Tiitii 1:11 - LAWA A BOO SONBORE

¹¹ N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

LAWA A BOO SONBORE 2011

¹¹ N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Tiitii 1:11 ပူးပေါင်းရင်းမြစ်များ

Loen 107:42

Bɛ̀ min peperen nə́ bɛ yɛ, manə n nyɛnyɛɛ, sɛnɛ, min baraan kɛn manə n lɛ tiɛ̃ ka kiĩn.

Loen 63:11

Toa ǹ nə ǹ dɛ ka gɔya sa nɛ; toa tolokan nə ǹ siĩ sɔ̃.

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Ezekieli 13:19

Ka masɛ yii puusə kɔ, maa zaman lɛ yɔrɔ-a, *ɔrzi gɔn yii goon a lɛa ka buuru lɛkoron ne. Ka doamaa bɛ́ nɛ ka min mɛnɛn yii toa koo, ka n bɛn dii; ka doamaa bɛ́ nɛ ka min mɛnɛn dɛ, ka ǹ bɛn yii toɛ koo. Maa zaman lɛ bɛ́ a ba n mìi bibiĩ doɛ̃ wa, ka nə ǹ yiri siɛ̃ ka bɛa yɔrɔ lɛ nɛ.»

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Misee 3:5

Lawa a boo gii-dalin mɛnɛn bɛ́ Dɛnaa Lawa a zaman kɛ yiri siɛ̃, Dɛnaa Lawa na á kɛ pɛ bɛn wɔ paǹ li: «Bɛ̀ min mɛn gɔn màn tá ǹ lɛ-n, maǹ là nyantoro boo diɛ bɛa dɛnaa nɛ. Bɛ̀ min mɛn gɔn màn ba ǹ lɛ-n wa, maǹ zia yɔrɔ diɛ bɛa dɛnaa la.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Luku 20:40

A giala, ǹ yii goã we la doo, ǹ nə́ nɔ̀n diɛ ka sii kɔ́n nɛ wa.

Zaã a sɛ́wɔ 10:12

Min mɛn bɛ́ sèren lɛduĩ giɛ saraa li, a ná a ba sèren lɛn lɛduə̃li taãn lɛa wa, sèren lɛn dɔn nə́ ǹ ba a wɔn lɛa wa, bɛ̀ bɛa dɛnaa don gin yɛ die, a n sèren lɛn toɛ walan, a n gòã da baa nɛ. Don gin lɛ nə ǹ tɛn kuĩ, gialakunun kɛn nə baa si ǹ sasawaa kɔn.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Korɛnti2 11:10

Krita a sonbore mɛn bɛ́ ma nɛ, man pii ka nɛ bɛa lɛa, máa min kɔ́n ba boe la a masɛ a din laakalaa kɛ kurəə Grɛki gána paǹ kɔ́n nɛ wa.

Timote1 5:13

Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Timote1 5:4

Sɛnɛ, bɛ̀ nɛnyaanan tá lɔ giɔɔrɔ mɛn lon, hinlaa ta a nɔ̀ɔnɔn manɛ, bɛn lɛn doamaa nɛ, ǹ nə ǹ kɔ Lawa a zii lɛ nyaa ǹ dinin kion minin man bɔrɔ, ǹ nə ǹ yɛ-wolen gɔn dòo saraa ǹ la. Màn mɛn bɛ́ kɔɔ̃n Lawa ganaa, a din lɛ n ka bɛ nɛ.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Timote2 2:18

Ǹ nə́ sonbore zii da, ǹ nə́ min tɛnɛn golee Lawa li ziziɛ̃ ka ǹ da ǹ boo ne, mà geren yii kaa á nya.

Timote2 3:6

Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Tiitii 1:9

Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.

Tiitii 3:10

Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa.