Tesaloniki2 3:6 - LAWA A BOO SONBORE

⁶ Dɔɔ̃nɔn lɛn, min mɛnɛn bɛ́ ǹ ba woe sii yɔrɔ li wa, wɔ doroon mɛnɛn kɔ ka la, ǹ nə́ ǹ ba tɔ we á kɔnpii ka bɛn nɛ wa, wɔ ǹ pii wɔ á laɛ ka ganaa ka wɔa Dɛnaa Yezu Krita tɔ nɛ, wáa ka n wɔlɔ lui bɛn ganaa.

LAWA A BOO SONBORE 2011

⁶ Dɔɔ̃nɔn lɛn, min mɛnɛn bɛ́ ǹ ba woe sii yɔrɔ li wa, wɔ doroon mɛnɛn kɔ ka la, ǹ nə́ ǹ ba tɔ we á kɔnpii ka bɛn nɛ wa, wɔ ǹ pii wɔ á laɛ ka ganaa ka wɔa Dɛnaa Yezu Krita tɔ nɛ, wáa ka n wɔlɔ lui bɛn ganaa.

Tesaloniki2 3:6 ပူးပေါင်းရင်းမြစ်များ

Matiə 18:17

Bɛ̀ á n piã a n too kɔ bɛn lon wa, n pɛ kaa Lawa a sɔmɔ minin manɛ. Bɛ̀ á n piã a n too kɔ Lawa a sɔmɔ minin dɔn dininmaan lon wa, ga a ganaa golee Lawa li baãnaa hinlaa wusuru-sili lɛa, n baran da sii li wa.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Korɛnti1 11:2

Man ka tɔ bǐɛ̃ pii, a giala, mà ka á n yiri koɛ masɛ li sii din tumaa gɔ́ɔ̃ nɛ. Ma ka daraa siin mɛnɛn dɔn ganaa, ka ǹ koe bɛn tumaa lɛ.

Korɛnti1 5:4

Ka n lɛ sɔkɔn ka Dɛnaa Yezu pàã nɛ, ma yiri bɛ́ re goɛ̃ kun ka nɛ, ka Dɛnaa Yezu *Krita tɔ nɛ,

Korɛnti1 5:9

Má sɛ́wɔ mɛn dia ka la lɛlɛ, má pɛ ka nɛ bɛ nɛ, máa ka nyan kaa sii kɔ́n kaa kun ka din kũ doɛ̃baã wolen ne wa.

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:11

Ka n doa ka giã kiĩni, didie na a din a sii yɔrɔ bɔ, a dí nya ka a din gɔn nɛ, ka wɔ bɛ́ wɔ́ pɛ wɔ́ laa ka ganaa lɔn.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 2:15

A bɛ́ miɛ̃, dɔɔ̃nɔn lɛn, ka n doa, wɔ doroon mɛnɛn kɔ ka la ka wɔ lɛ nɛ, hinlaa wɔ ǹ mɛnɛn kiɛ̃ sɛ́wɔ nɛ wɔ́ ǹ dia ka la, ka n yiri koa bɛ nɛ parsiini.

Tesaloniki2 3:7

Kasɛn doamaa bɛ́ ka wɔ gòɛ̃ saa lɔn, ka dinin tá bɛ doɛ̃ parsiini; wɔ bie wɔ́ giã ka bii, wo sii yɔrɔlibaã wolen lɛa wa.

Timote1 5:21

Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Timote2 3:5

Ǹ tá re n dinin biɛ Lawa a zii tɔ-wɔlen lɛa, sɛnɛ, màn mɛn bɛ́ a zii tɔ-wɔ lɛ a pàã koe ǹ la, ǹ ba re bɛ sii wa. Haya, n bɔ bɛ miã minin kɛn wɔlɔ li ka lenlen!

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Zaã2 1:10

Bɛ̀ min daa ka ganaa, a ná a da ka bɛa daraa ǹ gɔn kɛ-n wa, ka baran n yɔrɔ da la wa, ka baran fòo din da-n wa.