Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tesaloniki2 3:5 - LAWA A BOO SONBORE

5 Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

အခန်းကိုကြည့်ပါ။ ကော်ပီ

LAWA A BOO SONBORE 2011

5 Dɛnaa die a Lawa narɛ ǹ foo wɔ ka nɛ, a *Krita a sii simaa kɔ ka la.

အခန်းကိုကြည့်ပါ။ ကော်ပီ




Tesaloniki2 3:5
33 ပူးပေါင်းရင်းမြစ်များ  

A die a wɔa taasiɛ bɔyaa a dia a din la màn mɛn bɛ́ toɛ wɔ kɔ a dùũ siin tumaa lɛ, wɔ a gɔn waa ǹ boon kɛn tamaa ka a landa boon kɛn laanka a sii yɔrɔ bɔ ǹ boon kɛn nɛ, a ǹ mɛnɛn lɛn kɔ wɔ digolon la.


Toa n gɔn waa ma-n boon kɛn sii goã ma ganaa. Ǹ sii ma kũ, á la ga màn li ni.


Maa tɔ wɔ ǹ gɔn gɔ́ɔ̃ nɛ, n din ma foo taã, ma boo la ma n foo sii zɛnaa.


LOE-saalin goledɛnaa loe mɛn lɔ. Davida a loe n ke.


N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.


Dɛnaa Lawa, máa doɛ̃, máa minbuiin nɛ nyin ba a din gɔn, a boo la a sii yɔrɔ bɔ a din ni wa.


Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.


N yii da Dɛnaa Lawa a bɔ sii-n la, kiĩn ni, sii sonbore ne.


Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.


Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.


Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.


Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.


Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,


Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.


Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.


Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.


Wɔ Di Lawa dinmaa laanka wɔa Dɛnaa Yezu die ǹ zii kɔ wɔ la, wɔ da bɔ ka li!


Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.


A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.


Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.


Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.


*Krita lɛ bɛ́ á fuu yɛ a din gɔ̀nɔn nɛ, ka dɔn doamaa nɛ ka ka dinin yɔrɔ bɔ bɛa lɛa. A giala, min mɛn bɛ́ fuu yii a din gɔ̀nɔn nɛ, bɛa dɛnaa nə n dɔ̀ɔ̃ we sii baraa nɛ.


Ka doamaa nɛ ka n yii da lɛawaa kɛ la, Lawa bɛ́ re lon papaɛ̃ ǹ mɛn pinaa ka tɛ nɛ, a lon mànan kɛn yo tɛ-n. Ka n doa ka n wen waa, màn mɛn bɛ́ toɛ, bɛa lɛawaa kɛ lɛ da fufuu.


Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.


Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.


Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ