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Korɛnti1 9:17

Bɛ̀ ma din nə má bɔ maa nya ǹ dí lɛa, bɛ̀ ma tá n yii diɛ saraa la. Sɛnɛ, a na á n kɔ ma la, Lawa na á da ma mìi-n dí lɛa, mà ma nya.

Galaasi minin 4:4

Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,

Efɛɛzi minin 1:10

Bɛ̀ a biikoo dɔ ǹ mɛn waáraa, màn mɛnɛn tumaa bɛ́ lon, ǹ mɛnɛn tumaa bɛ́ tán, a n die ǹ soekɔn, a goledɛnaa goon toto koa ǹ mìi la, bɛ n ka Krita nɛ.

Efɛɛzi minin 2:17

Kasɛn tɔrɔ kɔsɔn mɛnɛn nə goã sɔsɔɔ Lawa ganaa, ka Zuifun mɛnɛn nə goã kunu a ganaa, Krita na á daa là nyantoro yɛ ǹ Boo Tii Kɔɔ̃n kɛ pɛ ka nɛ, ka bɛa yɔrɔ kɛ nɛ.

Filipi minin 1:13

A na á n baa miɛ̃, goledɛnaa a kion gole kɛ a garadin ni, ka min kɔsɔn tumaa dɔ̃ kanna, mà maǹ nə́ ma da kòso-n, a giala mà man dí nyɛɛ Krita nɛ.

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.

Kolɔɔsi minin 1:6

Ka dininsɔɔ̃nɔn bie bɛa Boo Tii Kɔɔ̃n kɛ lɛ doɛ̃ wa, sɛnɛ, kanaa paǹ din tumaa n doɛ̃. Bǎã din tumaa nɛ, bɛa boo lɛ n woe nyɛɛnɛ, á barka we minin ni. Boo lɛ na á bɛ zɛnaa ka dɔn manɛ, a kũ kaa wɔ a miɛ bibinaa pinaa lɛ ganaa, ǹ Lawa a bǐɛ̃baa lɛ boo da ka nɛ ǹ mɛn pinaa, ká ma, ká a sonbore kɛ dɔ̃.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Timote1 1:1

Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote1 2:3

Màn mɛn bɛ́ siĩni, wɔ Kirisibaali Lawa yɔrɔ-a, á n kɔɔ̃n a ganaa, a din lɛ n ka bɛ nɛ.

Timote1 4:10

Bɛ̀ n yaa wɔ á dí nyɛɛ, wɔ á yɔ kaka boe, wɔ foo bɛ́ doa-n Lawa yiikoonaa mɛn ganaa, bɛa lɛa nɛ, asɛ mɛn bɛ́ giɛ li a min tumaa kirisibaa, sanparɛ min mɛnɛn foo bɛ́ doa nɛ a ganaa.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Sii-nyaan 14:16

Bɛ lɛ ganaa, min mɛn bɛ́ á goã giã-n labara lalan, bɛ ná a sɛ̌n gɔya saa, á tán màn tumaa kuru á nya.