Tesaloniki2 3:2 - LAWA A BOO SONBORE

² Ka Lawa nyankɔ wɔa lɛa dɔn, màn mɛn bɛ́ toɛ, wɔ kanbaa min babaraa naarɛn kɛn ganaa; a giala, golee Lawa li ba min tumaa lon wa.

LAWA A BOO SONBORE 2011

² Ka Lawa nyankɔ wɔa lɛa dɔn, màn mɛn bɛ́ toɛ, wɔ kanbaa min babaraa naarɛn kɛn ganaa; a giala, golee Lawa li ba min tumaa lon wa.

Tesaloniki2 3:2 ပူးပေါင်းရင်းမြစ်များ

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 18:8

Ma n pii ka nɛ, a n die bǐɛ̃ zɛnɛɛ ka nɛ fufuu. Sɛnɛ, Min a Nɛgiĩ bɛ́ re die ǹ mɛn waáraa, á re die yiɛ bɛ̀ kanaa minin nə́ tɔn golee-n li, ǹ nə́ n yii diɛ a daa la?»

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Nya ǹ dín 17:5

Sɛnɛ, busii wɔ Zuifun lɛn sɛn foo ne, ǹ nə́ bibiə̃ bii-a wole kɔrɔn kɔnɔn bɔ kiwi lɛ gɔ́ɔ̃ nɛ, bɛn nə́ zaman lɛ sɔsɔmɔ ǹ nə́ kiwi lɛ lɔlɔkɔn. Ǹ nə́ tɔ́n woo Zaazɔn a kion lɛnpɛnɛ, mà maǹ giɛ Pooli laanka Silaasi li, ǹ nə́ die kiri kuri ǹ la zaman yɔrɔ-a.

Nya ǹ dín 25:27

Sonbore, má yɛ máa mìi ba la n kòso nɛ dia bǎã nɛ, bɛ̀ n nə́ n ba a zɛ̀rɛbaa ǹ siin kiɛ̃ n da li wa.»

Nya ǹ dín 28:24

Ǹ tɛnɛn nə́ lɛ kɔ ǹ nə́ golee a da ǹ boo lɛ li, sɛnɛ, gialakunun nə golee li duduu wa.

Rɔmu minin 10:16

Sɛnɛ, min tumaa golee Boo Tii Kɔɔ̃n lɛ li wa. Sonbore, Izayii pɛ bɛ wɔ gɔn la: «Dɛnaa, die na á golee wɔsɛn boo diɛ li?»

Rɔmu minin 15:31

màn mɛn bɛ́ toɛ, Lawa ma kanbaa Zudee gána a Lawa-doɛ̃ baãnaan kɛn ganaa. Màn mɛn bɛ́ toɛ dɔn, ma bɛ́ woe ka dɔmalɛ mɛn nɛ Zeruzalɛmu, Lawa a minin kɛn nə lɛ kɔ bɛ ganaa ka foo kɔɔ̃n nɛ.

Korɛnti1 15:32

Masɛ zia baa kɔn ka min tɔrɔ baraan nɛ Efɛɛzi kiwi. Bɛ̀ ma foo na á goã doa-n minbuiinin sii giala ma dinsɔɔ̃ ganaa, bɛ̀ bɛa zia kɛ lɛ là n ka wàa-n ma ganaa. Bɛ̀ geren yii kaa na a banban, bɛ̀ wɔ n koe suusu kɛ lɛ pii: «Wɔ n màn bii, wɔ màn mi, a giala, biɛ̃ wɔ n die giɛ̃!»

Timəə dí-pɛn 32:20

á tɔ́n pɛ kɛnɛn: «Ma á re n yɔrɔ bɔyɛɛ ma bɔ ǹ la, bɛ̀ maǹ die n biɛ lɔn, ma á re giɛ a ganaa. A giala, tɔrɔ babaraan manɛ, maǹ minin lɛa, min ba boe la á n foo doɛ ǹ ganaa wa.

Tesaloniki1 2:18

A na á goã wɔ gɔ́ɔ̃ nɛ, wáa wɔ wusoo wɔ da bɔ ka li. Ma dinmaa Pooli ná a lɛn zɔɔ̃ gunyin gigiã, sɛnɛ, *Sɛtaan wɔ kurəə a ganaa.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!