Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tesaloniki2 2:9 - LAWA A BOO SONBORE

9 Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

9 Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

အခန်းကိုကြည့်ပါ။ ကော်ပီ




Tesaloniki2 2:9
31 ပူးပေါင်းရင်းမြစ်များ  

Yǎa yiri goon tɔn nə n zɔ̃, á daa giã Dɛnaa Lawa yɔrɔ-a á pɛ nɛ kɛnɛn: «Masɛ á re a mìi doe li.» Dɛnaa Lawa nɔ̀n da la: «Ma n die a mìi doe li lɔn?»


Sɛnɛ, Ezipti gána a kɔ́lɔnbaalin dɔn ná a din dí goon lɛ nya, ka ǹ boo sii la ǹ pàã baraa kɛ nɛ. Faarahɔn too goã a kakabaa gɔ́ɔ̃ nɛ, a n too kɔ Muizu laanka Aarɔn lon wa, ka Dɛnaa din bɛ́ á goã á pɛ lɔn.


Bɛa pinaa kɛ nɛ, ma á re Gosɛnɛ gána kɛ a sii boe a gɔrɔn, a giala, maa zaman lɛ n walan. Nyuun sɔn-dɔlen ba re goɛ̃ walan wa, màn mɛn bɛ́ toɛ, n dɔ̃ mà masɛ din Dɛnaa lɛ, mà ma tan haalɛ n gána lɛ din ni.


Sɔmɔnɔn lɛn tá re n boe n ganaa, ǹ nə n bɔ n kionən ne, ǹ nə n bɔ n kiodɛnan ganaa ka n gána minin ni, ǹ gialakun dinsɔɔ̃ goã tà mu li.»


A giala, Dɛnaa Lawa ka yiri tã, á kaa Lawa a boo gii-dalin sàabaa sii-yɛn ganaa, á màn kɔ kaa gɔn-nɔɔlin yɔrɔ lɛ.


Man die zɛnɛɛ miɛ̃ màn mɛn bɛ́ toɛ ma Izirayeli minin lɛn kũ ǹ dinin taasiɛ ganaa, a giala, ǹ tumaa nə́ n na ǹ nə́ n bɔ ma ganaa, ǹ dìn lɛn taman yii.


Bɛa biikoo li, minin nə́ daa giĩ goon kɔ Yezu la, a giala nɔ̀ɔnɔn man a ganaa, a yii tã, a boe boo diɛ dɔ la wa. Yezu ná a busu nya, yǎa a boo la á boo da, a yii dɔ wɔlɔ yɛ.


A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.


Yezu tɔ́n pɛ nɛ: – N tan n nə n bɔ kànaa, Sɛtaan! A giala, a kiɛ̃maa tá Lawa a boo ne: «Kaa tán n Dɛnaa Lawa dinsɔɔ̃ yɔrɔ-a n na a guguru kɔ.»


A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.


Bɛ̀ nɔ̀ɔn lɛ daa, a n yiɛ bɛa dɛnaa kɛ lɛ min sonbore baa, a sii yii n telee ne, á n kɔnboe ka kion mɛn bɛ́ ke ǹ nə́ wɔraa, ǹ ná a gɔ́ɔ̃gɔ́ɔ̃ ǹ mànan tetele.


Yezu tɔ́n pɛ nɛ: «Bɛ̀ ka bie ka kaãbaa ǹ sii dadaran yɛ wa, ka bɛ́ ka a re golee masɛ li duduu wa!»


Sɛnɛ, kasɛn man koe ka di a zɛnaa ǹ siin lɛ.» Ǹ nə́ tɔ́n pɛ Yezu ni: «Kikio nɛn bie ka wɔsɛn nɛ wa dɛ! Wɔsɛn Díi n goon toto dinsɔɔ̃, bɛ n ka Lawa nɛ.»


Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.


á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?


Bɛ kɔ́n ba min tɔwɛɛ wa, a giala, *Sɛtaan dinmaa á boe la, a n din baa lon a dia dí-a wole tɛ fúludɛnaa lɛa.


Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.


A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.


Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.


Zanɛsi laanka Zanbrɛsi Muizu liere kɔ lɔn, bɛa minin kɛn lɛn dɔn man sonbore liere koe miɛ̃. Bɛ miã minin kɛn lɛn Lawa a zii tɔ-we ziziɛ̃ á nya.


Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.


Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.


Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.


Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»


Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.


Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.


Min mɛn bɛ́ nɔmaa ǹ nyankɔrɔ zuzulu lɛduĩ, bɛ nə ǹ kii lɛa, á ǹ nyɛɛnaan sa boe. Maǹ bíi "Minin-Ziziɛ̃li", *Ebrəə bɔlɔ nɛ, maǹ bíi "Abadɔn", Grɛki bɔlɔ nɛ, maǹ bíi "Apoliɔn".


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ